Fotbolti.net

„Þetta kom upp beint eftir þennan Argentínuleik," segir markvörðurinn Hannes Þór Halldórsson en hann er genginn í raðir Qarabag í Aserbaídsjan. Hannes ræddi við Elvar Geir Magnússon og Benedikt Bóas Hinriksson í útvarpsþættinum Fótbolta.net á X-inu 977 í gær, laugardag.

Pepsi-deildin er hálfnuð og á dögunum gerði Fótbolti.net upp fyrri helminginn.

Elvar Geir og Benedikt Bóas skoðuðu niðurstöðuna í útvarpsþættinum á X977.

Er fótboltinn að koma heim? Davíð Snorri Jónasson er HM-sérfræðingur útvarpsþáttarins Fótbolti.net og fór yfir leikina í 8-liða úrslitum.

Hann skoðaði sigurleiki Frakka og Belga í gær og ræddi um leiki dagsins við Elvar Geir Magnússon og Benedikt Bóas Hinriksson.

Davíð var einn af leikgreinendum íslenska landsliðsins á HM í Rússlandi.

Pepsi-útgáfan af Innkastinu er mætt aftur eftir hlé vegna þátttöku Íslands á HM í Rússlandi. Í þætti dagsins skoða Elvar Geir Magnússon, Magnús Már Einarsson og Gunnar Birgisson elleftu umferð deildarinnar.

Einnig er rætt aðeins um HM í fótbolta og Inkasso-deildina.

Guðmundur Kristjánsson og Jónatan Ingi Jónsson eiga það sameiginlega að hafa gengið í raðir FH fyrir yfirstandandi tímabil. Þeir voru gestir í útvarpsþættinum Fótbolti.net á X977.

Guðmundur kom heim eftir atvinnumennsku í Noregi en Jónatan, sem er 19 ára, lék með unglingaliðum AZ Alkmaar.

Í þættinum ræddu þeir um lífið í FH og erlendis, byrjun Hafnarfjarðarliðsins, markmið, fótboltann í Noregi og Hollandi og ýmislegt fleira.

Í útvarpsþættinum Fótbolti.net ræddu Elvar og Tómas um þau kaflaskil sem íslenska landsliðið er nú að fara að ganga í gegnum.

Báðir miðverðirnir virðast á förum, rétt eins og sjálfur landsliðsþjálfarinn. Þá eru leikmenn í liðinu komnir á lokasprettinn á sínum ferli.

Þá var spjallað við Hilmar Jökul í Tólfunni og hann sagði aðeins frá upplifun sinni af því að styðja Ísland á HM í fótbolta.

Útvarpsþátturinn Fótbolti.net á X977 er kominn aftur í sitt eðlilega horf þar sem Elvar Geir og Tómas Þór eru komnir heim frá Rússlandi.

Í þætti dagsins voru 16-liða úrslit HM í Rússlandi skoðuð með Davíð Snorra Jónassyni. Davíð var leikgreinandi fyrir KSÍ á HM í Rússlandi og hefur séð góðan fjölda leikja.

Gunnar Jarl Jónsson, fyrrum dómari og nú sérfræðingu Pepsi-markanna, er staddur á Orkumótinu í Vestmannaeyjum.

Elvar Geir og Tómas Þór heyrðu í Gunnari í útvarpsþættinum Fótbolti.net á X977 í dag og fengu hann til að skoða 11. umferð Pepsi-deildarinnar.

Fimm leikir verða á morgun og umferðinni lýkur svo með stórleik FH og Stjörnunnar á mánudagskvöld.

Þátttöku Íslands á HM í Rússlandi lauk með 2-1 tapi gegn Króatiu í Rostov við Don.

HM innkastið, það síðasta frá Rússlandi, var tekið upp í rútu eftir leik en þeir Elvar Geir Magnússon, Magnús Már Einarsson og Tómas Þór Þórðarson fóru þar yfir málin.

Hljóðgæðin eru ekki eins og best verður á kosið, enda er erfitt að losna við rútuhljóðin.

Meðal efnis var: Hetjuleg frammistaða gegn Króatíu, Heimir sendur til Bandaríkjanna, næsti landsliðsþjálfari, stór ákvörðun hjá KSÍ, Þjóðadeildin, Emil Hallfreðs, kaflaskil Kára, smáatriði sem skilja á milli, EM allsstaðar, senur í Rússlandi og margt fleira.

HM Innkastið er enn í góðum gír í Rússlandi. Einar Örn Jónsson, íþróttafréttamaður RÚV, er gestur Innkastsins að þessu sinni.

Á morgun er komið að leik gegn Króatíu en Elvar og Maggi ræddu við Einar um komandi leik og líkleg byrjunarlið liðanna.

Vangaveltur um hvaða lið sé líklegast til að vinna mótið, umræða um langar rútuferðir, spurningar frá Bleikt & blátt, læti á síðustu æfingu Íslands fyrir leik og ýmislegt fleira.