Fotbolti.net

„Þetta hefur verið hrikalega skemmtilegt sumar," segir varnarmaðurinn Guðmann Þórisson en hann hefur verið lykilmaður í liði KA á Akureyri sem trónir á toppi Inkasso-deildarinnar. Guðmann var í viðtali í útvarpsþætti Fótbolta.net á X-inu í gær.

KA hefur þegar tryggt sér sæti í Pepsi-deildinni á næsta ári og skiljanlega ríkir mikil gleði í gula hluta Akureyrar.

Hádegisleikurinn í enska boltanum var stórleikur Manchester United og Manchester City. Þar unnu gestirnir í City 2-1 sigur.

Fótbolti.net fékk Tryggva Pál Tryggvason á raududjoflarnir.is til að gera leikinn upp. Að hans mati var Paul Pogba stóru vonbrigði leiksins.

Hlustaðu á hans sýn á þennan leik í spilaranum hér að ofan.

Guðmundur Steinarsson, sérfræðingur útvarpsþáttarins Fótbolti.net, fór yfir 18. umferðina í Pepsi-deildinni í dag. Umferðin hefst í dag með tveimur leikjum.

Guðmundur ræddi við Elvar Geir og Tómas Þór um komandi leiki og er hægt að heyra spjallið í spilaranum hér að ofan.

Einnig er rætt aðeins um íslenska landsliðið og ferðalag þess til Úkraínu.

Randers hefur byrjað vel í dönsku úrvalsdeildinni undir stjórn Ólafs Kristjánssonar. Eftir sjö umferðir er Randers með 14 stig, stigi á eftir toppliði Bröndby. Ólafur var í löngu viðtali í útvarpsþættinum Fótbolti.net um helgina.

„Við höfum verið mjög solid í varnarleik og ekki gefið mikið af færum og mörkum á okkur. Það hefur verið erfitt að spila á móti okkur. VIð höfum fengið næstfæst mörk á okkur á eftir FC Kaupmannahöfn. Við höfum verið að vinna þessa 1-0 sigra," sagði Ólafur í viðtali við Tómas Þór Þórðarson og Benedikt Bóas Hinriksson á X-inu á laugardaginn.

Ólafur tók við Randers í sumar og hefur náð að koma liðinu á flug eftir vesen hjá félaginu í vor.

Oliver Sigurjónsson, leikmaður Breiðabliks og U-21 árs liðs Íslands spjallaði við Tómas Þór Þórðarson og Benedikt Bóas Hinriksson í útvarpsþætti Fótbolta.net í dag.

Hann talaði um 1-0 sigur liðsins á Norður-Írum í gær en liðið er í mjög góðri stöðu eftir sigurinn.

Keppni í ensku Championship deildinni er hafin en langt og strangt tímabil er framundan þar.

Gunnar Sigurðarson og Viðar Ingi Pétursson eru miklir áhugamenn um Championship deildina. Þeir ræddu við Fótbolta.net um deildina og skoðuðu meðal annars gömul stórveldi sem þar eru.

Fjórir íslenskir leikmenn verða í eldlínunni í Championship deildinni í vetur en það eru Aron Einar Gunnarsson (Cardiff), Hörður Björgvin Magnússon (Bristol City), Jón Daði Böðvarsson (Wolves) og Ragnar Sigurðsson (Fulham).

Tómas Ingi Tómasson, aðstoðarþjálfari U21 árs landsliðs karla, vill sjá reglur til að fækka erlendum leikmönnum í Pepsi-deildinni. Tómas Ingi telur að ungir leikmenn séu að tapa alltof miklum spiltíma á því hversu margir erlendir leikmenn eru í deildinni.

Kristinn Freyr Sigurðsson, miðjumaður Vals, hefur verið á miklu flugi í Pepsi-deildinni og sú staðreynd að hann hefur verið fimm sinnum í röð í úrvalsliði umferðarinnar segir sitt. Kristinn kom í stórskemmtilegt spjall í útvarpsþættinum Fótbolti.net á X-inu FM 97,7.

Kristinn lyfti bikarnum annað árið í röð með Valsmönnum nýlega en eftir þann titil hafa fylgt 7-0 og 4-0 sigrar í deildinni. Kristinn segir að það sé ekki erfitt að mótivera sig þrátt fyrir að bikar og Evrópusæti séu í höfn.

Hádegisleikurinn í enska boltanum var viðureign Tottenham og Liverpool. Leikurinn endaði 1-1.

Fótbolti.net fékk Kristján Atla Ragnarsson á kop.is til að gera leikinn upp.

Guðmundur Steinarsson er sérfræðingur útvarpsþáttar Fótbolta.net í Pepsi-deild karla. Guðmundur var á línunni í hádeginu og rýndi í komandi leiki í deildinni en 17. umferðin hefst í dag.