Í Fram og til baka á laugardaginn kemur rithöfundurinn Jónína Leósdóttir og spreytir sig á Fimmunni. Hún ætlar að segja Felix og hlustendum frá fimm áskorunum í gengum tíðina og hvernig henni tókst að yfirstíga kvíðann. Jónína er með tvær nýjar bækur í farteskinu og segir frá eins og henni einni er lagið

Í síðari hluta þáttarins hringir Felix í Ómar Guðjónsson en hann heldur tónleika í Garðabæ um helgina. Hann er á leiðinni heim eftir gigg á Ísafirði. Nóg að gera á þeim bænum.

Svo kíkjum við á hvað gerðist á deginum.

Felix Bergsson rabbar við hlustendur Rásar 2 frá Bandaríkjunum að þessu sinni. Þar er fellibylurinn Ian að gera strandhögg og Felix segir af upplifun sinni, bæði í Flórida og Virginíu.

Hann skoðar líka hvað gerðist á deginum og spilar tónlist að hætti hússins, t.d. nokkra tónlistarmenn sem eiga uppruna sinn í Flórída

Gestur Felix í Fram og til baka er Gylfi Þór Þorsteinsson sem hefur vakið landsfrægð fyrir skipulag og vinnu við sóttvarnarhúsin í covid faraldrinum. Gylfi Þór hefur síðan tekið við sem verkefnastjóri í málefnum flóttamanna. Í fimmu sinni talar Gylfi Þór um fimm áföll sem breyttu lífi hans og þau eru allt frá morði á fjölskyldumeðlim í erfiðan atvinnumissi.

Í síðari hluta þáttarins talar Felix við Aldísi Fjólu Ásgeirsdóttur tónlistarkonu um sameiginlegt áhugamál sem er engin önnur en Ragga Gísla. Tilefnið eru tónleikar Röggu í Hörpu þann 1. október. Aldís Fjóla ræðir áhrif Röggu á hana í gegnum tíðina og enn þann dag í dag og þau spila tóndæmi af ótrúlegum ferli þessarar mögnuðu tónlistarkonu.

Felix Bergsson fór Fram og til baka að vanda og fékk Bjarnheiði Hallsdóttur formann Samtaka ferðaþjónustunnar í morgunkaffi. Hún sagði af fimm mikilvægum ákvörðunum sem áttu eftir að hafa jákvæð og góð áhrif á líf hennar.

Nanna Gunnars kom svo í spjall um sérviðburði á RIFF sem byrjar þann 29. september.

Í Fram og til baka talar Hugleikur Dagsson við Felix Bergsson um fimm hryllingsmyndir sem ekki bara breyttu heldur eyðilögðu líf hans eins og hann orðar það sjálfur. Myndirnar eru eftir ekki minni höfunda en t.d. Viðar Víkingsson og Peter Jackson og sveiflast frá því að vera klassískar draugasögur yfir í pyntingar, ógeð og vessa. Viðtalið var tekið upp í Berlín en þar býr Hugleikur nú um stundir.

Í síðari hluta þáttarins rifjar Felix upp atburði tengda deginum, fagnar afmælisbarninu Lovísu Elísabetu Sigrúnardóttur, Lay Low og spilar tónlist tengda stórtónleikunum Risarokki en þeir voru einmitt haldnir sama dag og Lovísa Elísabet fæddist.

Gestir Felix Bergssonar í Fram og til baka eru þau Gerður Kristný rithöfundur, sem kemur í fimmu og Magnús Geir Þórðarson þjóðleikhússtjóri.

Gerður Kristný talar um fimm vörður á lífsleiðinni sem hafa mótað hana og haft á hana áhrif. Þetta er allt frá uppgötvun hennar á barnsaldri um bækur og lestur yfir í ferðalög og skemmtilegt fólk á bókakynningum erlendis.

Magnús Geir talar um leikstjóra og leikhússtjóraferilinn allt frá Gamanleikhúsinu yfir í Þjóðleikhús. Þar kennir sannarlega margra grasa og margar sýningar koma við sögu í skemmtilegu spjalli.

Fram og til baka 27.08.2022

umsjón Felix Bergssson

Sent út frá Akureyri í tilefni af Akureyrarvöku

gestur í Fimmunni var Magní Ásgeirsson tónlistarmaður sem talaði um fimm félagsheimili

Patreksfjörður

Iðavellir

Miðgarður

Valaskjálf

Fjarðaborg

Felix Bergsson fer fram og til baka með hlustendum Rásar 2 og sendir að þessu sinni út frá borginni Norfolk í Bandaríkjunum.

Hann býður upp á úrval úr fimmum í júlí en viðmælendur þá voru t.d. Björgvin Páll Gústavsson handknattleiksmaður, Theodór Skúli Sigurðsson læknir og Edda Falak blaðamaður.

Menningarnótt og Alternative rock listi Billboard koma einnig við sögu í þættinum

Gestur Felix Bergssonar í Fimmunni er Ólafur Stephensen framkvæmdastjóri félags atvinnurekenda. Hann talar um fimm vinnustaði og byrjaði auðvitað sem fjósamaður í Svarfaðadalnum.

Við heyrum svo af Dalamönnum og Sturlungum því Einar Kárason og fleiri standa fyrir Sturluhátíð í dag. Við heyrum í Einari

Gestur Felix í Fimmunni var Álfur Birkir Bjarnason formaður Samtakanna 78 en hann talaði um fimm hinsegin vörður í lífi sínu.