Gestur Felix í fimmunni er Birkir Blær Óðinsson en hann sló eftirminnilega í gegn í Svíþjóð á síðasta ári þegar hann kom, sá og sigraði í sænska Idolinu. Birkir segir okkur af fimm plötum sem breyttu lífi hans og ræðir ferilinn og framtíðina í Svíþjóð.

Í síðari hluta þáttarins koma þau Anna Bergljót Thorarensen og Jakob Hákonarson og ræða nýja íslenska kvikmynd, Jólamóður, en hún verður frumsýnd á Þorláksmessu.

Gestur Felix í Fimmunni að þessu sinni var Gunnar Svavarsson fyrrverandi alþingismaður og framkvæmdastjóri byggingaframkvæmda Landsspítala Háskólasjúkrahúss. Gunnar sagði af verkefnum sínum í gegnum tíðina en hann hóf starfsferilinn við að setja hljómplötur í umslög fyrir föður sinn Svavar Gests hljómplötuútgefanda en leiðin inn á Alþingi tók ýmsar sveigjur og beygjur, t.d. í klósettvörslu á Klúbbnum

Í síðari hlutanum ræddi Felix við Sesselju Ómarsdóttur og Halldór Eyjólfsson um ævintýraferð þeirra Perú en þau hafa stutt strák í SOS barnaþorpi í gegnum lífið og hittu hann í fyrsta sinn í ferðinni.

Felix fékk Elísabetu Eyþórsdóttur eða Betu úr hljómsveitunum Systrum og Sísí Ey í Fimmu. Beta var lengi að finna fjölina sína í tónlistinni og kennslu en blómstrar í dag sem aldrei fyrr. Hún talaði um leiðina sína og bestu ákvarðanir sem hún hefur tekið, allt frá því að eignast barn og yfir í það að ákveða að tala aldrei illa um nokkurn mann.

Í síðari hlutanum hringdi Felix í Hauk Tryggvason, veitingamann á Græna hattinum en hann hefur að vanda mikið í pokahorninu fyrir tónleikaþyrsta

Felix Bergsson fær góðan gest til sín í Fram og til baka en það er engin önnur en Yrsa Sigurðardóttir rithöfundur sem ætlar að gleðja hlustendur í fimmunni. Yrsa er auðvitað einn vinsælasti höfundur landsins og það verður áhugavert að heyra fimmuna hennar sem er fimm skópör!

Svo verður nýtt jólalag með Siggu Eyrúnu, Inn í nóttina frumflutt og við heyrum af tildrögum lagsins.

Gestur Felix Bergssonar í Fram og til baka var Örvar Þóreyjarson Smárason, tónlistarmaður og rithöfundur en hann hefur nýlega sent frá sér smásagnasafn. Fimman var einmitt í þeim anda en Örvar sagði af fimm smásögum sem höfðu haft áhrif á líf hans. Sögurnar eru:

Chekov - Konan með hundinn

Shirley Jackson - The Lottery

George Saunders - Sticks

Miranda July - The swim team

Ragna Sigurðardóttir - Ég skal bjarga þér

Felix hringdi svo í Guðrúnu Árnýju Karlsdóttur sem var að senda frá sér lagið Desember og fjallaði svo stuttlega um 40 ára gamla plötu, Þeir sletta skyrinu með hljómsveitinni Sonus Futurae

Í Fram og til baka sagði söngkonan Regína Ósk okkur frá fimm ákvörðunum sem höfðu haft mikil áhrif á líf hennar. Þetta var allt frá vali á lagi í Söngvakeppnina yfir í sjálft hjónabandið. Í síðari hluta þáttarins hringdi Felix í sauðfjárbóndann Guðna Reyni Þorbjörnsson á bænum Miðengi en hann var að senda frá sér bók fyrir unglinga.

Gestur Felix í fimmunni er Ragnhildur Ágústsdóttir, markaðsstjóri Controlant, ferðamálafrömuður og einn af eigendum Lava Show. Hún talar um áskoranir lífsins í skemmtilegri fimmu.

Síðari gestur þáttarins er Karl Ágúst Ipsen en hann getur sagt okkur ýmislegt sem við vissum ekki um stórstjörnuna dularfullu Dolly Parton

Gestur Felix í Fram og til baka er leikstjórinn, dansarinn, danshöfundurinn, söngkonan og framleiðandinn Unnur Elísabet Gunnarsdóttir. Hún kemur með fimmu sem við höfum ekki heyrt áður - Hlutir sem gerðust ekki en ég vildi að hefðu gerst. Þarna koma ótrúlegar sögur og við förum frá hæstu hæðum í Gvatemala í Vesturbæjarlaugina og svo til Barcelona í óstjórnlegu grátkasti með Tobleronemanninum.

Við skoðum svo hvað gerðist á deginum

Gestur Felix í Fram og til baka var Erla Ragnarsdóttir, skólameistari Flensborgarskóla og söngkona í Dúkkulísunum. Erla talaði um fimm kennara sem höfðu haft áhrif á líf hennar og sagan fór víða, allt frá Egilsstöðum í MR og Háskóla Íslands. Á leiðinni rifjaði Erla upp ýmsa atburði úr lífi sínu.

Í síðari hluta þáttarins hringdi Felix í Gretu Salóme söngkonu og leikstjóra sem stendur að tónleikauppfærslu á Grease. Saga söngleiksins var rifjuð upp.

Gestur Felix í Fimmunni í Fram og til baka er hinn fjölhæfi Arnór Björnsson leikari og handritshöfundur sem talar um fimm leiksýningar sem höfðu áhrif á líf hans. Þar kennir margra grasa, t.d. er talað um leiksýningu í Frakklandi sem var svo leiðinleg að leikhópurinn leysti málið með því að gefa gestum vodkaskot til að hressa þá við.

Felix hringir svo í afmælisdrenginn Guðmund Jónsson tónlistarmann en hann heldur upp á sextugsafmæli sitt með stórum tónleikum í næstu viku.