Friluftsmagasinet

Friluftsmagasinet

By NRK
Download on the App Store

Friluftsmagasinet episodes

  • Leirskulemoro, forvirra elg og snøskuterkjøring...
    Friluftsmagasinet fer på leirskule på Brennabu, og får læra at sparkstøttingen slett ikkje er noko som alle veit kva er i våre dagar. Me skal treffa ein forvirra elg, og me diskuterer snøskuterkjøring. Neste veka svarar miljøvernministeren her i magasinet, men i dag ser me på argument for og imot skuterkjøring.
    49 min
  • Naturverdiar, bjørnejakt og oter...
    Kvaslags verdi har eigentleg naturen, det skal Arnulf Møllerstad prøva å diskutera seg fram til saman med Stein Lier Hansen. Helge Søfteland mimrar om bjørnejakt i Neiden, og startar serie om dyr me kan treffa på i naturen, først ute er oteren!
    44 min
  • Gjenhøyr med året som gjekk...
    Helge Søfteland byr på gjenhøyr frå året som har gått i Friluftsmagasinet. Me skal få læra å fyra bål, me skal få frisk rovdyrdebatt, me skal få fisk og andre ting på kroken og kløvja oss til fjells på Hardangervidda. Men året me har bak oss begynte tragisk med fleire skreulukker, og eg tok turen til Hemsedal for å læra meir om skred.
    40 min
  • Ein friluftsgeneral og ein friluftsmilliardær...
    Helge Søfteland møter den nye generalsekretæren i Turistforeningen, Nils Øveraas. Han kjem frå næringslivets høgaste tindar og har alt blitt glad i friluftsfolket sin dugnadsiver... Arnulf Møllerstad møter Olav Thon, god for 28 milliardar, men framleis glad i det enkle friluftslivet. Gjenhøyr frå 2001.
    49 min
  • Skogsniffing, sjøørretburger og jaktprat...
    Forrige helg la me ut på tur rundt Storavatnet med elevar frå Nygård skule i Bergen. I dag fortset me turen og det står uvanlege aktivitetar som ekornkikking og sølehopping på menyen. Ingenting å sei på humøret, som blir halde oppe av primus motor Kenneth Bruvik. Med Kenneth Bruvik, Sturla Stemland og Kristina Børve Sørdal.
    Me skal og ut og runda av jaktsesongen i dag, når Arnulf Møllerstad prøver seg på rådyrjakt med Espen Farstad, som og skal fortelja litt om korleis det står til med jaktutøvelsen rundt omkring i Europa…
    47 min
  • Friluftsliv med eldsjeler og jakt på juletorsken...
    Kenneth Bruvik har tatt med ungdom ut i naturen i mange år, og har spesiell omtanke for dei som ikkje har det så lett av ymse årsaker. I dag er me med når ein del elevar med bakgrunn frå land med krig og ufred får vera med ut i skog og uver. Arnulf Møllerstad møter Runar Rugtvedt i NJFF, ivrig sportsfiskar og no på jakt etter juletorsken mens dei oppsummerer fiskeåret 2013.
    49 min
  • Sykling, bading og helse i hundremeterskogen...
    Me skal til Setesdal, der du i fordums tid kunne la deg frakta frå sjø til fjell med dampdreve tog. I dag er dampen bytta ut med den krafta du sjøl produserer når du driv sykkelhjulene dine rundt der jernbaneskinnene ein gong låg. Det blir og litt ekstra valuta for lisenspengane når reporteren etterkvart går i vatnet, ganske så kaldt vatn, og mot slutten av sendinga så får me treffa nokon som driv livreddande friluftsliv rundt ein bålpanne i Kristiansand. Tidligare i veka var det filosofiens dag, og me filosoferer litt her i magasinet og, når Arnulf Møllerstad har med seg ein kar som er økofilosof, og som filosoferer omkring hyttelivet og stillheit…
    47 min
  • Friluft i Midt-Agder og jakt på uvanleg vilt...
    Helge Søfteland på besøk hjå friluftsrådet i Midt Agder. Der finst gapahukar med uovertruffen utsikt, og barnehageborn som ikkje et fisk, men laks...
    Arnulf Møllerstad er er på kråkejakt med Jo Inge Breisjøberget frå Statskog, som gjerne sel fleire jaktkort på dei små og uvanlege rovdyra.
    47 min
  • Krekling, jentejakt og Statskog...
    Medvirkende
    Helge Søfteland er framleis med forfattar Øyvind Stranna Larsenpå bærskogen utanfor Kongsberg. Du får høyra dei slukka tørsten med krekling, kvifor gamle furutre ikkje bør bli bålved, og korleis det smakar med villmarksketsjup rett frå tua. Arnulf Møllerstad er og ute med jentene i Åsnes JFF, som har ei aktiv jentegruppe som jaktar på det meste. Arnulf snakkar og med Jo Inge Breisjøberget frå Statskog, som no sel ut skogsområde. Kva skjer då med jakta?
    46 min
  • Bærplukkinga sine gleder og klima gjennom professorbriller...
    Helge Søfteland er med forfattar Øyvind Stranna Larsen for å kikka etter tyttebær. Dei er kanskje på sitt beste etter å ha fått ei frostnatt eller to. Likeeins er rognebæra ekstra søte når frost og snø har gjort sitt, så bærhausten er ikkje over endå. I boka si "Bærplukkingens gleder" fortel Stranna Larsen om bæra og plukkinga si historie frå steinaldr til notid, og byr på praktiske tips og oppskrifter.
    Arnulf Møllerstad er og ute med ein forfattar. I studio Sognsvann vandrar han med professor Dag O. Hessen som har skrive om klimaendringar i Noreg. Både enkeltmennesket og politikarane har ansvar og effekt på klimaendringane, kan han fortelja, og røper at han i mørke stunder er litt pessimistisk kva framtida angår...
    49 min

About Friluftsmagasinet

From the publisher's feed

Naturopplevingar, miljøvern, jakt og fiske får du kvar laurdag morgon klokka 08:05 på P1.