Füzz

Gestur þáttarins að þessu sinni er Kristín Jónsdóttir náttƚruĶárijérĦræðingĵr hjá Veðurijtofu Íslands. Hún mætir með uppáhalds ROKKplötuna kl. 21.00.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er Aqualung, fjórða plata hjómsveitarinnar Jethro Tull, en hún kom ú 19. Mars árið 1971 fyrir nákvæmlega hálfri öld.

Aqualung er að hluta til concept-plata þar sem fjallað er um Guð og kirkjuna og í raun aðskilnað kirkjunnar við Guð. Þessi plata vakti mikla athygli á sínum tíma og fjölgaði aðdáendum sveitarinnar til muna auk þess sem, lög sveitarinnar fóru að heyrast oftar í útvarpi en áður hafði verið.

Platan var tekin upp í hljóðveri Island records í London og var fyrsta plata sveitarinnar sem hljómborðsleikarinn John Evan spilaði á sem fullgildur meðlimur og fyrsta platan sem bassaleikarinn Jeffrey Hammond var með á, og trommarinn Clive Bunker hætti svo skömmu eftir að platan kom út. Það hafa verið talsverðar mannabreytingar í Jethro Tull í gegnum tíðina.

Aqualung er talsvert akústískari en fyrri plötur Jethro Tull, en það kunni fólk að meta og Aqualung er enn í dag mest selda plata sveitarinnar, hefur selst í meira en 7 milljónum eintaka um allan heim auk þess sem hún á fast sæti á allskyns listum yir bestu plötur allra tíma.

Þekktustu lög plötunnar eru titilagið og Locomotive Breath.

Engar erlendar hljómsveitir hafa spilað oftar á Íslandi en Jethro Tull og forsprakkinn Ian Anderson. Hann setti bandið í salt 2012 en fór síðan aftur af stað 2017 og Jethro Tull er starfandi í dag.

Gestur þáttarins að þessu sinni er Brynhildur Guðjónsdóttir Borgarlekhússtjóri. Hún mætir með uppáhalds ROKKplötuna kl. 21.00.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er Killers, önnur plata rokkrisanna í Iron Maiden. Platan varð 40 ára núna fyrir skemmstu en hún kom út 2. febrúar árið 1981 í Bretlandi og Evrópu, en 6. Júní 1981 í Bandaríkjunum.

Killers er fyrsta platan sem gítarleikarinn Adrian Smith spilar á. Hann er enn í hljómsveitinni. Og Killers er síðasta plata Iron Maiden þar sem söngvarinn Paul Di?anno syngur. Hann var rekinn fyrir óreglu, drykkju og kókaínneyslu á sínum tíma. Kraftmikill og flottur söngvari sem sannarlega setti svip sinn á tónlist Iron Maiden framanaf, en hefur farið fremur illa með líf sitt.

Killers er fyrsta platan sem upptökustjórinn Martin Birch gerði með Iron Maiden, en hann vann svo með sveitinni að næstu 8 plötum, sú síðasta var Fear of the Dark 1992.

Steve Harris forsprakki Iron Maiden, bassaleikarinn og West Ham áhangandinn á afmæli í dag, er fæddur 12. Mars 1956 og er þess vegna 65 ára í dag. Hann er skráður höfundur allra laganna á Killers. Harris og gítarleikarinn Dave Murray eru þeir einu í hljómsveitinni sem hafa verið með á öllum plötunum sem eru orðnar 16 talsins. Sú nýjasta er The Book of Souls sem kom út 2015.

Iron Maiden hefur tvisvar spilað á Íslandi, kom fyrst í Fear of the Dark túrnum 1992 og spilaði þá fyrir hálfri Laugardalshöll en kom svo aftur í júní 2005 og spilaði þá fyrir fullri Egilshöll. Þá voru eingöngu á efnisskránni lög af fyrstu fjórum plötunum;

· Iron Maiden (1980)

· Killers (1981)

· The Number of the Beast (1982)

· Piece of Mind (1983)

Gestur þáttarins að þessu sinni er Ari Eldjárn, Hann mætir með uppáhalds ROKKplötuna kl. 21.00.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er Load, sjötta breiðskífa Metallica sem kom út júní 1996 ? fyrir bráðum 25 árum síðan.

Það eru ekki allir gamlir aðdáendur Metallica ánægðir með þessa plötu, eða þeir vorun það amk. ekki þegar hún kom út. Svarta platan sem kom út 1991 skipti aðdáendum sveitarinnar í tvær fylkingar, þá sem höfðu fylgst með frá upphafi og skyldu ekkert í því hvert bandið þeirra var að fara og svo hina fjölmörgu aðdáendur sem bættust í hópinn þegar hún kom út.

Load er næsta plata á eftir svörtu plötunni og þar reynir Metallica fyrir sér frekar á allskyns hard-rokk, kántrí-rokk, blús og suðurríkja-rokk slóðum en það er minna um Thrash-metalinn sem einkenndi fyrstu plöturnar þeirra. Af þessu voru ekki allir hrifnir, en massinn keypti þetta og platan seldist vel og nokkur lög af henni voru spiluð talsvert í rokkútvarpi um allan heim. Lög eins og Until It Sleeps, Hero of the Day og Mama Said.

Lars Ulrich svaraði gagnrýni á plötuna á sínum tíma með Því að segja að þegar menn hættu að prófa nýja hluti væri eins gott að setjast bara á rassgatið og drepast, en platan fékk misjafna dóma. Hún seldist aftur á móti vel og sat t.d. fjórar vikur í röð í toppsæti bandaríska vinsældalistans og engin plata Metallica hafði selst eins vel til þess tíma.

Gestur þáttarins að þessu sinni er Dóra Einarsdóttir fata og búningahönnuður, Hún mætir með uppáhalds ROKKplötuna kl. 21.00.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er platan Vol 4. Sem er fjórða hljóðversplata Black Sabbath. Hún kom út í september 1972 og verður því 50 ára á næsta ári.

Þetta er fyrsta plata Sabbath sem Rodger Bain stjórnar ekki upptökum á, heldur var Toni Iommi titlaður upptökustjóri. Hann á afmæli í dag, er 72 ára gamall.

Sveitin hóf upptökur á plötunni í Record Plant í Los Angeles í júní 1972 og ungu mönnunum fannst gaman að vinna í Ameríku, og kannski var stundum aðeins of gaman vegna þess að upptökurnar voru gegnsýrðar af kókaínneyslu. Þeir fengu reglulega senda stóra hátalara í hljóðverið segir sagan, sem voru fullir af durftinu hvíta.

Myndin sem prýðir umslag plötunna er grafísk og gul af Ozzy Osbourne með hendur á lofti og peace-merki á báðum höndum. Myndin var tekin á tónleikum í Birmingham Town Hall í janúar 1972 af náunga sem heitir Keith Macmillan.

Platan fékk yfirleitt ekki góða dóma þegar hún kom út en seldist samt í gull á innan við mánuði og hún varð fjórða plata Sabbath í röð til að seljast í milljón eintökum í Ameríku. Hún fór hæst í 13. sæti Bandaríska vinsældalistans og 8. sæti í Bretlandi.

Plötunni var fylgt eftir með tónleikaferðalagi um Bandaríkin. Eftir það fór sveitin í fyrsta sinn til Ástralíu á fyrri hluta ársins 1972 og svo var túrað um Evrópu.

Gestur þáttarins að þessu sinni er gítarleikarinn og tónlistarmaðurinn Smári ?Tarfur? Jósepsson. Hann mætir með uppáhalds ROKKplötuna kl. 21.00 og það er næsta víst að hún er með AC/DC.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er platan The Elder með hljómseitinni Kiss, en Elder er níunda hljóðversplata Kiss, kom út á vegum Casablanca útgáfunnar árið 1981 í nóvember. Hún verður því 40 ára síðar á árinu og er einskonar ?concept-plata?.

Það verður seint sagt að hún hafi verið söxxess þessi plata almennt, en hún var það hjá íslenskum ungmennum. Sveitin fékk yfirleitt vonda dóma fyrir þá stefnubreytingu sem átti sér stað frá plötunum á undan, en það fór mikið fyrir Kiss á þessum tíma í unglingaplöðum eins og hinu þýska Bravo og Kiss ótrúlega vinsæl meðal ungmenn á Íslandi t.d. á þessum tíma.

Útlitslega gekk Kiss í gegnu ákveðna endurnýjun á The Elder sem þótti soldið töff. Hárið var klippt styttra en það hafði verið árin á undan og bandið skartaði nýjum búningum.

Platan seldist ekki vel og það var ákveðið að fylgja henni ekki eftir með tónleikaferð. Þetta var fyrsta plata Kiss sem ekki var fylgt þannig eftir.

Elder er fyrsta platan sem trommarinn Eric Carr trommar á, en hann tók við kjuðunum af Peter Criss þegar hann var rekinn úr bandinu. Elder er líka síðasta plata Kiss sem gítarleikarinn Ace Frehley spilar á þar til upphaflega bandið kom saman aftur til að túra árið 1996. Ace var samt sem áður með á umslagi tveggja næstu platna, safnplötunni Killer og næstu stúdíóplötu; Creatures of the Night sem komu báðar út 1982.

Kiss hefur lítið sem ekkert spilað lög af Elder á tónleikum en þó er eitt lag af henni á MTV Unplugged tónleikaplötunni sem kom út 1995, lagið World without heroes sem þeir Gene Simmmons og Paul Stanley sömdu ásamt upptökustjóranum Bob Ezrin og Lou Reed.

Stundum hefur verið tala um Elder sem verstu plötu Kiss og jafnvel eina verstu plötu sögunnar almennt, en hún þykir eldast þokkalega þó hún sé ekki gallalaus og margir hafa tekið hana í sátt í seinni tíð.

Gestur þáttarins að þessu sinni er rokk drottningin Andrea Jónsdóttir. Hún mætir með uppáhalds ROKKplötuna kl. 21.00.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er platan Pyromania sem er þriðja plata ensku rokksveitarinnar Def Leppard.

Platan kom út 20. Janúar 1983 og þennan dag það ár hóf hún göngu sína á bandaríska vinsældalistanum, var þar í 92 vikur í það heila ? fór aldrei á toppinn en seldist á endanum í meira en 10 milljónum eintaka í Bandaríkjunum. Platan fór hæst í annað sæti vinsældalistans og það var enginn annar en Michael Jackson og platan Thriller sem hélt þessum ungu mönnum frá Sheffield frá toppsætinu.

Upptökustjórinn Robert John "Mutt" Lange sem hafði gert það gott með AC/DC t.d. á plötunum Highway to hell og Back in Black er upptökustjóri og sándið á plötunni er talvert meira popp en sveitin hafði verið þekkt fyrir. Minna Heavy Metal og meira glam og hard rock sem átti greiða leið í útvarp um allan heim á þessum tíma.

Árið 2004 lenti Pyromania í sæti 384 á lista Rolling Stone yfir 500 bestu plötur allra tíma og 2006 þegar Q magazine setti saman lista yfir 40 bestu plötur níunda áratugarins lenti platan í 35. Sæti. 2015 setti Rolling Stone saman lista yfir 50 bestu Hair Metal-plöturnar og þá lenti Pyromania í 17. Sæti, og 2017 setti Rolling Stone plötuna í 52. Sæti yfir 100 bestu þungarokksplötur sögunnar.

Gestur þáttarins að þessu sinni er Ómar Úlfur Eyþórsson dagskrárstjóri X-ins 977. Hann mætir með uppáhalds ROKKplötuna kl. 21.00 -

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er platan Blur með Blur sem er fimmta breiðskífa Blur, en það var sagt frá því í frétum í gær að Damon Albarn söngvari og forsprakki Blur væri að fá íslenskan ríkisborgararétt. Í Frumvarpi meirihluta allsherjar- og menntamálanefndar um veitingu ríkisborgararéttar leggur meirihluti nefndarinnar til að 30 erlendir ríkisborgarar fái íslenskan ríkisborgararétt og einn af þeim er Damon Albarn.

En platan Blur kom út 10. Febrúar 1997 og var að hluta til tekin upp í Stúdíó Grettisgati í Reykjavík.

Síðasta plata á undan Blur er The Great Escape sem var gríðarlega vinsæl og seldist vel. Hún þótti og þykir mjög bresk, og þarna var Brit-poppið í algleymingi og með Blur fór sveitin á nýjar slóðir - hún er allt öðruvísi en Great Escape, rokkaðri og Amerískari. Fyrirmyndirnar eru eru t.d. bandaríska hljómsveitin Pavement.

Platan var ekki bara tekin upp í Reykjavík heldur líka London og upptökustjóri var Stephen Street.

Plötufyrirtæki Blur hafði áhyggjur af því að stefnubreytingin væri of mikil fyrir aðdáendur sveitarinnar og platan myndi floppa. En það gerðist heldur betur ekki. Hún fór á toppinn á bandaríska vinsældalistanum og það gerði fyrsta smáskífa plötunnar líka, lagið Beetlebum.

Platan seldist vel um allan heim og var fyrsta plata Blur sem seldist eitthvað að ráði í Ameríku, en þar sló lagið þeirra Song 2 í gegn víða meðan Brit Pop náði almennt lítilli útbreiðslu og vinsældum í Ameríku.

Platan fékk líka yfirleitt góða dóma og sérstaklega var talað um breytta textagerð Damons, en textarnir þóttu persónulegri og meira innávið en hann hafði verið þekktur fyrir til þess tíma.

Gestur þáttarins að þessu sinni er Þorgeir Tryggvason auglýsingagerðarmaður, bókagagnrýnandi og tónlistarmaður. Hann mætir með uppáhalds ROKKplötuna kl. 21.00 - fyrsti gestur Füzz í olangan tíma.

Vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er Songs for the Deaf sem er þriðja breiðskífa bandarísku rokksveitarinnar Queens of the Stone Age. Platan kom út 27. ágúst 2002 og er merkileg fyrir marga hluta sakir. T.d. vegna þess að Dave Grohl úr Nirvana og Foo Fighters spilar á henni snilldarlega á trommur. Hann var búinn að vera yfirlýstur aðdáandi hljómsveitarinnar síðan hún hitaði upp fyrir Foo Fighters nokkrum árum fyrr en Josh Homme og Dave Grohl voru búnir að vera vinir síðan Homme var í hljómsveitinni Kyuss árið 1992.

Grohl langaði að vera með QOTSA á plötunni á undan, Rated R, en það gekk ekki upp. Í þetta skiptið ákvað hann að dusta rykið af trommusettinu og hvíla Foo Fighters aðeins og einbeita sér að því að vera trommari í hljómsveit um tíma.

Songs for the Deaf er líka síðasta plata QOTSA þar sem bassaleikarinn litríki Nick Oliveri spilar á bassa.

Þetta er hálfgerð concept plata þar sem hlustandinn er tekinn í ferðalag gegnum eyðimörkina frá Los Angeles til Joshue Tree og lög plötunnar koma frá ýminduðum útvarpsstöðvum á leiðinni frá bæjum eins og Banning og Chino Hills.

Platan fékk gríðarlega góða dóma þegar hún kom út og seldist líka vel bæði í Ameríku og víða um heim. Hún fór hæst í 17. sæti vinsældalistans í Ameríku en fjórða sæti í Bretlandi.

Þrjú lög af plötunni voru gefin út á smáskífum; No One Knows, Go with the Flow, og First It Giveth.

Gestur þáttarins að þessu sinni er enginn, en vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er Hotel California sem er fimmta hljóðversplata bandarísku hljómsveitarinnar The Eagles, líkast til þekktasta plata sveitarinnar.

Platan var tekin upp í tveimur hljóðverum; Criteria í Miami í Florida og Record Plant í Kaliforníu frá mars og fram í október 1976 og upptökustjóri var Bill Szymczyk sem vann með Eagles að flestum þeirra plötum. Platan kom út 8. Desember 1976.

Hotel California er fyrsta plata Eagles sem Joe Walsh spilar á, en hann hafði áður verið í James Gang og Bill upptökustjóri var líka búinn að gera nokkrar plötur með þeim. Walsh kom inn fyrir gítarleikarann Bernie Leadon sem var einn af stofnendum Eagles og hætti í leiðindum 1975. Hotel California er líka síðasta Eagles platan sem bassaleikarinn Randy Meisner spilar á. Hann hætti 1977 - búinn að fá nóg af leiðindunum og átökunum innan hljómsveitarinnar.

Umslag plötunnar sýnir mynd af hóteli sem heitir the Beverly Hills Hotel sem stendur við Sunset Boulevard í Beverly Hills og var tekið í notkun árið 1912.

Platan fór á toppinn á bandaríska vinsældalistanum þegar hún kom út og þegar Grammy verðlaunin voru afhent í 20. sinn árið 1977 fékk sveitin verðlaun fyrir titillagið Hotel California, það var valið upptaka ársins (Record of the year) og lagið New kid in town fékk líka Grammy. Platan var líka tilnefnd til verðlauna í flokknum plata ársins, en tapaði fyrir Fleetwood Mac sem hlaut verðlaunin fyrir plötuna Rumours.

3 lög af plötunni voru gefin út á smáskífum; New kid in town og Hotel California sem fóru alla leið á toppinn á smáskífulistanum í Ameríku, og Life in the fast lane sem náði 11. sæti.

Hotel California er ein mest selda plata rokksögunnar, hefur selst í meira en 32 milljónum eintaka en er þrátt fyrir það ekki mest selda plata Eagles. Það er safnplatan Their Greatest Hits (1971-1975). Hotel California lenti í 37. sæti á lista Rolling Stone yfir bestu plötur sögunnar bæði 2003 og 2012.

Gestur þáttarins að þessu sinni er enginn, en vinur þáttarins sendir pistil og lag og óskalagasíminn opnar kl. 20.00 - 5687123.

Plata þáttarins sem við heyrum amk. þrjú lög af er í tilefni dagsins platan Aladdin Sane með David Bowie sem kom út 13. Apríl 1973, en Bowie hefði orðið 74 ára í dag ef hann hefði lifað.

Aladdin Sane er sjötta plata Bowie og sú sem kom út næst á eftir tímamótaplötunni The Rise and Fall of Ziggy Stardust and the Spiders from Mars sem er platan sem gerði Bowie að stjörnu. Spiders from Mars bandið er með honum á plötunni, það sama og var með á Ziggy Stardust; Mick Ronson - gítar, Trevor Bolder - bassi og Mick Woodmansey á trommur. Píanóleikarinn Mike Garson sem fylgdi Bowie næstum til dauðadags er líka á Aladdin Sane í fyrsta sinn auk tveggja saxófónleikara og bakraddasöngvara.

Platan var tekin upp í Trident Studios í London og RCA Studios í New York milli tónleikaferða þegar Bowie fylgdi eftir Ziggy Stardust og Bowie samdi flest lögin í tónleikaferðinni í Bandaríkjunum og það má heyra bandarísk áhrif víða á plötunni auk þess sem Bowie fræðingar segja að þar séu líka áhrif frá Rolling Stones, auk þess sem Bowie flytur Stones-lagið Let?s spend the night together á plötunni.

Útkoman er að miklu leyti kraftmikið glam-rokk sem var einkennandi fyrir Bowie og tíðarandann í Bretlandi á þessum tíma.

Bowie var orðin stjarna í Bretlandi þarna og það litar umfjöllunarefni plötunnar að talsverðu leyti. Þegar platan kom út lágu fyrir forpantanir í 100.000 eintök en slíkt hafði ekki gerst í breskri útgáfusögu síðan The Beatles voru og hétu.

Umslagið er glæsilegt og sýnir mynd af Bowie með rauða hárið og eldinguna í andlitinu - Ziggy Stardust var kominn til Ameríku og orðinn hálf geggjaður, en Aladdin Sane stendur fyrir A Lad Insane; Galinn strákur - eitthvað svoleiðis.

Áður en platan kom út höfðu komið út tvær smáskífur með lögum af plötunni; The Jean Genie og Drive-In Saturday.

Platan seldist betur en allar plötur Bowie?s höfðu gert til þessa tíma. Hún fór á toppinn í Bretlandi, fyrsta platan hans sem náði því auk þess sem hún náði 17. sæti vinsældalistans í Ameríku. Hún fékk líka góða dóma gagnrýnenda yfirleitt þó einhverjum hafi þótt hún aðeins síðri en Ziggy Stardust.

Þann 3. júlí árið 1973 lauk hljómleikaferð Ziggy Stardust og The Spiders from Mars um hinn vestræna heim á hljómleikum í Hammersmith Odeon sem bæði voru hljóðritaðir og kvikmyndaðir.

Í lok hljómleikanna tilkynnti Bowie, áhorfendum til sárra vonbrigða að frá og með þessu kvöldi væri hann hættur öllu hljómleikahaldi og vildi þannig