Füzz

Gestur þáttarins að þessu sinni er Snæbjörn Ragnarsson, Bibbi bassaleikari í Skálmöld. Hann mætir með uppáhalds ROKKplötuna sína kl. 21.00

Plata þáttarins er svo This Is My Truth Tell Me Yours sem er fimmta hljóðversplata Welsku sveitarinnar Manic Street Preachers. Hún kom út 14. September 1998.

Eins og platan þar a undan; Everything must go, seldist This Is My Truth Tell Me Yours auk þess sem hún fékk gríðarlega góða krítík.

Platan náði toppsæti breska vinsældalistans og seldist í gull strax í fyrstu viku. Tónlistarlega er talsverð stefnubreyting á plötunni sem er talsvert mýkri en platan á undan. Við heyrum nokkur lög af This Is My Truth Tell Me Yours í Füzz í kvöld.

Óskalagasíminn verður opnaður (5687-123) um kl. 20

Gestur þáttarins að þessu sinni er Svanhildur Hólm Valsdóttir aðstoðarmaður Bjarna Benediktssonar fjármálaráðherra. Hún mætir með uppáhalds ROKKplötuna sína í Füzz kl. 21.00.

Plata þáttarins er svo platan Sonic Temple með The Cult sem kom út í apríl fyrir aldarfjórðungi, 25 árum!

Sonic Temple er fjórða plata The Cult og þeirra vinsælasta plata. Hún hefur að geymna smelli á borð við Sun King, Edie, Fire Woman og Sweet Soul Sister.

Sonic Temple er síðasta plata Cult sem bassaleikairnn Jamie Stewart spilar á, hann hætti 1990, og fyrsta plata sveitarinnar sem fyrrum trommari Hall & Oates og Bryan Ferry, Mickey Curry spilar á.

Velgengnin sem Cult öðlaðist í kjölfar útgáfu Sonic Temple slátraði bandinu næstum því. Hún kom út á þeim tíma þegar Guns´n Roses var stærsta rokkband í heimi og á vissan hátt var Cult stærra um tíma.

Sveitin fylgdi plötunni eftir um allan heim, tapaði bassaleikaranum á leiðinni og í kjölfarið varð Cult að tveggja manna bandinu sem það hefur verið til dagsins í dag. Ian Atsbury syngur og Billy Duffy sem er mynd af framan á plötunni að spila á Gibson les Paul, spilar á gítar.

Þeim buðust tveir upphitunartúrar þegar Sonic Temple kom út, annarsvegar með ozzy Osbourne, sem þeim fannst of óldskúl á þeim tíma, og Metallica. Þeir fóru með Metallica. Þetta var áður en Metallica varð orfur vinsæ með svörtu plötunni og aðdáendurnir voru næsgtum allir karlkyns. Þeir djókuðu með það sín á milli að ef það voru einhverjar stelpur eða konur í aðhorfendaskaranum þá væru þær komnar til að sjá Cult. Þeim gekk ágætlega í þessum túr. Við vorum amk. ekki grýttir með bjórflöskum sögðu þeir síðar í viðtölum.

Það var Billy Duffy sem vildi gera hreinræktaða ROKKplötu og það var hann sem haðfi uppi á upptökustjóranum Bob Rock sem var á þeim tíma lítt þekktur ungur upptökustjóri. Hann átti síðar eftir að gera svörtu plötuna með Metallica og Dr. Feelgood með Mötley Crüe.

Í dag kom út 30 ára afmæliusútgáfa af Sonic Temple sem kostar handlegg og fót eða þar um bil samkvæmt bestu heimildum Füzz.

Við heyrum nokkur lög af Sonic Temple í Füzz í kvöld.

Óskalagasíminn verður opnaður (5687-123) um kl. 20 og A+B er svo að þessu sinni með Nirvana

200.000 Naglbítar - Bless kex

CCR - Bootleg (af Woodstock)

Oasis - I hope i think i know

Molly Hatchet - It´s all over now (lagið sem vinur þáttarins valdi)

AC/DC - Hard as a rock

Tool - Fear Incolum

SÆIMATÍMI

Volbeat - For evight (óskalag)

The Cult - Fire woman (plata þáttarins)

Kiss - Love it loud (óskalag)

Rammstein - Deutchland (óskalag)

Great Van Fleet - Always there

Amyl & the Sniffers

Gestur þáttarins að þessu sinni er Eyþór Ingi Gunnlaugsson söngvari og tónlistarmaður. Hann mætir með uppáhalds ROKKplötuna sína um kl. 21.00. Við heyrum líka splunkunýtt lag með rokkbandinu hans, Rock Paper Sisters.

Plata þáttarins er platan Bayou Country, önnur plata Creedence Clearwater Revival, kom út í janúar 1969, fyrsta af þremur plötur sveitarinnar sem kom út það ár. Fyrsta plata sveitarinnar - sem heitir einfaldlega Creedence Clearwater Revival kom út í maí 1968 og þessi svo rúmu hálfu ári seinna.

Eftir að hafa verið að ströggla í áratug undir nöfnunum The Blue Velvets og The Golliwogs sendu þeir John Fogerty (söngur og gítar), bróðir hans Tom Fogerty (gítar), bassaleikarinn stu Cook og trommarinn Doug Clifford frá sér plötuna Creedence Clearwater Revival í maí 1968 og þar er að finna fyrsta lagið þeirra sem náði inn á vinsældalista - Suzy Q sem náði 11. Sæti bandaríska listans. Platan fór hæst í 52. sæti breiðskífulistans.

Það var alltaf spenna innan hljómsveitarinnar. John Fogerty sem samdi næstum öll lög sveitarinnar vildi fá að ráða ferðinni, en það var ekki almennt samkomulag um það. Það gekk reyndar ágætlega þegar þeir gerðu fyrstu plötuna, en um leið og vinsældirnar bönkuðu uppá og við byrjuðum á annari plötunni, vildu allir fá sinn hluta af kökunni, þá vildi allir fá að syngja, útsetja og semja.

Þeir komast semsagt aðeins í sviðsljósið eftir 10 ára baráttu og spilamennsku á skítabúllum úti um allt, og vildu ekki láta tækifærið sér úr höndum renna. Og alls ekki John Fogerty, hann vildi gera allt rétt og hann taldi rétt að halda sínu striki, hann var söngvarinn í bandinu og besti lagasmiðurinn. Hann sagði í viðtali löngu seinna að hann hafi viljað slá í gegn -bara eins og Bítlarnir, en þeir voru allslausir, voru á samningi við pínulítið plötufyrirtæki, voru ekki með umboðsmann og áttu enga peninga. Það eina sem þeir áttu var hljóðfærin og lögin hans. En þrátt fyrir það náðu þeir að slá í gegn.

Við heyrum nokkur lög Af Boyou Contry með CCR í kvöld og A+B er að þessu sinni með The Jam. Þar fyrir utan heyrum við í R.E.M. - Neil Young, Teenage Fanclub, Rory Gallagher, Big Star, Sólstöfum, Edda Grön, Baby Voodrose frá Kaupmannahöf, Oasis, Stone Roses, Wilco, 200 frá Færeyjum Jeff Beck Group, Led Zeppelin og svo framvegis.

Gestur þáttarins að þessu sinni er Bjarnheiður Hallsdóttir stjórnarformaður samtaka ferðaiðnaðarins. Hún er frá Akranesi og var heima hjá sér að horfa á sjónvarpið á Menningarnótt, valdi að horfa á Tónaflóð Rásar 2 með fjölskyldu sinni, og gerði athugasemd á Facebook við lagið freðinn sem tónlistarmaðurinn Auður flutti þar. Í kjölfarið rötuðu skrif hennar inn á hina ýmsu miðla og hún fékk yfir sig holskeflu af skítkasti héðan og þaðan, en Auður hringdi í hana og bauð henni á tónleika í Grasagarðinum í Laugardal í gærkvöldi. Bjarnheiður syngur í tveimur kórum og mætir með uppáhalds ROKKplötuna sína í Füzz kl. 21.00.

Plata þáttarins er svo Atlantic Crossing með Rod Stewart, sjötta sólóplatan hans, kom út 1975 en akkúrat um þetta leiti 1975 settist hún í toppsæti breska vinsældalitans, fimmta platan hans til að fara á toppinn og hún sat þar í 5 vikur. Hún náði hæst í 9. sæti á bandaríska vinsældalistanum.

Titill plötunnar þótti til marks um nýja og vinsældavænni stefnu sem Rod tók í tónlistinni, en á þessum tíma færði hann sig líka yfir til Warner Brothers útgáfunnar frá Merciry sem hafði gefið út flestar hans plötur árin á undan. Og hann flutti líka frá Englandi þar sem 83% skatthlutfall nýrrar ríkisstjórnar Harolds Wilson var allar rokkstjörnur að drepa, í sólina í Los Angeles þar sem var gott að vera poppstjarna á þessum tíma.

Platan er tvískipt, önnur hliðin, B-hliðin er róleg, en A-hliðin meira stuð. Það var kærastan, hin sænska Britt Ekland sem stakk upp á þessu og hann samþykkti. Og sama háttinn hafði hann á á næstu tveikur plötum.

Á rólegu B-hliðinni eru perlur sem hafa fylgt Rod allar götur síðan, lög eins og Sailing og I Don´t wanna talk about it. Og platan þykir klassík.

Rod var ennþá í hljómsveitinni Faces þegar hann gerði þessa plötu og hún kom út. Það er enginn úr Faces með honum á plötunni og þessi plata markaði nýtt upphaf hjá Rod. Þarna má segja að rokkarinn Rod sé að kveðja og strigabarka-ballöðusöngvarinn sé að taka yfir.

En það eru engin apakettir með honum á plötunni, heldur þrír fjórðu af Booker T. & The M´Gees og The Memphis horns sem höfðu spilað inn á fjölda frábærra platna árin þarna á undan.

Eina lag plötunnar sem Faces spilaði í kveðjutúrnum haustið 1975 var Three time loser sem er upphafslag plötunnar. Rod kláraði túrinn og sagði síðan bless við Faces.

Lagið Sailing af plötunni fór í fyrsta sæti breska smáskífulistans þegar það kom út í september ´75. Og lagið I don´t wanna talk about it, sem Danny Whitten gítarleikari í Crazy Horse bandi Neil Young samdi, fór líka í toppinn, 1977.

Hé

Gestur þáttarins að þessu sinni er trommuleikarinn og oddviti Sjálfstæðismanna í Borgarstjórn og söngvarinn í Tappa Tíkarrassi, Eyþór Arnalds. Hann mætir með uppáhalds ROKKplötuna sína kl. 21.00.

Plata þáttarins er svo Rocket to Russia, þriðja stóra plata bandarísku pönk-rokksveitarinnar The Ramones frá Queens í New York.

Rocket to Russia sem kom út 4. Nóvember 1977 er af mörgum talin besta plata Ramones sem er ein af framvarðasveitum pönksins. Ein af sveitunum sem hafa mótað rokktónlist síðustu áratuga. Það er alveg sama hvar mann ber niður í rokkinu, allstaðar hafa Ramones haft áhrif. Og Rocket to Russia þykir ein besta plata pönkrokksins.

Lagið Sheena is a punk rocker sem er að finna á Rocket to Russia, kom út sumarið ´77 á smáskífu, en sumarið ´77 má segja að pönkið hafi náð hátindi sínum í rokksögunni. Það var ákkúrat þá sem plötuútgáfurnar í Ameríku og Bretlandi gerðu flesta samninga við ríkjandi pönksveitir. Allir vildu gefa út pönk og New York var suðupottur pönksins, og heitast var á CBGB og Max´s Kansas City klúbbunum í borginni.

Upptökur á Rocket to Russia hófust í ágúst 1977 og sveitin fékk umstalsvert hærri upphæð frá Sire útgáfunni til að taka upp en þeir höfðu fengið til að gera fyrstu tvær plöturnar, en þeir fengu 30.000 dollara til að gera Rocket to Russia.

Á plötunni spila Ramones hratt og örugglega. Það eru áhrif frá surf-rokki og poppmúsík sjöunda áratugarins sem einkenna músíkina, og húmor, sem aldrei var langt undan hjá Ramones.

Platan fékk góða dóma en hún seldist ekki vel, ekkert frekar en aðrar plötur sveitarinnar, en það var eins með Ramones og svo margar áhrifamiklar hljómsveitir að hún seldi ekki margar plötur og liðsmenn hljómsveitarinnar uppskáru ekki í samræmi við það sem lagt var í.

Rocket to Russia náði hæst í 49. Sæti bandaríska vinsældalistans og á sínum tíma kenndu liðsmenn sveitarinnar kollegum sínum í Sex Pistols í Bretlandi um slappt gengi, á þeim forsendum að Sex Pistols hefði skaðað ýmind pönksins og pönktónlistar með tilveru sinni.

Rocket to Russia er síðasta platan sem allir fjórir upprunalegir liðsmenn Ramones eru með á, en eftir þessa plötu yfirgaf trommarinn Tommy Ramone sveitina í þeim tilgangi að einbeita sér að upptökustjórn.

Þegar Rolling Stone tímaritið setti saman lista árið 2012 yfir 500 bestu plöturnar lenti Rocket to Russia í 106. sæti.

Við heyrum nokkur lög af Rocket to Russia í Füzz í kvöld.

Óskalagasíminn verður opnaður (5687-123) um kl. 20 og A+B er svo að þessu sinni með David Bowie

Skálmöld - Kvaðning (Live Tónaflóð)

Singapore Sling - All the way in

Jet

Füzz 16. ágúst 2019

Umsjón: HlynurBen

Atli Hergeirsson, KISS aðdáandi og bassaleikari Toymachine, var gestur þáttarins.

Hann mætti í betri stofuna og sagði okkur aðeins frá uppáhalds rokkplötunni sinni, Kiss með Kiss.

Hann er sérfræðingur um málefni andlitsmáluðu goðanna svo spjallið var stórskemmtilegt.

50 ár eru liðin frá tónlistarhátíðnni Woodstock og auðvitað fórum við aðeins yfir þá gleði.

Við heyrðum af nýju samstarfi þeirra Jack White og Jack Black og forvitnuðumst um fyrstu tónleika Ramones.

Þetta og heill hellingur af allskonar rokktónlist af öllum stærðum og gerðum!

LAGALISTINN:

Hiroshima - Utangarðsmenn

Higher ground - Red Hot Chili Peppers

The dirt - Mötley Crüe

Commotion - Creedence Clearwater Revival

Monkey Wrench - Foo Fighters

Back in black - AC/DC

Are you gonna be my girl - Jet

Scuttle buttin - Stevie Ray Vaughn

SÍMATÍMI

Come together - The Beatles

Take me away - Jet Black Joe

Fell in love with a girl - White Stripes

Tribute - Tenacious D

On the road again - Canned Heat (óskalag)

Ophelia - The Band (óskalag)

Piece of my heart - Janis Joplin

Three little pigs - Green Jelly (óskalag)

Dreamer - Ozzy Osbourne (óskalag)

Atari - Ensími

Heartbreak hotel - Elvis Presley

Carry on my wayward son - Kansa

Be like me - Toymachine

Gestur þáttarins:

- Atli Hergeirsson mætti með fyrstu plötu KISS

1.000 years - Kiss

Black diamond - Kiss

Hardwired - Metallica

Tush - ZZ Top

Pinball wizard - The Who

Communication breakdown - Led Zeppelin

I wanna be sedated - Ramones

Rock you like a hurricane - Scorpions

Burn - Deep Purple

Hulda Geirs rokkaði með hlustendum í Fuzzi kvöldsins. Gestur hennar var bassafanturinn Þorsteinn Árnason frá Neskaupstað sem m.a. spilar með hljómsveitinni Rock Paper Sisters og hann hafði með sér sína uppáhalds rokkplötu Sabotage með Black Sabbath frá árinu 1975. Plata þáttarins var svo Sonic Highways með Foo Fighters sem kom út árið 2014 ásamt samnefndum heimildaþáttum. Hlustendur fengu sín óskalög og rokkið var úr öllum áttum.

Lagalisti:

Pearl Jam - The Fixer.

Bryan Adams - Run to you.

Foo Fighters - Congregation (Plata þáttarins).

Foreign Monkeys - Nú meikarðu það Gústi.

Janis Joplin - One good man.

Nykur - Illskufullar kenndir.

The Clash - Should I stay or should I go.

AC/DC - Back in black.

Judas Priest - Breaking the law.

Foo Fighters - Outside (Plata þáttarins).

Led Zeppelin - Immigrant song.

Smashing Pumpkins - Bullet with butterfly wings.

Queen - Keep yourself alive.

Arctic Monkeys - I bet you look good on the dance floor.

Þrumuvagninn - Ekki er allt sem sýnist.

Valdimar - Of seint.

Rock Paper Sisters - Wings.

Gestur þáttarins Þorsteinn Árnason.

Black Sabbath - Hole in the sky.

Black Sabbath - Symptom of the universe.

Deep Jimi and the Zep Creams - Let it roll.

ZZ Top - Tush.

Tool - Schism.

KISS - Nowhere to run.