GA - Ag Ardú an Chaighdeáin: Reachtaíocht Níos Fearr

GA - Ag Ardú an Chaighdeáin: Reachtaíocht Níos Fearr

By Parlaimint na hEorpaNews
Download on the App Store

GA - Ag Ardú an Chaighdeáin: Reachtaíocht Níos Fearr episodes

  • Cosaint an aigéin - tá sé in am gníomhú

    Bímid go léir ag brath ar an aigéan chun maireachtáil. Ach déanann formhór dínn talamh slán de agus dearmadaimid go minic go dtugann sé an bia a ithimid agus go leor den ocsaigin a análaimid dúinn.

    Mar sin féin, go dtí seo, is beag rialú a rinneadh ar an aigéan agus níor cosnaíodh an bhithéagsúlacht mhuirí atá ann. Mar gheall air sin, éascaíodh cleachtais neamh-inbhuanaithe, iascaireacht neamhdhleathach, truailliú agus caillteanas gnáthóg muirí.

    Tá sé mar aidhm ag an Aontas iarrachtaí comhchoiteanna chun dul i ngleic leis na fadhbanna sin a neartú.

    7 min
  • Dídeanaithe agus géarchéimeanna daonnúla
    Ag deireadh mhí Aibreáin 2024, bhí níos mó ná 120 milliún duine ar fud na cruinne a easáitíodh go héigeantach mar gheall ar ghéarleanúint, coinbhleachtaí, foréigean agus sáruithe ar chearta an duine. Is ionann é sin agus níos mó ná duine amháin as gach 69 nduine. Tá níos mó ná 43 mhilliún dídeanaí ina measc. Tá na milliúin daoine gan stát ina measc chomh maith, a diúltaíodh náisiúntacht dóibh. Is ceann de na dúshláin is mó a bhfuil an tAontas Eorpach ag iarraidh dul i ngleic leis í géarchéim na ndídeanaithe.
    6 min
  • Cabhrú le FBManna Eorpacha lán a gcumais a bhaint amach
    Is cnámh droma gheilleagar an Aontais Eorpaigh iad fiontair bheaga agus mheánmhéide, amhail báicéirí, gruagairí, siopaí bláthanna agus siopaí leabhar. Is ionann iad agus 99% de ghnólachtaí an Aontais agus níos mó ná leath dár n-olltáirgeacht intíre. Ach, go minic, bíonn ar FBManna aghaidh a thabhairt ar dhúshláin a chuireann a seasamh sa mhargadh i mbaol.
    6 min
  • Sábháilteacht bia san Aontas

    Is é is aidhm don sábháilteacht bia ná ardleibhéal cosanta a chinntiú do shláinte agus beatha an duine. Clúdaítear roinnt gnéithe ann, sláinteachas bia, lipéadú, pacáistiú agus inrianaitheacht táirgí ina measc. Gach bliain, éiríonn 600 milliún duine tinn le 200 cineál tinnis ar féidir iad a tharchur trí bhia.

    Déanann an tAontas Eorpach iarracht na tinnis seo a chosc le cuid de na caighdeáin sábháilteachta bia is airde ar domhan.

    1 min
  • Lá Domhanda an Chomhshaoil 2024

    An cúigiú lá de Mheithimh, déanaimid ceiliúradh ar Lá Domhanda an Chomhshaoil. Le caoga bliain, tá sé ar cheann de na hardáin domhanda is mó i dtaobh an chomhshaoil. Gach bliain, bíonn na mílte duine, rialtais, cuideachtaí, cathracha agus eagraíochtaí pobail páirteach ann. In 2024, tionólann an Araib Shádach an fócas ar athchóiriú talún, fairsingiú fásaigh agus athléimneacht triomach faoi #GenerationRestoration.

    5 min
  • Idirdhealú i gcoinne daoine LADTIA a chomhrac

    Ba cheart go mbeadh an tsaoirse ag gach aon duine maireachtáil mar is mian leo féin agus grá a thabhairt dá rogha daoine gan aon eagla.

    Ach déantar idirdhealú ar dhaoine leispiacha, aeracha, déghnéasacha, trasinscneacha, idirghnéasacha agus aiteacha fós i gceantair éagsúla ar domhan, agus san Eoraip chomh maith.

    Caitheann an tAontas an-dúthracht leis an gcomhrac i gcoinne an idirdhealaithe. Éist leis seo chun tuilleadh eolais a fháil faoin tslí a bhfuil an tAontas ag iarraidh sochaí níos cuimsithí a fhorbairt ina mbraitheann gach duine sábháilte.

    7 min
  • Pailneoirí a chosaint
    Tá ról bunúsach ag feithidí pailnitheacha inár n-éiceachóras, ach tá bagairtí éagsúla os a gcomhair: an t-athrú aeráide, caillteanas gnáthóg, lotnaidí agus dianfheirmeoireacht ar bharra aonair. Mar thoradh ar na bagairtí sin, tá meath suntasach ag teacht ar phailneoirí fiáine agus bainistithe araon, ainneoin a thábhachtaí atá siad dár bhfolláine agus don dúlra. Tá an tAontas ag obair chun gach pailneoir a chosaint.
    6 min
  • Naoú téarma reachtach Pharlaimint na hEorpa
    Bhí tionchar suntasach ag paindéim dhomhanda COVID-19 agus cogadh na Rúise i gcoinne na hÚcráine ar chlár oibre Pharlaimint na hEorpa sa naoú téarma parlaiminteach dá cuid. Agus í ag dul i ngleic le géarchéim shláinte agus dúshláin gheopholaitiúla le linn a naoú téarma parlaiminteach, dhírigh an Pharlaimint ar an aistriú glas agus ar an aistriú digiteach chun athléimneacht an Aontais a fheabhsú agus chun luachanna daonlathacha a neartú ag an am céanna.
    8 min
  • Straitéis Foraoiseachta an Aontais Eorpaigh le haghaidh 2030

    Tá an tAontas ar cheann de na réigiúin ina bhfuil an líon is mó foraoisí ar domhan: tá timpeall 40% dá thailte clúdaithe le foraoisí. Tá foraoisí ríthábhachtach dár sláinte agus folláine, agus do shláinte an phláinéid. Tá saibhreas bithéagsúlachta iontu agus tá an-tábhacht leo sa chomhrac i gcoinne an athraithe aeráide. Is eol don Aontas a thábhachtaí atá ról na bhforaoisí dár dtodhchaí. Is é sin an fáth gur glacadh an Straitéis Foraoiseachta nua do 2030 in 2021.

    6 min
  • Comhrac an Aontais ar son chearta na mban

    Déantar Lá Idirnáisiúnta na mBan a cheiliúradh gach bliain an 8 Márta chun a bhfuil bainte amach ag mná a aithint agus chun aird a tharraingt ar chearta na mban. Is deis í an ócáid chun feasacht a mhúscailt faoi cheisteanna amhail comhionannas inscne, cearta atáirgthe, agus an comhrac i gcoinne an fhoréigin agus mhí-úsáid na mban. Ba chroíluach agus croíchuspóir de chuid an Aontais Eorpaigh i gcónaí é comhionannas idir mná agus fir, ach níor baineadh amach an sprioc sin go hiomlán fós.

    7 min

About GA - Ag Ardú an Chaighdeáin: Reachtaíocht Níos Fearr

From the publisher's feed

Tionscnaimh nua le haghaidh Aontas Eorpach feabhsaithe

Tugann an podchraoladh seo eolas faoi thionscnaimh éagsúla atá ceaptha freastal ar na saoránaigh ó thaobh gach a mbeidís ag…