A dirección do PSOE de Santiago decide votar HOXE a favor dos orzamentos municipais, ao concretar, dín, o goberno local as actuacións previstas.

O pleno, no que tamén se debaterá o proxecto do Peleteiro, arranca ás dez.

Co guión agardado, o Consello de política fiscal e financeira aprobou a condonación da débeda ás comunidades autónomas. Foi cos representantes das comunidades gobernadas polo PP ausentes: unha deslealdade, segundo a vicepresidenta do Goberno. En Galicia, a oposición acusa ó presidente Rueda de poñerse ás ordes da estratexia de Feijóo.

UGT-Galicia ten novo secretario xeral, o ourensán Cristóbal Medeiros. E, o conflicto cos bombeiros comarcais vai camiño de pecharse...queda só a provincia da Coruña por asinar o acordo.

A cita pra que os conselleiros de Facenda de toda España debatan a proposta da Ministra pra facer unha quita da débeda das comunidades é ás catro da tarde, pero o debate leva varias horas en marcha. esta mesma mañá o asunto volvía colarse no parlamento, nunha sesión de ocntrol que inicialmente ía tratar de vivenda e servizos públicos. A oposición entnede que esa quita permitiría adicarlles a estas cuestións máis fondos, e pídenlle a Rueda que acepte a proposta do goberno. O presidente da Xunta insiste en que o que precisamos é un mellor sistema de financiamento

- En Lugo, a Garda civil desartellou unha rede de narcotráfico que actuaba por toda Galicia.

A investigación iniciouse o ano pasado tras comprobar que un veciño da Coruña se dedicaba ó transporte de droga pra súa posterior distribución na comunidade.

- UGT abriu en Santiago o congreso marcado polo relevo de José Antonio Gómez tras dúas décadas na secretaría xeral.

Mañá saberemos quen o substitúe. Pra o cargo postúlanse os agora responsables do sindicato na Coruña e Ourense, Angel Iglesias e Cristóbal Medeiros.

- A Xunta pídelle ó ministerio de medio ambiente que faga un censo de xabaríns.

A conselleira ángeles Vázquez demanda unha estratexia común pra facer fronte ós danos e accidentes que provoca este animal.

- Novo paso para unifica-las condicións laborais dos bombeiros de tódolos consorcios galegos.

Tras Lugo e Ourense, hoxe en Pontevedra, Deputación, Xunta e sindicatos, asinaron o convenio colectivo que pon fin a dous anos de conflicto.

- O tempo. Hoxe co ceo con poucas nubes