Un medicamento de uso común e pouco custe, mesturado con drogas coma o haxix ou alcohol, estabase a distribuir entre rapaces e mozos na área de Cangas e Vigo. A garda civil da por desartellada unha organización que distribuía esta droga elaborada con Rivotril. Entre os investigados como froito desta operación hai sanitarios e farmacias, que estarían a colaborar na rede. Dous elementos, menores consumindo unha sustancia con moito risco pra saúde, e a participación de profesionais do ramo, moi preocpantes

- Sen medidas concretas na reunión entre o fiscal e o conselleiro de sanidade polas últimas agresións a sanitarios.

Antonio Gómez Caamaño só reiterou que se van revisar os protocolos e unha campaña dirixida ós pacientes.

- Queixas en Santiago pola saturación das urxencias do hospital clínico.

O colectivo de pacientes atribúeo á falta de persoal en servizos como o de Medicina Interna e pide solucións estruturais.

- O BNG leva ó Parlamento a petición para que se declare Ben de Interese Cultural o conxunto histórico da Illa da Toxa.

A solicitude inclúe o Gran Hotel Balneario, a capela, o balneario ou a fábrica de xabóns.

- Presentada en Ourense a primeira oficina termal virtual de toda España.

Está vinculada ó AVE: o seu obxectivo é captar cen mil usuarios dos máis de dous millóns que cada ano pasan pola estación ourensá.

- O tempo... predominan as nubes, pero con temperaturas algo máis altas

A industria, en múltiples vertentes, protagoniza hoxe a actualidade. Foi tema de discusión, en tons de novo moi duros, no parlamento galego, co proxecto de Altri en Palas de Rei de novo en disputa entre o presidente da xujnta e a lider da iposición. No COngreso o debate era sobre a caída das axudas ás electrointensivas cando non se convalidou o decreto omnibus. O ministro asegura que traballan pra recuperalas. Son importantes pra estas industrias, que non están a conseguir as fontes de enerxías renovables que precisan, en parte polo paró eólico. Ecoloxistas en acción recoñece o problema, e defende os parques eólicos con precaución na súa execución.

A alcadesa da Coruña Inés Rey perde a cuestión de confianza vencellada aos orzamentos do 2025...as contas serán aprobados, previsiblemente, dentro dun mes.

- En Outes, o concelleiro socialista que a semana pasada saía do tripartito presentou este martes unha moción de censura que, de prosperar, daría a alcaldía ó PP.

-Expectación tamén na provincia polos aranceis en Estados unidos á industria do aluminio. A multinacional Cortizo, con sede en Padrón, está en plena expansión no país norteamericano.

-O BNG levou ao Parlamento a falta de médicos en Aguiño...o conselleiro de Sanidade asegura qua atención está garantida.

-Novo atraso no tren de madrugadores. O primeiro Rexional que sae ás 5 da madrugada de Vigo con destino á Coruña partiu hoxe con media hora de atraso debido a un fallo técnico no convoi.

Os usuarios frecuentes quéixanse dos continuos atrasos.

Isto no tráfico ferroviario, na estradas...un atropelo na Coruña, na Ronda de Outeiro, ás sete da mañá deixou a unha muller de 63 anos ferida grave, foi trasladada ao CHUAC.

Non é o único atropelo na cidade nás últimas horas. Antía Fernández...bo día

A este sinistro súmanse outros tres ocorridos na tarde de onte. O primeiro ás tres menos vinte, deixou a un ciclista ferido leve na Marina, que foi trasladado ao Hospital Modelo. O segundo a unha muller de 45 anos en San Cristóbal, tamén con feridas leves, foi trasladada ao CHUAC.

Ás nove da noite dous vehículos chocaron en Ronda de Outeiro, provocando que a piloto dun deles ficase atrapada. Tiveron que actuar os bombeiros pra poder sacala polo maleteiro.

Espertamos con lixeiras chuvias. Os termómetros marcan 11 graos na Coruña e 12 en Ferrol.

Na cidade herculina o tráfico é intenso en Linares Rivas, na avenida do Porto e no Paseo Marítimo.

En plaza España 32 corte de carril ata a 1 da tarde e tamén no Birloque ata ás seis, pola construcción de paso a peóns elevado.

En Ferrol o tráfico é fluido e sen incidencias