O SERGAS pon en marcha, dacordo cos farmacéuticos, aun sistema para que se poidas retirar medicamentos, de xeito excepcional, sen receita. Unha medida destinada ós enfermos crónicos que non activaron a tempo a renovación.

Críticas dos traballadores sociais a xestión das prestacións de dependencia. Sinalan que o problema está na falta de prazas nas residencias públicas e no escaso cadro de persoal.

Hoxe os que protestan son os veterinarios polos novos controis ó uso de antibióticos.

O tempo. Quedamos na influencia dunha pequena baixa localizada preto do noso litoral e que enviará unha fronte fría a partir do mediodía.

As cuestións relativas á sanidade están no primeiro plano da actualiade. O consello da Xunta de hoxe aprobou que se van poder comprar medicamentos sen receita, en casos excepcionais. Tamén os médicos comezaron as mobilizacións contra o estatuto que restrinxe as incompatibiliades. E os profesionais das ambulancias reclaman protocolos de seguridade despois da agresión acontecida no CHUAC a semana pasada

Novas mobilizacións en contra das agresións ó persoal sanitario. Esta mañá delegados da CIG no sector das ambulancias concentráronse no hospital da Coruña pra reclamar a implementación dos protocolos de prevención no transporte sanitario.

Aseguran que están especialmente expostos ás agresións, porque son os primeiros en chegar a moitas situacións de emerxencia. Por iso piden poder facelo en condicións de seguridade, tal como se establece nun documento de 2023. Tamén se queixan de que non saben nada da investigación polo acoitalamento nas Urxencias do CHUAC de hai unha semana

Os traballadores da dependencia esixen reforzos pra sacar adiante as valoracións e prestacións que precisan uns usuarios en aumento constante. A resposta á falta de persoal, din, non pode ser apartar ós profesionais das valoracións e informes, nin facer descansar toda a atención dos dependentes en familiares sen a preparación e tempo precisos por medio de bonos pro seu coidado. Hoxe saíron á rúa pra demandar un servizo digno de dependencia, e negar que se vaian acurta-los prazos cos cambios normativos que unifican a valoración e a petición de dependencia

- Os sindicatos médicos comezan as movilizacións contra o Estatuto da profesión que elabora o Ministerio de Sanidade.

Esta mañá concentráronse diante dos centros sanitarios para protestar por unha reforma que -din- lesiona os seus intereses.

- Delegados da CIG no sector das ambulancias piden medidas de prevención no transporte sanitario.

Aseguran que están especialmente expostos ás agresións, porque son os primeiros en chegar a moitas situacións de emerxencia.

- O BNG volve denunciar a falta de transparencia na tramitación da celulosa de Altri.

Pidelle á Xunta os documentos asinados a través da Sociedade Impulsa, unha entidade público-privada que busca atraer proxectos tractores.

- As mariscadoras de Arcade, no fondo da ría de Vigo, non volverán a faenar ata novembro.

A situación dos areais é crítica e piden que se fagan estudos para saber exactamente a razón da caída da producción

En Pontedeume, os propietarios de terreos das Fragas do Eume afectados polo Plan Reitor de Usos e Xestión do parque natural volveron saír á rúa este domingo pra esixir compensacións xustas e dignas.

O PSOE de Santiago xa elixiu á súa delegación para o Congreso autonómico de marzo. Estará encabezada polo secretario local, Aitor Bouza.

En Cariño, polémica retirada do nome de Manuel Fraga á súa avenida principal...A alcaldesa, do PP, pediu desculpas por absterse na votación, logo da reprimenda do partido

Varias organizacións, entre as que figura o colexio oficial de traballo social, convocan pra esta mañá unha concentración en Santiago en defensa do sistema público de atención ás persoas dependentes. Sinalan que os cambios introducidos pola Xunta na coñecida como lei de acompañamento implican graves prexuízos no procedemento de recoñecemento das situacións de dependencia e discapacidade. Esixen a comparecencia da conselleira de Política Social no Consello galego de benestar.

Outra protesta este luns, a que van protagonizar os médicos contra o borrador do Estatuto Marco elaborado polo Ministerio de Sanidade.