O anuncio de suba de aranceis feito por Donald Trump para o aceiro e o alumnio preocupa moito en Galicia. Máis de 100 millóns de euros poden estar comprometidos coa decisión, que afecta a empresa galegas como Cortizo, Extrugasa ou Alcoa.

No Parlamento, a conselleira de vivenda anunciou hoxe que o bono de aval da Xunta para adquisición de vivenda protexida estenderase a tódalas idades. Dese xeito se poderá pedir unha hipoteca polo 100 por cento do valor do inmoble

En Outes, o concelleiro socialista que a semana pasada saía do tripartito presentou hoxe unha moción de censura que, de prosperar, daría a alcaldía ó PP.

Antonio Caamaño, do PSdeG, e Francisco Calo, do Partido Popular, alíanse así pra muda-la cor política deste concello coruñés. Ningún deles atendeu hoxe as chamadas de Radio Nacional

Faltan moitos detalles sobre como pretende Estados Unidos aplicar os novos aranceis anunciados nas últimas horas, pero a falta de certezas o anuncio do presidente Trump xa provocou inquedanza e preocupación entre os empresarios galegos. Aquí están algúns dos maiores exportadores de aluminio de España, Cortizo, extrugasa, Alcoa, que son un dos seus obxectivos, pero tamén outras empresas, dende a eólica á alimentaria, que exportan os seus produtos ó país norteamericano e que temen as consecuencias nas súas contas de resultados

- Os veterinarios realizan hoxe un paro simbólico.

Protestan contra a normativa que lles limita a prescripción de antibióticos. O resultado, aseguran, é un tratamento máis tardío e moitas veces máis ineficaz.

- - En Pontevedra, Quirónsalud pecha a Unidade de coidados intensivos e despide a nove traballadores.

A dirección xustifícao pola diminución de ingresos; os traballadores atribúeno a mala xestión.

- O único edil socialista de Outes únese ó PP pra presentar unha moción de censura ó alcalde de Compromiso.

Ata hai uns días formaba parte do goberno local no que tamén está o BNG. A iniciativa non ten o apoio do PSOE.

- Na coruña, Inés Rey non ten a confianza do pleno da Corporación.

Vinculou a votación ós orzamentos de 2025 que quedarán aprobados se a oposición non se pon dacordo para presentar unha moción de censura

- O tempo. Aumenta a nubosidade e as chuvias vanse ir estendento pola tarde

- A Familia de Yoel Quispe, o mozo de 22 anos asasinado na Coruña en noiteboa de 2023, reclama na Audiencia Provincial a reapertura das investigacións pra incluír a máis implicados na agresión mortal.

-Na Coruña hoxe a alcaldesa Inés Rey sométese a unha cuestión de confianza vencellada aos orzamentos do concello pra o 2025

-En Santiago, os veciños da zona nova únense aos de Santa Marta pra esixir unha actuación inmediata nos pisos onde hai menudeo de droga. O PP presenta un plan de choque contra a inseguridade na cidade.