A cita en Galicia está hoxe nos xulgados porque o caso de José Manuel Baltar chega ó Supremo. O expresidente da deputación de Ourense e senador popular senta no banco dos acusados por superar os 200 quilómetros por hora ó volante.

Tamén hai unha cita política importante. Os socialistas galegos inician un proceso que pode derivar na continuidade ou no cambio de ciclo: comeza o prazo para presentar as precandidaturas á secretaría xeral do PSdeG.

Nos deportes, derbi galego de baloncesto con vitoria do Breogán ante o Basquet Coruña.

Hoxe día con máis frío

Xornada reinvidincativa en Santiago pra que o 12 de xaneiro sexa recoñecido como o Día da Morte Digna en Galicia. Unha data que coincide co falecemento de Ramón Sampedro hai case 30 anos e que hoxe levou a máis dun cento de persoas á praza do Obradoiro, pra dar visibilidade tamén ó dereito á eutanasia.

Na política, a cita da fin de semana pro PP está en Asturias, no cumio de líderes rexionais no que tamén participa o presidente Alfonso Rueda. Mentres, o BNG pon hoxe o foco no caos e sobrecarga, que aseguran os nacionalistas, hai nos servizos da Dependencia.

En canto ó tempo, aséntase o anticiclón

Este ano cúmprese o 40 aniversario da creación en Vigo da Asociación Érguete de Axuda ó Toxicómano, o colectivo de Nais contra a droga que trasladou á sociedade dos anos oitenta a preocupación polas consecuencias na xuventude do consumo de drogas, e que puxo no seu punto de mira os narcotraficantes que se enriquecían a costa da vida de moitos mozos e mozas.

Dora Carrera, que está a piques de cumprir 92 anos, foi unha das súas fundadoras. Con ela falou Pablo Lago.

Galicia vai recuperando o pulso político. O BNG tivo hoxe Consello Nacional. Os nacionalistas anuncian que impulsarán a reforma do Estatuto de Autonomía para pedir un concerto económico.

Mentres, o PSdeG estivo en Ourense, cunha nova xornada sobre Benestar.

A política, como vemos, en portada nun sábado con varias protestas en Galicia. Contra os impagos dos alugueiros e a okupación ilegal na Coruña, a contaminación da costa na Pobra e polo futuro de Alcoa en Xove

Non hai moito "cantareira" era elixida como Palabra do Ano nunha votación popular promovida pola Real Academia Galega e a Fundación Barrié. É tamén a palabra que designa ás protagonistas das letras en 2025, unha celebración que desta volta recoñecerá o papel das mulleres na creación e transmisión da poesía popular oral e da lingua.

Hoxe sumámonos tamén a ese recoñecemento a través dunha reportaxe de Silvia Muíña centrada na historia das pandereteiras de Mens, cinco mulleres labregas, cantareiras e tocadoras, que abriron o camiño pra moitas que virían despois...