A sentenza que condena aos catro mozos polo asasinato de Samuel Luiz será recorrida polas súas defensas. Fiscalía e acusación popular, que representa ALAS, estudian se tamén o farán.

- Na Pobra do Caramiñal continúan facendo reconto dos danos ocasionados polas inundacións do mércores. Protección civil axuda aos veciños dunha vintena de casas anegadas a baldear a zona.

- Na Coruña o pleno municipal evidenciou o distanciamento entre goberno e oposición... a gobernabilidade diríxese cara a cuestión de confianza.

-As traballadoras da Residencia Mixta de Caranza, en Ferrol, volven ás rúas a manifestarse contra o maltrato laboral que, dín, padecen por parte da Dirección. Ás dez e media concéntranse ás portas do centro

Facían a ruta de Sudamérica a España e, na parada no porto de Vigo, un contedor con máis dunha tonelada de droga era recollido por bandas relacionadas con albaneses. É a nova operación contra a droga en Galicia que, en principio, non está ligada a grupos de narcotraficantes da nosa comunidade.

Para axilizar o traballo dos axentes transfronteirizos e de aduanas, inaugurouse en Tui unha nova sede de Cooperación Policial.

Na economía, balance positivo do Foro Económico de Galicia: o PIB medrou a finais de 2024 un 0'8 por cento, ó mesmo ritmo que o resto de España