Galicia arranca o ano Castelao cunha homenaxe en Santo Domingos de Bonaval ao intelectual rianxeiro, con motivo do 75 aniversario do seu pasamento.

- O concello de Santiago alega o novo trazado da Xunta pra a senda do Banquete de Conxo e aposta por un máis urbano

-O concello de Ames lidera a petición dunha comisión pra abordar a gratuidade da AP9. Concellos como Santiago ou Padrón secundan a proposta, Teo pide a transferencia das competencias.

-Volven as mobilizacións ao xornal La Opinión A Coruña. Os traballadores rexeitan a última oferta da empresa sobre o convenio colectivo de 2024 ao considerala insuficiente. A partir de hoxe, tódo-los mércores e venres farán paros parciais.

Isto nun mércores con alerta laranxa por vento no oeste da provincia...O refacho máximo, de 142 quilómetros hora, rexistrouse esta mañá na Gándara, en Vimianzo

O pico da gripe chegará antes do 26 de xaneiro aínda que o aumento de casos xa se nota desde a última semana do 2024. Porén, non hai un aumento significativo da covid en Galicia.

Nun ano que comezou con novas subidas nas peaxes da AP9, a asociación En Colectivo segue na súa loita contra a prórroga da concesión. Agarda que Europa non se demore en sancionar a España.

Nos deportes, hoxe sorteo de oitavos da Copa do Rei de fútbol con tres equipos galegos: Celta, Ourense e Pontevedra.

Todo nun mércores de mal tempo, de moito vento. O refacho máximo, de 142 quilómetros hora, rexistrouse hai unha hora na Gándara, en Vimianzo. En canto a chuvia, Lousame leva xa 42 litros e medio acumulados por metro cadrado. Consulten a información aérea, o voo de Santiago a Barcelona de primeira hora non vai despegar ata media mañá, este martes quedou cancelada unha conexión da capital galega con Madrid.