Os traballadores de Circet, a concesionaria de Vodafone e Movistar, continuarán a folga prevista en protesta polo ERE que afecta ao trinta por cento do persoal da provincia...

Os traballadores decidiron nas últimas horas non aceptar a última proposta da empresa.

-Os veciños de Aguiño, en Ribeira, aumentan as súas protestas cunha recollida de sinaturas, pra esixir a reposición dos dous médicos de atención primaria do centro periférico da parroquia.

-Falece unha muller de 68 anos, con mobilidade reducida, nun incendio na súa casa, ubicada no barrio coruñés de Palavea. A policía investiga agora as causas do lume.

- O colectivo "O Mural" descobre unha nova pintura de Urbano Lugrís no local da rúa Olmos, na Coruña. Unha nova creación do artista herculino que non catalogaron nin a Xunta nin o concello

A espera por unha operación ou unha consulta co especialista aínda se vai incrementar máis se a sanidade pública ten que asumir a incorporación dos 58 mil mutualistas de Muface. A atención primaria sería unha das que soportaría o maior impacto.

Hoxe rematan as comparecencias na comisión que investiga no Parlamento os contrtos realizados pola Xunta durante a pandemia. O BNG considera que o Partido Popular cos seus vetos vulnerou os dereitos fundamentais dos deputados e presentou un recurso ante o Constitucional para que se anule o actuado e se empece outra vez cun novo plan de traballo.

Deportes. Pontevedra-Mallorca, Ourense-Valladolid, Racing- Rayo e Racing de Santander-Celta son as próximas eliminatorias de copa para os equipos galegos.

O tempo. Hoxe seguiremos con circulación do nordés que seguirá canalizando aire frío do interior do continente. As temperaturas sen cambios significativos

A polémica polo funcionamento da comisión de investigación sobre os contratos da Xunta escala un nivel máis. O Bloque nacionalista acudirá ó tribunal constitucional. Entende que os populares están a abusando da súa posición ó impoñer un plan de traballo que exclúe comparecencias coma a de Alberto Nuñez Feijóo, ou o acceso a determinada documentación... Algo que vulneraría o seu dereito a fiscalizar e controlar ó goberno. Queren que o alto tribunal devolva esta comisión ó momento en que se acordou o plan de traballo.

A Coruña queda sen trens desde esta tarde e durante seis días, debido ás supresións provocadas polas obras da Intermodal. As alternativas, nalgunha das frecuencias, por estrada...non convencen aos usuarios.

-O concello de Santiago pon en marcha un novo servizo pra a hostelería da zona vella. Un sistema pioneiro en todo o Estado, que busca poñer solución á problemática da entrada de transportistas no caso histórico: os "recepcionistas de mercadorías".

-As listas de agarda do Hospital Clínico continúan por enriba da media galega, cuns 78 días de agarda pra unha operación, segundo os últimos datos do Sergas. Desde a Asociación de Doentes aseguran que son aínda máis preocupantes.

- Os veciños de Corcubión constituíron esta fin de semana unha plataforma pra demandar o agardado Centro de Día do municipio. Piden ás institucións implicacións pra debloquear un proxecto que leva dez anos paralizado

Atención os que usan o tren... hoxe comeza a eliminación de servizos que teñen como destino ou saída a estación da Coruña debido ós traballos para establecer unha nova estación provisional no proceso de construcción da intermodal. O peor, nos últimos días de semana.

Tamén restriccións no tráfico por estrada por obras: tamén na Coruña e en Pontedeume.

Nos próximos minutos imos recoller tamén as queixas polo incremento nas listas de espera no SERGAS.

Deportes. En fútbol, severa derrota do Racing en Ferrol.... perdeu 1-5 co Oviedo. En baloncesto debut con triunfo de Casimiro como novo adestrador: o Breogán gañou en Gran Canaria.

O tempo.

A circulación do nordés vai seguir achegando aire frío e chuvascos: a cota de neve estará entre os 900 e os mil metros