A actualidade xudicial lévanos de novo a Audiencia Provincial da Coruña, a praza da Palloza, onde esta mañá reanudase o xuizo pola morte de Samuel Luiz. Hoxe está chamado ao declarar seu pai, así como outras testemuñas da agresión. O xoves as declaracións de testemuñas que eran menores no momento da agresión non aportaron información relevante.

- En Mugardos estamos pendentes da proposta de moción de censura contra o PP. Esta tarde a oposición -BNG, PSOE e Esquerda Unida- reuniránse pra tomar unha decisión definitiva.

- Ecoloxistas en Acción denuncian que Cobre San Rafael, que lidera a reactivación da mina de Touro, esta a levar as súas ofertas de emprego aproveitando a celebración de feiras en distintas localidades.

- O Deportivo perdeu ante o Racing de Santander por 1-2, o que pon en risco a continuidade de Idiakez no banquiño. Hoxe xoga o Racing de Ferrol

Atención a quen teña que facer hoxe uso do transporte en autobús. Hai folga e están fixados uns servizos mínimos do 50 por cento agás no transporte escolar considerado esencial.

No Parlamento, antes das catro da tarde os grupos políticos deben facer a súa proposta de plan de traballo na comisión que investigará os contratos da Xunta durante a pandemia. E, recolleremos a queixa da pataronal eólica coa estratexia da Xunta de repotenciación dos parques eólicos.

Deportes. Derrota do Celta en Madrid co Leganes.. tamén perdeu o Deportivo na Coruña co Racing de Santander e hoxe xoga o de Ferrol. En baloncesto, o Breogán caeu en Lugo co Lleida.

O tempo. Aumenta a influencia anticiclónica coas altas presións, imos ter uns días sen chuvias...

Seguen chegando as reaccións aos orzamentos presentados pola Xunta para o vindeiro ano... A patronal eólica cre que a estratexia de repotenciación de parques contemplada na lei de acompañamento non lle vai facer ningún ben a Galicia. Alertan de que vai xerar moita inseguridade xurídica, sumada á que xa hai actualmente pola paralización de numerosos parques por parte do Tribunal Superior de Xustiza.

Mentres, o PPdeG denuncia as mentiras que, din, o goberno central está a dar como escusa pra non transferir a AP-9 a Galicia. Pros populares trátase dunha clara falta de vontade política.

No tempo de entrevista contaremos coa presenza en Radio Nacional do conselleiro do Mar, Alfonso Villares, co que repasaremos os numerosos retos do seu departamento.

Fóra da política, continúa a procura da rapaza de 14 anos desaparecida o pasado martes na zona da Costa da morte. Os labores de busca estanse a complicar no mar polas condicións meteorolóxicas. Este sábado un veciño atopou a súa mochila.

Nos deportes, hoxe o celta procura a súa segunda victoria consecutiva lonxe de Balaídos.

Entrevista a Alfonso Villares, Conselleiro do Mar, realizada por Xosé Manuel García.

A directora Ángeles Huerta presenta hoxe en Radio Nacional "Antes de Nós", a primeira película sobre Castelao, co actor lucense Xoán Fórneas no papel protagonista. A cinta, rodada en galego e producida por Retrincos e Zenit TV, está xa en fase de montaxe. A súa estrea agárdase pro vindeiro ano, coincidindo co 75 aniversario da morte dun dos artistas e intelectuais máis sobranceiros de Galicia.

Coa cineasta falou Alejandra López

Prisión provisional, comunicada e sen fianza pra catro dos nove detidos na operación contra o tráfico de droga en marcha na Costa da Morte e o Salnés. Así o acaba de decretar o xulgado de Corcubión.

Os outros cinco detidos foron postos en liberdade. Todos están investigados por un delito contra a saúde pública.

Isto, horas antes de que a comunidade educativa se manifeste en Santiago contra os recortes da Xunta.

Continúan as protestas pola falta de persoala sanitario no Barbanza.

Á concentración semanal dos venres en defensa da sanidade pública diante do centro de saúde de Rianxo, sumóuse hoxe outra en Aguiño. Denuncian que esta semana estiveron 4 días sen poder proporcionar servizo de atención primaria.

No centro sanitario de Aguiño so hai dous médicos, un xubilouse a semana pasada e a outra atópase de baixa. Isto provocou que dende a venres pasado ata este xoves estiveran sen dar consulta presencial no centro

A enquisa de poboación activa deixa un balance moi positivo do terceiro trimestre do ano en galicia. A taxa de paro caeu ata o 8.8%, dous puntos por baixo da nacional, aínda que con moita diferencia entre provincias. Creáronse máis de 23 mil postos de traballo, pero os sindicatos cren que se trata dunha situación coxuntural, marcada polo emprego precario e temporal. Haberá que agardar ó peche do ano pra saber se a tendencia se mantén...

- Os mariscadores da ría de Muros-Noia aínda terán que agardar polo menos ata a semana que vén pra poder faenar.

As últimas analíticas mostran unha leve melloría, pero que aínda non é suficiente para recuperar a actividade.

- Unións Agrarias vén de pedir en Lugo que se renegocien tódolos contratos da industria cos productores de leite.

Nos últimos catorce meses ese prezo por litro baixou un trinta por cento, mentres subiron os custes de producción.

- A CIG ensino sácalle relevancia ó anuncio da Xuntga de que o ano que ven esgotar a taxa de reposición no corpo docente.

O sindicato nacionalista afirma que na práctica a cifra de profesores non se vai incrementar