Malia a expectación que xeraba as súas declaracións, os dous menores no momento da agresión a Samuel Luiz apenas aportaron información adicional sobre o caso na vista deste xoves. Hoxe non haberá sesión do xuízo, vaise reanudar o luns... tamén o do asasinato da panadeira do Birloque, que onte tamén celebraba unha das súas últimas vistas noutra sala da Audiencia Provincial. Os forenses descartan que o acusado tivera as capacidades cognitivas afectadas no momento dos feitos, como aseguraba a súa defensa.

-Os alcaldes dos concellos polos que transcurre a AP-9, conformarán unha asociación para defender os seus intereses . Piden entre outras cousas o cobro de atrasos do IBI e a actualización catrastral

- A ría de Muros-Noia, continuará pechada como mínimo ata o martes, polos altos niveis que ten de toxina lipófilica. Neste informativo falaremos con Adelo Freire, secretario da confraría de Noia.

- O concello de Brión e a consellería de educación asinarán un acordo para mellorar as instalacións do colexio e do instituto do municipio. A Xunta tamén facilitará a construcción dunha dársena de autobuses

A Xunta sinala que non ten liñas vermellas para alcanzar un pacto polo idioma, pero o conselleiro José López non se pronunciou sobre a petición para que retire o decreto do plurilingÜismo, esixencia do BNG....os socialistas mostráronse máis conciliadores.

Hoxe non hai sesión no xuizo do caso Samuel... na última xornada, os dous menores que non seu día recoñeceron a súa participación na malleira mortal, dixeron non lembrar nada.

Deportes. Rematou a xornada entresemana en segunda coa derrota do Deportivo e empate do Racing que deixa así ós coruñeses o posto de desenso.

O tempo. Logo do paso da fronte hoxe quedaremos na zona de chuvascos no que destaca a entrada de aire frío e a caída das temperaturas

O conselleiro de Lingua dase de prazo ata finais do vindeiro ano pra conseguir un pacto polo galego. esta tarde comezarán as conversas cos grupos parlamentarios, dos que agarda que acudan ós encontros sen liñas vermellas, abertos ó diálogo sobre un tema tan trascendente. Porén, el non está aberto a derroga-lo decreto do plurilinguismo e volver ó acordo previo sobre a lei de normalización linguística... Insiste en que o problema é de uso social, pero o coñecemento é amplo entre os galegos.

Xornada crucial a de hoxe no xuízo polo crime de Samuel Luiz que se está a celebrar na Audiencia Provincial da Coruña. Declaran os dous rapaces menores de idade que xa foran condenados tra-la malleira e que están a catro meses de remata-la condena. Na vista de onte, Diego Montaña volveu ser sinalado por varias testemuñas como un dos atacantes.

-Unha operación policial contra o tráfico de drogas deixa alomenos 5 persoas detidas no Salnés e na Costa da Morte. Foron trasladados á comisaría da policía da Coruña á espera de pasar a disposición xudicial.

-Os investigadores critican o anuncio da Xunta da construción de 70 miniapartamentos pra xente moza con ingresos. É unha evidencia, din, da súa precariedade. Mentres, os populares de Santiago aplauden o anuncio.

- O concello de Betanzos celebra hoxe un pleno extraordinario no que levarán un plan de axuste pra poder pagar débedas de 2,5 millóns a proveedores. BNG xa anunciou que se absterá