Os líderes políticos confrontan sobre os orzamentos antes de que se inicie o debate no Parlamento. O presidente Rueda acusa á oposición de critica-los sen coñece-los; tanto o BNG como o PSOE consideran que non van servir para resolver problemas como o da vivenda.

No Parlamento, hoxe debate e toma en consideración dunha iniciativa lexislativa que reclama que se considere estratéxico o sector do mar.

Na Coruña continúa o xuizo polo crime de Samuel Luiz hoxe declara outro coñecido dos acusados e catro persoas que pasaban polo lugar dos feitos.

O tempo. Xa sen chuvias e con temperaturas rondando os vinte graos ó mediodía. Pero baixaron as mínimas.

comprobámo-lo no repaso que facemos cada día polas distintas cidades.

Novos pasos na moción de censura dos grupos de esquerdas no Concello de Mugardos. BNG, Esquerda Unida e PSOE terán unha nova reunión o vindeiro día 28. Os nacionalistas liderarían a alternativa pero non asumirán a alcaldía de non garantirse a estabilidade e a boa xestión. Os veciños mugardeses saíron esta fin de semana á rúa pra protestar polo abandono que din, está a sufrir o concello.

-Reanúdase o xuízo de Samuel Luiz na Audiencia Provincial da Coruña. Hoxe está previsto que declaren viandantes e amigos dos acusados.

-A ría de Muros-Noia permanece pechada dende o pasado xoves ao detectarse presenza de toxina. A campaña do marisco, recén comezada, quedará pechada ata que haxa dúas análises con resultado negativo.

- Novas investigacións revelan que o Castro de Elviña da Coruña foi construido antes da chegada dos romanos. Nos vindeiros minutos conversamos sobre este novo achado co director da investigación

Son xornadas de análise do anteproxecto de orzamentos antes de que se sometan ó debate do Parlamento. Escrutinio o que se apuntan tamén os grupos de ecoloxistas que critican que a Xunta propoñan priorizar as subvención a aqueles concellos que acollan minas. Tamén reciben críticas algunhas medidas de fomento da vivenda.

Este luns reanúdase o xuizo polo crime de Samuel Luiz. E no tráfico, saiban que a partir das nove está previsto que se corte o paso polo túnel de Folgoso na autovía das Rías Baixas.

Deportes. o Racing, que xogou con 10 boa parte do partido, empatou a 0 na Malata co Huesca.

O tempo. Durante estas primeiras horas pasa unha fronte fría que deixa chuvias en toda a Comunidade, pero co avance do día vanse ir abrindo claros e pouco a pouco iremos quedando na influencia do anticiclón

Temos máis reaccións ós orzamentos da Xunta para o ano que vén. Os colectivos ecoloxistas, que hoxe se reúnen nun encontro estatal en Allariz, consideran que o goberno galego abre a porta a proxectos mineiros ó priorizar as subvencións ós concellos que acollan minas. De contado escoitamos os argumentos.

Todo nun día con presenza en Galicia de Óscar Puente. O ministro de Transportes asiste a celebración do Día do Veciño en Lugo. E hai polémica. A federación vaino premiar esta tarde pero hai desacordo entre os membros. O propio voceiro non entende a razón de dar un galardón veciñal lucense a Puente.

No noso tempo de entrevista falaremos coa xuíza especializada en violencia de xénero, Belén Rubido. En Galicia están a aumentar as denuncias e, este ano, foron asasinadas tres mulleres a mans das súas parellas ou exparellas