Este próximo venres ten lugar o día internacional da eliminación da violencia contra a muller. En Galicia, este ano a violencia machista deixa tres víctimas. A última hai 20 días a mans, presuntamente, dun home reincidente.

Nos próximos minutos Xosé Manuel García fala coa xuiza decana de Pontevedra, especializada en violencia de xénero, Belén Rubido

Case 14 mil millóns de euros. É o orzamento da Xunta para 2025. As contas xa están no Parlamento para a súa tramitación. A partida de sanidade, unha das áreas máis sensibles, sobe un cinco por cento. De contado debullamos as cifras.

Na oposición, a portavoz do BNG, Ana Pontón cre que os datos son pura propaganda. E o socialista Gómez Besteiro cualifica as contas de decepcionantes.

Todo no Día do Cancro de Mama: nuns minutos escoitaremos a importancia da axuda psicolóxica para as pacientes, un recurso que escasea. Tamén recolleremos as queixas da área sanitaria de Vigo pola saturación no servizo de radioterapia.

Nos deportes, o protagonismo está en Balaídos. O Celta recibe esta noite ó Real Madrid

Imor falar de cine.. Adentrámonos nunha casa vella do Porriño.. Alí filmouse a curta Carraxe.

Carraxe é obra do director e guionista Muriel Pernas e o director de fotografía e montador Lucas Orlando Gómez. Ambos son os responsables de Queima Studio, un proxecto de temática social que busca ademais dinamizar o noso rural. Muriel, Lucas