O conselleiro de Facenda reúnese en pouco máis dunha hora coa alcaldesa de Santiago, pra abordar os detalles da normativa da taxa turística. Raxoi insiste en que sexa a administración galega quen a recade, mentres, a Xunta reitera que deben xestionala os concellos.

-O 95 por cento dos pisos en alugueiro da Coruña, e o 90 por cento dos de Santiago, non son accesibles pra un salario medio en Galicia. Son datos do último informa da Asociación Galega de Inmobiliarias.

-Terceira sesión do xuízo polo crime de Samuel Luiz coas primeiras testificais. Este xoves dous acusados en liberdade provisional defenderon a súa inocencia, e sinalaron a Diego Montaña e a Alejandro Freire como os autores do ataque.

- O Centro Dramático Galego presenta no auditorio de Galicia as "Bruxas de Salem", de Arthur Miller, unha colaboración co Teatro Nacional San Joao, do Porto

O orzamento de Galicia para 2025 rozará ós 14 mil millóns. A Xunta asegura que porán especial atención á vivenda, materia á que destina unha cuarta parte máis de cartos que este ano. O BNG lamenta que nin cheguen a subir ó nivel do IPC; os socialistas critican a falta de tansparencia na tramitación.

O comité de Alcoa analiza hoxe as demandas da multinacional para garantir a actividade en San Cibrao. Pero o martes xa acordou estudar a presentación dunha denuncia penal por incumprimento do plan de viabilidde.

O tempo. Este venres estará cuberto con chuvias febles na franxa atlántica, pero pola noite entra unha fronte fría que deixará precipitacións xa máis xeneralizadas e de intensidade moderada

O Consello da Xunta aproba os orzamentos para o ano que vén. As contas ascenden a case 14 mil millóns de euros, dos cales 10 millóns irán gasto social, a partidas coma educación ou sanidade; e 221 a políticas de vivenda. 

A oposición reclama o detalle destes orzamentos que o BNG cualifica de pouco cribles. O PSOE pídelle máis transparencia ao Goberno galego.

Unhas contas que terán que afrontar o aumento da pobreza en Galicia, máis dun cuarto da poboación está en risco de exclusión social... E o aumento nas listas de agarda na sanidade... 72 días espera de media cada cidadán para ir a quirófano ou ser atendido por un especialista. 

Os orzamentos do vindeiro ano chegarán este sábado ó parlamento pra iniciar a súa tramitación. Unhas contas en máximos históricos que esgotarán o teito de gasto ata alcanzar os 13.954 millóns de euros. Anúncianse esforzos en gasto social e vivenda... Pero a rede galega contra a pobreza advirte dunha caída no esforzo das contas públicas pra atender á poboación vulnerable. Traballar xa non garante o acceso á vivenda ou afronta-los gastos de enerxía. As inmobiliarias galegas recoñecen que máis do 90 por cento dos pisos de alugueiro na Coruña ou Santiago non son accesibles pra un salario medio.