Xosé Manuel García conversa con Manuel Álvarez Cortiñas, xefe de servizo de Saúde Ambiental da Consellería de Sanidade

A Xunta reúnese esta fin de semana en Sober, na provincia de Lugo. Alfonso Rueda convocou a todo ó seu goberno durante dous días para definir prioridades e estratexias nesta lexislatura. Tamén para reforzar a cooperación entre departamentos. Un retiro ó estilo dos que facía o ex presidente Fraga e que tamén quere servir para apoiar a candidatura da Ribeira Sacra a Patrimonio Mundial.

Mentres, a líder da oposición, a nacionalista Ana Pontón, viaxa este sábado a México para asistir á investidura da nova presidenta e estreitar lazos coa comunidade galega

O Ourense Film Festival, o certame de cine máis lonxevo de Galicia, celebra estes días na cidade das Burgas a súa vixésimo novena edición. Enrique Morales fala con Miguel Anxo Fernández, director artístico do OUFF, sobre a oferta cultural deste ano e sobre como mudou o papel desta clase de eventos co paso do tempo

as principais cidades galegas acollen este venres concentracións en apoio do pobo palestino nunha xornada de folga convocada pola CGT con seguemento desigual pero que si tivo algunha incidencia nas comunicacións por tren.

Na crónica política...

estamos ás portas dunha fin de semana na que Alfonso Rueda vai reunir ao seu goberno no concello lucense de Sober para marcar liñas de actuación e na que a líder do BNG viaxa a México para asistir a investidura da presidenta Sheinbaum

comezamos no concello das Neves este repaso pola actualidade galega. Tres días de loito foron decretados despois de que unha muller de 60 anos fose asasinada presuntamente a mans do seu fillo de 20. 

de seguida lle contamos máis nun día moito máis tranquilo no tempo, despois do paso do temporal Aitor e no que se anuncian importantes citas a nivel político. alfonso Rueda ten previsto reunir esta fin de semana ao seu goberno en Sober, lembrando os retiros da época de Manuel fraga e polo BNG Ana Pontón confirma a súa asistencia en México á investidura da presidenta Claudia Sheinbaum. Asistencia xa criticada polo PP

A xornada de folga xeral convocada pola CGT en contra do xenocidio palestino conseguiu esta mañá un dos principais éxitos coa suspensión dun dos primeiros servizos de tren do eixo atlántico. Á tarde-noite están previstas concentracións e manifestacións nas principais cidades. Un movemento que agradecen os palestinos que viven entre nós, refuxiados da guerra, e que viven dende hai un ano coa incerteza diaria do que poida acontecer coas súas familias. Escoitamos hoxe a un deles

- O rescate da AP9 custaría menos de mil millóns de euros, segundo informe encargado polo BNG. 

O estudo recolle que recuperar a concesión suporía un aforro de 2 mil millóns tendo en conta o que hai que pagar ata 2048 polas chamadas peaxes na sombra. 

- No concello de Ourense, os sindicatos veñen de aprobar a convocatoria dunha folga de persoal. 

Un novo episodio na serie de enfrentamentos co rexedor da cidade, Gonzálo Pérez Jácome, pola súa xestión en materia laboral.

- Os sindicatos que asinaron coa Xunta un acordo para a mellora do sistema educativo denuncia o seu incumprimento.

Aseguran que a consellaría retrasa a incorporación de profesores e anuncian a presentación dunha demanda.

- Protesta no Courel pra demandar un transporte escolar máis seguro.

Pais e alumnos piden un vehículo escolar adaptado pra superar o desvío perigoso con motivo das obras na estrada principal de Seoane a Folgoso.

- O tempo. Xa con chuvascos máis espallados e temperaturas que rondan dos 20 graos

Dirixido por Alejandra López