A nova facultad de Farmacia de Santiago, máis cerca. A Xunta e a Universidade presentaron o proxecto do novo edificio, que debería estar operativo en 2027. saldaríase así a débeda cunha carreira que tivo que sair da súa antiga ubicación hai case unha década polo mal estado que presentaba.

En total, investiranse máis de 24 millóns de euros. A metade sairán da administración autonómica, a USC achegará 2,9 e o resto virá a través do refinanciamento da súa débeda.

Tarde de protestas en máis de media ducia de colexios da comarca de Compostela. A Federación de ANAS convoco unha acción conxunta pra denunciar a falta de medios neste inicio de curso.

Na Coruña, o Centro de orientación familiar de orillamar segue sen cubrir as dúas prazas de xinecoloxía. Así o denuncia o BNG, que levará ó parlamento as queixas de persoal e usuarias.

Presentada a cátedra "Exercicio contra o cancro", un proxecto da Universidade da Coruña e da Asociación Española contra contra o cancro orientado a mellora-la calidade de vida dos pacientes.

O Consello de Ministros da o paso adiante que faltaba para que se pordan levantar parques eólicos mariños nos noso litoral. Onte aprobou o Real Decreto que regula a súa instalación na nosa costa. Como imaxinan o sector pesqueiro, que ten recorrido no constitucional a planificación de áreas mariñas para a éólica, amosa a súa oposición. Mentras os promotores dos parques danse por satisfeitos.

Así as cousas a Xunta anuncia que vai elaborar unha lei sobre renovables para que os consumidores galegos paguen menos pola enerxía que se xere aquí. Tamén onte no consello de ministros se aprobaron axudas para os gandeiros de vacún con explotacións afectadas pola febre hemorráxica epizoótica por importe de 15 millóns de euros.

No meteorolóxico hoxe agardamos a chegada da primeira borrasca con nome do outono inverno, chamase Aitor, que deixará ventos fortes e chuvia abondante.

Tempo para a información de Galicia en Radio Nacional que hoxe comezamos cunha chamada á precaución ante a próxima entrada na comunidade de Aitor, o primeiro gran temporal deste outono. De seguida conectamos con Meteogalicia, para coñecer todos os detalles desta forte borrasca que se aproxima e que pon en alerta por chuvias á nosa comunidade.

Polo demáis, reaccións en Galicia á decisión do goberno central de pospoñer a tramitación da senda de déficit no Congreso na búsqueda de apoios que lle permitan sacala adiante. Para o presidente da Xunta é unha mostra da inestabilidade do executivo de Pedro Sánchez. Hoxe soubemos, por certo, que Facenda eleva de 444 a 628 millóns de euros os cartos que perdería Galicia se Cataluña sae do réxime común. Foi despois de actualizar as cifras cos últimos datos dispoñibles

O parlamento galego volveu hoxe reflexa-las diferencias entre goberno e oposición pola forma en que se xestionan e fiscalizan os gastos. Nesta ocasión sometíase a debate o informe de fiscalización do ano 2021... Un retraso que nacionalistas e socialistas consideran forzado polo goberno co obxecto de reduci-la transparencia... O PP négao e insiste en defender o seu traballo na redución da débeda. 

Tampouco houbo acordo no pazxo do hórreo entorno ó proxecto de lei de cultura inclusiva e accesible. O PP rexeitou as emendas á totalidade de BNG e PSOe que cren que falta ambición

-- Os 107 barcos da Asociación de cerqueiros galegos están nunha situación crítica, sen posibilidades de pesca e amarrados

Agárdalles un periodo de inactividade duns seis meses, algo que non pode soportar ningunha empresa. E Bruxelas propón baixar as cotas de bocarte e xurelo.

-- Os avogados e procuradores da quenda de oficio buscan resposta ás súas demandas tras 10 meses de folga

Denuncian unha situación delicada, agravada polas baixas masivas en distintos puntos da comunidade. Insisten en demandar unha regulación xurídica e subas nas retribucións

-- Continúan as protestas por falta de profesores de apoio no ensino.

Desta volta foron diante da Escola Infantil Rúa Aragón de Vigo. Trátase dun centro no que hai unha alta porcentaxe de nenos con necesidades especiais.

-- O Consello de Europa reclama a eliminación de limitacións para o uso do galego.

Concretamente pide as autoridades que garantan o seu uso nas asignaturas científicas, que se tomen accións axiña nese sentido e non se poñan trabas na xustiza

Alfonso Rueda insiste en reclamar un novo modelo de financiamento autonómico pero que se negocie de xeito multilateral e non comunidade por comunidade. o presidente galego di que co actual modelo Galicia ten un déficit de 700 millóns de euros polo sobrecuste da prestación de servizos. Dispersión e envellecemento explican ese sobrecuste. Pide que non haxa chantaxes as autonomías sobre as entregas a conta. A política galega pasa tamén hoxe pola moción de censura rexistrada en Muxía. Desbancará a alcalde socialista co apodo do PP, dos independentes e da única concelleira do BNG. A dirección nacionalista desmarcase desta decisión e a socialista cualifica a iniciativa de aberración. Cambio de tempo este martes coa chegada dunha fronte que deixará ceos anubraos e chuvias sobre todo nas provincias atlánticas.