Dirixido por Xosé Manuel García

Espertamos hoxe coa noticia da morte acoitelada dunha muller de 60 anos nas Neves, en Pontevedra. O seu fillo de 20 anos foi detido como presunto autor duns feitos que as forzas de seguridade están a investigar...

En Pontevedra, mentres, péchase un capítulo no xulgado coa petición de perdón por parte do propietario dunha pirotecnia que estourou en 2018 deixando dous mortos, deceas de feridos e danos en múltiples vivendas

- O grupo socialista denuncia irregularidades por valor de 45 millóns nun só ano nos contratos do goberno galego 

Contratos que detectou e paralizou o tribunal administrativo dependente da Xunta, por erros na tramitación. Investigarán qué hai detrás, e se sucedeu o mesmo en anos anteriores.

- Concentracións ante as sedes de patronal das distintas cidades en Galicia para reclamar a redución da xornada laboral. 

Os sindicatos convocantes, UGT e Comisións Obreiras, rexeita os argumentos catastrofistas da patronal.

- A Xunta sinala que o decreto aprobado polo goberno que regula a instalación da eólica mariña chega dous anos tarde.

Preocúpalle que non se tiveran en conta as compensacións ós sectores afectados e dar máis peso dos sectores non económicos nas poxas.

- O Partido Popular queda coa alcaldía de Mondariz. 

Alternativa por Mondariz, á que pertencía o anterior rexedor, non presentou candidato.

- O tempo. 

Tra-lo paso da borrasca, quedamos nunha situación de chuvascos con temperaturas máis baixas dende a próxima noite

A mañá comeza cunha tráxica nova nas estradas. Dúas persoas morreron nun accidente rexistrado contra as dez da noite en Mugardos, no límite con Ares. Houbo tamén tres feridos nunha colisión na que se viron implicados tres vehículos.

Polo demais, o temporal Aitor deixou chuvias intensas nas últimas horas e ventos fortes. Houbo numerosas incidencias, pero ningunha de gravidade.

- BNG e Ferrol en Común piden un estudo sobre a posible declaración de Canido como zona tensionada. Así se recolle na moción conxunta que levan ó pleno desta tarde.

- Ata 30 testemuñas comparecerán no xuízo polo asasinato de Samuel Luiz na Coruña en xullo de 2021. A vista comezará o 16 de outubro, logo da elección do xurado.

- No caso Alvia, amplíase o prazo para recorrer a sentenza que condenou ao maquinista e ao ex director de seguridade de Adif. A maxistrada concedeu 30 días máis

Dirixido por Xosé Manuel García

É mércores 25 de setembro, xornada marcada en Galicia pola chegada de Aitor, o primeiro temporal deste outono e que se está deixando notar especialmente nas provincias de pontevedra e a Coruña con fortes ventos, intensas chuvias e problemas na circulación.

Polo demáis, no parlamento Alfonso Rueda debía respostar esta mañá ós portavoces da oposición despois de entrevistarse o pasado venres con Pedro Sánchez e o financiamento volveu acaparar o debate. A sesión de control deixa o anuncio de que a Xunta quere axilizar o traspaso dos medios para a xestión do litoral e vai pedir a convocatoria inmediata da comisión mixta de transferencias

O debate sobre o financiamento autonómico, a conta da reunión do pasado venres de Alfonso Rueda e Pedro Sánchez, regresou hoxe ó parlamento na sesión de control. Nacionalistas e socialistas pedíanlle a Rueda explicacións de por qué non quixo negociar co presidente un financiamento singular pra Galicia ou a quita na débeda. E Rueda insistiu en que aceptala sería prexudicial pros galegos, e que Sánchez nin sequera plantexou unha proposta neste senso. No medio do debate, acusacións duns e outros de facer seguidismo dos seus partidos a nivel nacional ou dos nacionalistas cataláns. 

Todo nun parlamento que dende hoxe é máis accesible a tódolos cidadáns...

-- Tralo informe do consello de europa a Real Academia galega e a Mesa pola normalización pídenlle ó goberno galego que cumpra a legalidade 

Lembran que as directrices do Consello de Europa non son de implementación voluntaria. O ministro de cultura insistiu en Santiago no seu compromiso de defende-la pluralidade linguística

-- Malestar da plataforma en defensa da pesca ante o real decreto que regulará a implantación da eólica mariña 

Critican a exclusión do Instituto Oceanográfico das comisións de valoración dos proxectos, e a baixa puntuación dos criterios ambientais nas concesións

-- O sindicato Labrego galego alerta de que as axudas pola enfermidade hemorráxica epizoótica non cheguen a moitas granxas afectadas

As que acudiron a veterinarios privados non terían acreditados os casos ante a administración. Tampouco ven suficiente a cobertura de gastos veterinaraios.

-- A Asociación agraria de Galicia pide que se revise o nivel de protección do lobo

Vótase en Bruselas incluir unha rebaixa pro debate que terá lugar en decembro. Piden plans de xestión contra o que consideran un aumento descontrolado destes animais

-- No tempo, atentos á chegada da primeira borrasca relevante do outono. Aitor deixará nas vindeiras horas abundantes chuvias, vento e temporal de Mar, con avisos amarelo e laranxa