- O concello de Muros súmase ao de Santiago e solicitará á Xunta a implantación da taxa turística. A alcaldesa, María Lago, denuncia que os concellos pequenos están desbordados pola afluencia de visitantes.

- A plataforma por un Transporte Digno de Sada leva máis de 1.600 sinaturas pra reclamar máis frecuencias de autobús. A Valedora do Pobo admitiu a trámite a súa queixa e xa preparan mobilización pro sábado 28.

- Os mariscadores da ría do Burgo presentan hoxe o informe sobre o estado dos bancos marisqueiros. Teñen convocada unha reunión pras once da mañá na confraría de pescadores da Coruña. 

O anuncio o venres pasado de que a Xunta aprobará antes de que remate o ano a taxa turística espertou o interse de máis municipios que Santiago para poñela en marcha en canto se poida. Esta semana mesmo comezarán as xestións os alcaldes de concellos como a Illa, O Grove ou Muros. Alí os veciños están cansos de sufragar servizos para a avalancha de turistas que desde hai uns anos os invaden nunha temporada que cada vez se alonga máis.

No ensino esta semana seguen as queixas en centros escolares por problemas no inicio do curso que desde a consellería consideran puntuais.

Nos deportes o Celta sumouse a tarde pasada ás derrotas dos equipos de fútbol galegos: nin o Dépor nin Rácing sumaron puntos.

No meteorolóxico hoxe é un día de transición á espera dunha fronte que chega pola noite.

Hoxe celébrase o Día mundial sen coches, son numerosas as actividades entorno á mobilidad sostible que se veñen celebrando estes días. Erika Castro conversa con Margarita Novales, enxeñeira de camiños e codirectora do laboratorio de mobilidade sostible da Coruña, que leva anos estudando a forma na que nos transportamos dun lugar a outro...