A xustiza europea da un paso para despexar o horizonte da enerexía eólica en Galicia. Seguno informou a Conselleira de Medio Ambiente o Tribunal de Xustiza comunitario vai priorizar o seu pronunciamento sobre as cuestións prexudiciais que lle trasladara o Alto Tribunal Galego sobre a tramitación dos informes de impacto ambiental que están a anular moitos proxectos, 59 en total. Sen embargo rexeita tramitalos por vía de urxencia.

Falando de cuestións medioambientais, o responsable de Sogama asegura que é posible rebaixar a taxa por usar a planta para tratar o lixo. Di que bastaría con que os concellos reciclaran máis do que fan ata o de agora

Tempo pra entrevista coa arte como protagonista. Vén de inaugurarse o evento ABERTO, no que case unha decena de galerías contemporáneas acollen exposicións simultáneas coas que buscan divulgar o seu traballo e crear lazos co público. 

ANDREA OCA conversa con dúas das participantes

Van xurdindo voces, tamén na provincia, sobre o último informe da Xunta sobre a fusión municipal. Dous dos concellos aludidos, Santiago e Teo, rexeitan a unión e apuntan ó principal problema de fondo: o escaso financiamento e as competencias impropias.

- A Xunta e o concello de Santiago reuniranse este venres pra abordar a taxa turística. O concello compostelán vén de precintar, por primeira vez, tres VUT sen licenza.

- O PP da Coruña tamén presentará alegacións ó convenio de urbanización das Xubias. Súmase así ó BNG, á plataforma Defensa do Común e a varios colectivos veciñais.

- O BNG denuncia que os estudantes da Universidade da Coruña son os máis prexudicados no acceso á vivenda. Considera discriminatorio que a Xunta apenas oferte prazas públicas en residencias na cidade herculina

A Xunta vai presentar mañá nun congreso unha nova proposta de fusión de Concellos. É froito dun estudo previo e o presidente xa dixo que só se consolidaran os que se promovan de xeito voluntario polos municipios. Hai alguna proposta chamativa como unificar todo o Deza nun só concello. Polo que nos contan algúns alcaldes de concellos afectados polo momento non hai moito consenso.

Outro día temos que falar dos incendios forestais porque o máis importante dos últimos días, o da Gudiña está a piques de acadar as 300 hectáreas de superficie queimada.

O tempo non axuda a que se apaguen porque a previsión apunta que seguiremos baixo a influencia anticiclónica