RENFE programou dende última hora de hoxe e primeira do luns máis de 250 servizos de autobús para facilitar a mobilidade polas obras de ADIF entre A Coruña e Santiago. A compañía ofrece transporte alternativo por estrada pros AVE A Coruña-Madrid e Ferrol-Madrid. Tamén se activará un dispositivo de autobuses, microbuses e taxis pros clientes habituais de media distancia e Avant.

Os traballos que se realizarán durante a fin de semana teñen que ver coa ampliación da estación da Coruña.

Polo demais, por fin chegou o momento. Esta mañá reúnense a Xunta e mailo concello de Santiago pra abordar a implantación da taxa turística. Finalmente a alcadesa, Goretti Sanmartín, estará nese encontro. Non así o presidente da Xunta.

- O debate sobre o proxecto de urbanización das Xubias, na Coruña, chegará ó Congreso. O deputado do BNG, Nestor Rego, alerta de que estas actuacións poden afectar á liña ferroviaria que pasa pola localidade.

- A Plataforma en Defensa do Patrimonio Industrial das Pontes celebra hoxe unha nova asemblea. Leva recollidas máis de 2.200 sinaturas para evitar a demolición da cheminea da antiga central térmica. 

- Xa funciona no Materno da Coruña a horta terapéutica. Un espazo pra minimiza-lo impacto negativo da hospitalización nos máis pequenos

A cita é as 12 e media no Palacio da Moncloa. Alí Pedro Sánchez recibirá ao presidente da Xunta, un encontro que Alfonso Rueda agardaba desde que fooi elexido presidente da Xunta o pasado 18 de Febreiro. 

Rueda leva moitos asuntos na carteira para tratar. Proba do seu interese é que adiou a viaxe institucional que tiña previsto iniciar hoxe a Brasil e que no día de onte suspendeu a axenda para preparar a reunión. Do que non quere faclar é de financiamento autonómico porque dí iso debe abordarse nunha conferencia de presidentes.

E este venres imos coñecer os detalles da nova campaña de vacinación contra a Covid que se vai iniciar xa o luns. O conselleiro de Sanidade ofrecerá tódolos detalles.

En canto ao tempo aumenta a inestabilidade que xa trae néboas no interior e chuvascos treboentos na metade sur, mentras os ceos seguen empañados polo fume dos incendios forestais de Portugal

A taxa turística centra a actualidade da xornada. 

A alcaldesa de Santiago lamenta que o presidente da Xunta non vaia estar mañá no encontro convocado pola Dirección Xeral de Turismo. Goretti Sanmartín non confirma que ela poida asistir, pero xa avanza que na reunión haberá representación do goberno local.

Mentres, Alfonso Rueda xa agoira que a implantación da taxa non vai ser doada.

Por outra banda, confírmase que a enfermidade hemorráxica epi-zoótica chega tamén á nosa provincia. A Xunta vén de notificar cinco novos focos e os cinco corresponden a comarcas veterinarias coruñesas. Concremente foron localizados en explotacións bovinas de Arzúa, As Pontes, Santiago, Teixeiro e Melide.

- Ecoloxistas en Acción denuncia á Xunta ante a Fiscalía europea polo Eixo Milladoiro-Santiago. Un vial para bicis e peóns que conta con 7 millóns de euros de fondos Next Generation.

- Novas sentenzas sobre as expropiacións de Costa Miño obrigan ó concello a pedir outro préstamo dun millón de euros. Hoxe celébrase un pleno extraordinario e urxente para tramitar a solicitude. 

- O Camiño Francés poderá percorrerse de forma virtual grazas á app Camiño de Santiago 360. Dixitaliza as rutas e permite saber a tempo real cantos peregrinos hai en cada etapa