Novo accidente laboral. Un camioneiro faleceu nas instalacións de Finsa en Padrón. Pertencía a unha empresa de Zas que levara madeira e que foi atropelado por unha pá mecánica.

Estamos pendentes da actualización dos datos do incendio rexistrado no concello ourensán de San Critovo de Cea e que afectou tamén ó de Piñor. Onte á noite queimara 20 hectáreas. Na súa extinción concentráronse numerosos medios de extinción de incendios.

E unha incidencia relacionada coa electrificación na estación madrileña de Chamartín ocasionou retrasos este martes en catro trens con saída ou destino en Galicia.

O tempo....recuperamos a influencia das altas presións. Menos nubes, agás no norte de Lugo e temperaturas en ascenso. Xa de novo por riba dos 30 graos en toda a metade sur.

Dous mozos veciños de Vigo perderon a vida a pasada medianoite nun accidente de tráfico. Viaxaban nunha moto coa que bateron primeiro contra un turismo e logo contra un camión de recollida de lixo. O sinistro produciuse nunha curva considerada un punto negro na nacional 550 en Cesantes, Redondela.

Os accidentes mortais en motocicleta aumentaron un 70 por cento no que vai de ano. Xa son 24 os falecidos.

En, Vigo, Baiona e Noia despiden este martes aos mariñeiros César Acevedo, Santiago Leyenda e Antonio Barreiro, tripulantes do palangreiro Argos Georgia, falecidos no naufraxio do buque ocorrido o pasado 23 de xullo, ao oeste das Malvinas.

E, nas Neves vai ser enterrada a moza de 17 anos asasinada o sábado polo seu padrastro en Toledo.

O edil de Festas de Malpica deixa o Goberno local polos enfrontamentos coas entidades do sector e o PP continúa gobernando en minoría. 

Pleno extraordinario en Vigo. Prevese a aprobación de 12 millóns de euros para compensar a Vitrasa das perdas da pandemia.  

 A senda peonil que a Xunta constrúe dende xuño entre Santiago e Teo non ten autorización de Patrimonio. O Concello pide un trazado alternativo ao bosque do Banquete de Conxo. 

As familias dos tres mariñeiros falecidos no naufraxio do Argos Georgia en Malvinas poderán finalmente despedirse deles. Foi unha longa espera. Un mes despois no naufraxio, cúmprese este xoves, vanlles entregar os corpos. A chegada dos féretros está prevista para esta tarde ó aeroporto coruñés de Alvedro tra-los longos trámites ós que obriga a lexislación británica. a continuación o traslado a Baiona, vigo e Noia, onde recibirán sepultura. Un cuarto tripulante do Argos, veciño de Ribeira, foi dado por desaparcido

Hoxe pasan a disposición xudicial os dous detidos en Ourense polo acoitelamento dun músico de rúa.

Os residentes do casco histórico de Santiago reclaman un cambio no modelo turístico despois dunha ponte de alta ocupación.  

 Veciños de Barbadás, en Ourense, reclaman o arranxo da liña de teléfono fixo e internet que hai unha semana quedou afectada durante unha roza. 

Un mes despois... cumprense este venres, hoxe as familias dos mariñeiros falecidos no naufraxio do Argos en Malvinas recibirán os seus corpos e poderanlles dar sepultura. Un mariñeiro ribeirense aínda permanece desapareido.

En Pontedeume, o afundimento dun pesqueiro orixionou un vertido de gasoil que foi acoutado con barreiras anticontaminación. Xa se traballa pra reflotar o barco.

E hoxe está previsto que cheguen a Galicia28 menores subsaharianos

A medida forma parte dos acordos entre comunidades pra alivia-la presión migratoria no arquipélago.

O tempo: Mantense a influencia do anticiclón, co ceo despexado e temperaturas máximas en ascenso.