Unhas mil persoas marcharon este mediodía en Pontevedra e Marín contra as celulosas: tanto as que xa existen coma Ence ou a proxectada Altri en Palas. De contado escoitamos as reivindicacións dos manifestantes.

Nos vindeiros minutos falaremos tamén da adición á Internet. Segundo un estudo realizado con mozos galegos o 18 por cento admite un peor rendemento escolar polo abuso das pantallas e case a metade utiliza máis de tres horas diarias as redes sociais.

Realidade inviable para moitas persoas do rural, con problemas de acceso á fibra óptica. O PP reclamará no Congreso axilizar o despregamento da banda ancha.

E detido un veciño de Ames por roubar coches en máis de dez concellos das provincias da Coruña e Pontevedra. Tamén hai catro menores investigados.

Greenpeace foi unha das orgnizacións que estivo apoiando a manifestación contra celulosas. Un barco da organización ecoloxista chegou este mércores a Arousa dentro duha campaña en defensa do océanos. Alba Villafranca entrevistou ó seu coordinador en Galicia a bordo do propio Artic Sunrise

Manifesto conxunto para esixir un cambio no modelo asistencial ós maiores en Galicia. Familiares, usuarios de residencias e traballadores reclaman unha xestión totalmente pública e máis recursos.

En Arteixo, continúa o peche dun grupo de dependentas de Inditex. Pasaron a primeira noite nas instalacións para presionar a empresa e que acepte unha negociación provincial de melloras laborais. Neste intre, fronte á sede, a CIG realiza unha concentración de apoio.

A mañá deixa un condutor falecido tras unha saída de vía en Vilalba.

E nuns minutos, no tempo de entrevista, conversamos co gaiteiro Carlos Núñez, quen nos presentará o seu novo disco.

Entrevista a Carlos Núñez, gaiteiro vigués, realizada por Cruz Mato.

O ministro de Transportes, Óscar Puente, elevou hoxe en Lugo o custe para que a Autopista do Atlántico sexa gratuita e quede baixo control da Xunta. Se noutras ocasións falara de 4.000 millóns de euros agora dí que son preto de 6.000. Puente conclúe que é inviable a non ser que alguén lle explique de onde sairían ese cartos...

E dos Tribunais a xuiza de Tui que leva o caso da misteriosa morte de Déborah Fernández no 2002 decidiu arquiva-lo e así llo comunicou as partes. Di que non hai probas concluintes contra o ex noivo da moza, nin sequera nos restos de ADN que presentaba o cadaver.

Máis de cinco mil millóns de euros. É a cifra que, segundo o ministro de Transportes, suporía o traspaso a Galicia da titularidade da AP9 e a anulación da concesión, vixente ata 2048. Óscar Puente, despois de que o Congreso aprobase solicitar ó Goberno a transferencia, non se opón a facelo pero reitera: haberá que ver quen asume o custo.

No Parlamento galego, PP e BNG coinciden en que se precisa un estudo económico e non entenden por que Puente aumenta as cifras cada vez que fala do asunto.

Decenas de persoas saen á rúa nas Pontes pra esixir garantías de emprego pra o persoal das auxiliares. 

Consideran que agora mesmo non está asegurada a continuidade no emprego de todo o persoal 

- Concentración tamén este xoves dos traballadores do sector das TIC na Coruña, ás portas de Indra, en protesta pola perde de poder adquisitivo.

-EN Santiago, o Consello Municipal de Educación bota a andar de novo despois de trece anos dende a súa última xuntanza. 

- "Future Stories", é a nova exposición que a Fundación Marta Ortega acolle no peirao da batería da Coruña, neste caso os protagonistas son tres estudantes galegos que amosan o seu traballo por vez primeira