A oposición en Ourense vai seguir falando pra intentar poñerse dacordo e presentar unha moción de censura ó alcalde Pérez Jácome. Nos problemas todos están dacordo... xa se intúe que o obstáculo pode ser a designación do substituto.

O Congreso pide unha AP-9 libre de peaxes... pero a moción aprobada a instancias do BNG non supón unha obraiga para o goberno. O PSOE abstívose. Hoxe o ministro de Transportes está en Lugo, veremos se vai ter en conta a opinión da maioría parlamentaria.

E, os estudantes que aprobaron as probas de acceso á universidade xa botan contan pra ver a que titulación poden acceder.

Logo do paso da fronte esta pasada noite, o vento do oeste aínda arrastra nubes e aire humido, con temperaturas máximas máis baixas, pero subiron as mínimas

En Ourense hoxe deuse o primeiro paso que podería materializarse na moción de censura contra o alcalde Gonzalo Pérez Jácome. Sentaron nunha mesma mesa PSOE, BNG e PP e falaron do asunto durante dúas horas...

Houbo tensión cando o BNG puxo como liña bermella que o alcalde que sustitúa a Jácome ten que ser socialista e non do PP. Malia todo emprazáronse para seguir negociando nunha semana.

E en Madrid, no Congreso aprobouse unha moción a prol da gratuidade das peaxes na AP 9 así como que se transfira a Galicia.

O futuro de Ourense xógase arestora nunha reunión a tres bandas entre PSOE, BNG e PP. Debaten acordar unha moción de censura para que Gonzalo Pérez Jácome, de Democracia Ourensana, marche da alcaldía. A proposta parte dos socialistas, que buscan un punto e final á crítica situación económica do concello: con facturas e nóminas sen pagar, e con sentenzas que afectan ó propio rexedor.

O PP xa confirmara onte a súa presencia, nega que o acordo de investidura asinado no seu día con Democracia Ourensana vaia ser un impedimento; o BNG tamén decidiu participar no encontro.

Desconvocada a folga das ambulancias na área de Santiago-Barbanza tras asinar os traballadores un preacordo coa empresa a pasada tarde. A CIG cancela as protestas que tiña previstas, a primeira, pra hoxe mesmo. 

- Segunda xornada da reunión dos traballadores de Navantia, en Madrid, coa dirección pra negociar a convenio...24 horas despois cortar a entrada ao estaleiro cunha barricada. 

-As traballadoras da limpeza da provincia saíron tamén este mércores á rúa para reclamarlle á patronal que sente a negociar o convenio, caducado en decembro do ano pasado. 

- A Universidade de Santiago non descarta sancións disciplinarias ou mesmo denuncias se constata danos nos edificios de onde foron desaloxados os estudantes pro Palestina a pasada xornada

Os médicos de medicina familiar e comunitaria, que desde hoxe celebran congreso na Coruña, rexeitan que os que aínda están en periodo de formación poida ocupar unha vacante nun centro de saúde sen supervisión médica. Critican a improvisación das autoridades sanitarias. A ministra de Sanidade critica ó PP por -di- buscar man de obra barata.

En Lugo, pendentes do pase a disposición xudicial dos detidos en relación co suposto roubo de 400 mil euros nunha administración de lotería.

Nunha xornada na que se anuncia un lixeiro cambio de tempo.. Un sistema frontal afectará hoxe Galicia. Traerá algún orballo polo día ó norte e pola noite chuvias febles á maior parte da comunidade