A actualidade da mañá pasa por Palas de Rei. Manifestación convocada pola Plataforma Ulloa Viva, apoiada por numerosos colectivos veciñais e asociacións ecoloxistas, contra a fábrica de fibras téxtiles de Altri. Gran afluencia que chegou a provocar importantes retencións de tráfico este mediodía á entrada do concello. De contado iremos ata Palas.Tamén falaremos de sanidade. Entrevistamos ó novo conselleiro. Antonio Gómez Caamaño non descarta a centralización de servizos nalgunhas áreas rurais se non hai persoal suficiente.Nos deportes, en pouco máis de dúas horas o Celta xoga o último partido de Liga, e pola tarde festa para celebrar a fin da tempada do centenario.

Entrevista al Conselleiro de Sanidad de Galicia, D. Antonio Gómez Caamaño

Un bombeiro faleceu hai unha hora en Vigo ó derrubarse a parede dunha vivenda en mal estado na avenida de Beiramar. Estaba a traballar precisamente en asegurar o tellado do inmoble, segundo vén de confirmar a Policía Local. O home tiña 48 anos. Arestora a zona continúa baixo vixilancia das forzas de seguridade. O concello acaba de decretar un día de loito.Esta é a última hora dunha mañá na que temos máis asuntos. Mentres aumenta a carestía da vida e o número de persoas en exclusión, en Galicia o ingreso mínimo vital só chega a unha décima parte das persoas que o precisan. Ademais, na nosa comunidade, esa prestación estatal é incompatible coa axuda autonómica, coa Risga.De contado debullamos os datos. Todo cando estamos a menos dun mes das oposicións do ensino: o conselleiro confirmou esta mañá que serán o 22 de xuño en 15 localidades. Educación Infantil e á área con máis aspirantes por praza.Nas rúas da Coruña, manifestación do persoal de Albada, a concesionaria da planta de tratamento de residuos de Nostián.Nos deportes, o Deportivo xoga co Irún nunha tarde na que os afeccionados están citados para festexar o ascenso.

Entrevista. O convidado é o novo director do Salón do Cómic da Coruña, Viñetas desde o Atlántico. Manel Cráneo estréase este verán coa 27 edición desta cita ineludible para os apaixoados da Banda Deseñada. Conversa con él nos próximos minutos o noso compañeiro VÍCTOR ALVARIÑO

Coa campaña electoral para o 9 de Xuño en marcha, os colectivos sociais chaman á participación da cidadanía nos comicios e poñen en valor o papel das institucións europeas en asuntos coma a saúde, a igualdade e a loita contra a pobreza. E o Ministerio de Sanidade reunirá finalmente as comunidades autónomas para tratar de buscar solucións á previsible falta de médicos durante o verán. Preocupa sobre todo a situación da Atención Primaria.

null

Coa campaña das europeas en marcha, son moitos os organismos e colectivos que poñen deberes ós candidatos, e ós cidadáns. Coma a Rede Galega contra a Pobreza, que anima á cidadanía galega a votar e lembra que as entidades do terceiro sector dependen de políticas comunitarias pra axudar ás persoas en risco de exclusión, mulleres ou menores vulnerables ou creación de hospitais... Dende o Sindicato Labrego Galego, apostan por que estas elecións sirvan pra facer unha transición agroecolóxica, políticas que permitan o relevo xeracional e priorizar os alimentos locais e as necesidades das poboacións.

null

null

A xestión agrícola marcada pola política agraria común, o futuro da AP9, os fondos europeos para proxectos industriais ou as cotas de pesca: asuntos relevantes para Galicia que dependen de políticas europeas. A campaña xa está en marcha.O Goberno portugués trasladoulle ó presidente galego o compromiso de rematar a liña de alta velocidade Lisboa-Vigo en 2032. Alfonso Rueda pídelle ao Goberno central o mesmo prazo nas obras da saída sur de Vigo cara o país veciño.Tamén sobre os trens, neste caso os Avril, o secretario de Estado de Transportes réstalle importancia as incidencias que se rexistraron nas primeiras viaxes dos trens Avril entre Galicia e Madrid. Considera que foron problemas puntuais