O presidente da Deputación Luís Menor foi o último responsable político que se pronunciou onte sobre a moción de censura que a oposición ó alcalde Pérez Jácome debe organizar para abrir unha nova etapa no concello. Menor, como xa adiantara o seu grupo, asegurou que unha abstención en caso de que socialistas e nacionalistas se unan para gobernar Ourense, non é posible. E hoxe o grupo ourensán Los Suaves reciben o Premio Honorífico dos XIII Premios Martín Códax da Música. O xurado recoñeceu ademáis da súa dimensión artística o seu impacto cultural, social e emocional na historia recente da música galega. E no noso tempo de entrevista ¡falamos hoxe coas alumnas do Instituto de Verín Taboada Chivite que gañaron a finais de abril o certame científico CinVigo na categoría de bacharelato e que hoxe xa ven o seu proxecto aplicado ao terreo grazas ao apoio e patrocinio do concello. 

Avanza a tramitación parlamentaria para o traspaso da AP-9 a Galicia. O preacordo asinado polo PSOE, Sumar e o BNG irá á Comisión de Transportes malia a oposición hoxe de PP e VOX.

E nos deportes escoitaremos a Iago Aspas, convencido de que a que vén será a súa derradeira temporada como xogador.

Noticias de Galicia en Radio Nacional y Radio 5 de Rtve

O Partido Popular denuncia que os orzamentos non cumpren coa legalidade porque non teñen os informes preceptivos fundamentais, como o informe de intervención que garante a súa solvencia.

Outra denuncia é a da organización Alternativas na Xustiza que asegura que ca implantación do novo sistema organizativo, o servizo común de tramitación penal veu minguado o seu persoal en máis do 50%. 

E no tempo da entrevista falamos hoxe co director da Escola e Real Bandas de Gaitas de Ourense, Xosé Luís Foxo, sobre as coplas de cego, a forma de informarse cando non había radio nin prensa escrita, cando ler e escribir estaba reservado para unha minoría.