Noticias de Coruña - Novas de Coruña en Radio 5

Hoxe a actualidade da provincia pasa pola cidade de Ourense. No concello hai pleno para votar o proxecto de orzamento para este ano 2026. Son case 128 millóns de euros. O proxecto do goberno local chega á votación co único visto favorable de Democracia Ourensana. Socialistas e nacionalistas votarán en contra e no ar queda saber qué voto emitirán os populares que na comisión de pleno do luns abstivéronse.

O PSdeG-PSOE celebra hoxe, en Allariz, unha nova edición da súa xuntaza anual. Alí estarán reunirá militantes, cargos orgánicos e representantes institucionais chegados de toda a provincia. O acto conta coa presenza do voceiro do PSOE no Congreso dos Deputados, Patxi López.

E os empregados de Iberdrola en Galicia están convocados mañá sábado, pola CiG e pola central vasca ELA, a unha nova movilización no Barco de Valdeorras para defender o mantemento do seus postos de traballo en Galicia e loitar por unha subida salarial ligada ó IPC. 

O plan da Xunta pra axudar o colectivo de maariscadores de Noia non convence ós profeisonais. Menos dunha cuarta parte deles aceptan as condicións pra traballar na recuperación da ría.

O BNG desde Marín acusou á Xunta dunha xestión que está a acabar cunha actividade estratéxica galega.

Hoxe última xornada de paro dos médicos que volverán a repetir a protesta en xuño. E, neste ámbito, este mércores os veciños dos concellos da montaña, denunciaron ante a Xunta en Lugo o deterioro da atención sanitria.

Deportes. Iago Aspas estará un ano máis en activo e hoxe terceiro partido da eliminatoria entre o Basket Coruña e o Menorca. Se gañan os coruñeses estarán na final a catro polo ascenso á ACB

O tempo. Algo máis de inestabilidade, non se descarta algún chuvasco treboento contra a noite. Pero con temperaturas aínda máis altas. practicamente por riba dos 30 graos en toda a comunidade

A Garda Civil detivo o home buscado por violar unha orde de afastamento dun caso de violencia de xénero. Conseguiu romper a pulseira electrónica de vixilancia e tentou agredir con un coitelo á súa ex-parella na súa casa, á que xa agredira previamente, e pola que acababa de cumprir condena.

Ademais, en Brión, o concello convocou para mañá un minuto de silencio e dous días de loito polo falecemento dunha nena de dous anos que foi esquecida no coche polo seu pai.

Noticias de Galicia en Radio Nacional y Radio 5 de Rtve

Magazine de Galicia presentado por Andrea Oca