null

María Pan, número dous de Unión por Cambre e concelleira de economía, é a opción do partido para suceder a García Patiño na alcaldía. Mañá será elixida, previsiblemente, en pleno extraordinario.-Acordo entre o concello de Santiago, a Xunta e a deputación pra por en marcha o parque comarcal de bombeiros. Un proxecto que, lembramos, leva vinte anos bloqueado  -A familia de Gregory Funcal recorrerá ao Tribunal SUperior de Xustiza da Galicia a sentenza coñecida a pasada tarde polo apuñalamento mortal do mozo en Santiago en xaneiro de 2023. -As marcas de Inditex, facturaron case 36 mil millóns de euros, que é un 10 por cento máis de vendas, durante o último ano fiscal. Á once e media darán conta de todo os resultados

O Tribunal Superior frea un novo parque eólico. Adopta medidas cautelares ante o posible impacto dun proxecto previsto entre os concellos coruñeses da Baña e Negreira.Pedro Sánchez non aportou ningunha novidade sobre a chegada dos tres Avril a Galicia.. preguntado pola nacionalista Carme da Silva si recoñeceu o déficit ferroviario que padece Galicia. E Besteiro xa fixo oficial a súa candidatura a liderar o PSdeG agora falta saber se terá rival e haberá primarias. Maña remata o prazo para rexistrar as precandidaturas.Deportes. Acabou a etapa de Benitez no Celta. Asinara por tres anos e non durou máis de 8 meses. O seu substituto será o técnico do filial Claudio Giráldez

null

Os socialistas galegos comezan a súa etapa de transición. José Ramón Gómez Besteiro, candidato nas pasadas eleccións, xa rexistrou a súa candidatura para ser o novo secretario xeral do partido. Conta co respaldo da dirección e, de momento, non ten rival no proceso de primarias.Todo nunha tarde na que os atrasos na chegada a Galicia dos trens Avril ocuparon parte da sesión de control ó goberno no Senado. Preguntado por prazos concretos, Pedro Sánchez non ofreceu unha data.E continúa en Pontevedra o xuízo a José Eirín como presunto culpable de matar a Jéssica Méndez en Barro no 2022. A familia da vítima declarou que o home estaba obsesionado con ela e que a mantiña vixiada.Nos deportes, confirmouse unha noticia que moitos xa presaxiaban: Rafa Benítez xa non é adestrador do Celta de Vigo. Ocupa o seu cargo Claudio Giráldez, ata o de agora responsable do filial celeste.

Falta menos dunha semana pra que se constitúa o novo parlamento saído das urnas, e o partido socialista pide que se dé espazo á pluralidade na composición da mesa, o órgano reitor da cámara. Hai dous postos pra oposición, pero dada a disparidade de forzas entre BNG e PSOE, poderían recaer ambos nos nacionalistas. José Manuel Gómez Besteiro cre que o máis edificante sería que lles cederan un dos postos ós socialistas... Dicíao tras formalizar esta mañá a súa pre-candidatura como aspirante a secretario xeral dos socialistas galegos. Aínda poden presentarse outras candidaturas ata o xoves.

null

null

null

null