Galicia Informativos

As novas da provincia de Ourense presentadas por Marta Landeira e Carlos Cerecedo

Os plans europeos para vedar a pesca de fondo en todas as áreas protexidas de aquí a 2030 non convencen nin ó goberno español nin á Xunta e tampouco ó sector. As confrarías galegas acusan ó comisario europeo de Pesca de conseguir xusto ó contrario do que buscan. Din que, no lugar de máis sustentabilidade ambiental, o peche dalgúns caladoiros á pesca de fondo só trouxo maior gasto de combustible dos barcos. Iso sen contar as perdas económicas. Miramos hoxe de novo a Tui. Xa hai unha persoa detida, unha muller, pola queima de máis de vinte coches en pleno centro da cidade. A principal hipótese que se baralla é a de disputas familiares, non se descarta algún problema de saúde mental.

Boa tarde. Estamos pendentes de Bruxelas, onde os ministros de agricultura e Pesca están a estudar a eliminación da pesca de arrastre nas áreas protexidas pro 2030. Tanto o ministro Luis Planas como a Federación Nacional de Confrarías están en contra desta proposta da comisión europea que se está a debater nunha xornada na que unha veciña de Tui foi detida como presunta responsable da queima de 21 coches que tivo lugar a pasada madrugada na localidade.

 

As novas da provincia de Ourense presentadas por Marta Landeira e Carlos Cerecedo

A partir do verán, o Sergas duplicará as prazas de hospitalización pra mozos con problemas psiquiátricos. O Hospital Álvaro Cunqueiro incorporará 6 novas habitacións de afectados por unha enfermidade mental grave, unhas patoloxías que se incrementaron coa pandemia. Os traballadores de GKN acordan contención salarial durante cinco anos. Empresa e persoal alcanzaron un acordo que permitirá á auxiliar da automoción acceder a un contrato de 10 anos coa multinacional Volkswagen O 24% dos rapaces menores de 15 anos son incompetentes en galego. Un estudo da Mesa pola Normalización Lingüística conclúe que hai un importante desequilibrio entre galego e castelán nos centros. E agrávase cos libros dixitais, que en moitas ocasións non existen na nosa lingua As forzas da orde buscan ó autor ou autores da queima dunha vintena de coches en TUI esta mañancina. Arderon en seis lugares diferentes de maneira simultánea. Rexistráronse danos nalgunhas casas pero non houbo que lamentar feridos. No tempo... nas vindeiras horas aumentará a nubosidade, e tamén as chuvias...

O presidente da deputación coruñesa estivo diante dos micrófonos de Radio Nacional. Valentín González Formoso insistiu en que a súa decisión de volver presentarse a alcaldía das Pontes ten moito que ver coa re industrialización non so do concello senón de toda Galicia. E, para sorpresa, apuntou que é posible prescindir das Deputacións, eso sí, con matices.

As novas da provincia de Ourense presentadas por Marta Landeira e Carlos Cerecedo