Galicia Informativos

As novas da provincia de Ourense presentadas por Marta Landeira e Carlos Cerecedo

A vacina contra o papiloma humano estréase no calendario dos nenos galegos. Os de 12 anos son os primeiros de España en recibir unha vacina que ata o de agora só formaba parte do historial médico das rapazas. Os pediatras levaban anos recomendándoa para evitar diferentes cancros que tamén afectan ós homes e porque, ademais, contribúe a reducir os casos de cancro de colo de útero que sofren as mulleres.

 

Resposta da Xunta ó concello da Coruña ante a petición de Inés Rey para que o goberno galego resolva a tramitación da Casa Cornide, en propiedade dos Franco, como Ben de Interese Cultural. A consellaría insiste: a protección é completa desde que se iniciou o procedemento polo que a rexedora non ten que esperar ó seu remate para reclamar a titularidade pública no xulgado. Os Franco veñen de poñer o palacete á venda nunha web inmobiliaria. A Xunta adianta un día a reunión do presidente Alfonso Rueda coa alcaldesa da Coruña ante a protesta de Inés Rey pola data inicial. A ANPA do instituto Cruz do Sar de Bergondo concentrarase ás nove e cuarto fronte ó concello en demanda de máis profesorado. Emprego esixirá o mantemento de todos os empregos do centro de atención de chamadas de Naturgy na Coruña, Teleperformance, tras deslocalizar o servizo a Colombia. Comeza na Coruña o festival Mar de Mares con exposicións, charlas e actividades pra limpar os fondos mariños.

As novas da provincia de Ourense presentadas por Marta Landeira e Carlos Cerecedo

O plan de reunións do presidente da Xunta cos alcaldes non é do agrado dalgúns rexedores. Non lles pareceu ben que lles dera un calendario pechado... e menos que as xuntanzas se vaian celebrar nas respectivas delegacións territoriais. O caso de Vigo é significativo... porque a delegd territorial que estará na reunión vai ser a candidata do PP a alcaldía. O alcalde Abel Caballero aínda non confirmou a súa asistencia. O tempo

xornada de transición ata quedar de novo baixo a influencia anticiclónica, pero aínda pode caer algún chuvasco.

O consello da Xunta vai aprobar mañá unha nova convocatoria do Bono Activa co que pretende axudar ó comercio. 17 millóns de euros que permitirán ás familias ter 30 euros de desconto para mercar en tendas locais. Así o anunciou esta mañá o Presidente da Xunta no Parlamento Galego onde tamén volveu saltar a apalestra a falta de médicos na sanidade Galega.

Como un "escandalo político" así cualifica o portavoz do goberno local de Vigo que Rueda cite a Abel Caballero na delegación da Xunta. Carlos López font considera que a convocatoria demostra que Alfonso Rueda non ten intención de solventar os problemas de Vigo. A alcaldesa de Ponteareas asegura que os servizos sanitarios no municipio están baixo mínimos para atender a unha poboación de 23 mil persoas. Cristina Fernández pediulle ó conselleiro que visite o municipio para comprobar o caos e a precariedade que se vive no Centro de saúde. Operación policial para desmantelar un grupo criminal dedicado ó roubo de arte sacro Hai varios detidos en Pontevedra e Ourense. Requisáronse antigüedades e imaxes relixiosas, que foron trasladadas á comandancia da Garda Civil. A factoría de Stellantis de Vigo insistirá ó goberno para conseguir unha liña de moi alta tensión para a fábrica de Balaídos. Nunha resposta no Senado, o executivo reitera que non se construirá esa conexión porque non se dan os umbrais mínimos de consumo. O tempo. Aínda van caer algúns chuvascos pero ó final do día xa se alonxará a borrasca que deixou fortes treboadas estes días.