Sauts tradiziunals ch'ins n'auda betg pli mintga di.

Oz preschentain nus in'ura musica populara cun allemandas, hoppers, polcas e mazurcas, sauts cun in ritmus ed ina tempra tut atgna. Quels eran pli baud fitg populars e part impurtanta dal repertori da mintga chapella populara. Ozendi vegnan els sunads main savens. Perquai udis «Il galopp Engiadinais», «Il Hopper a la veglia» e «l'Allemanda», interpretads dals Fränzlis da Tschlin, da la chapella Erni, la Husistein Musik e la chapella Tasna.