Entrepreneurin, Philanthropin, Influencerin, Podcasterin, Mamma, an nach vill méi verkierpert Tessy Antony de Nassau an enger Persoun. An dëser Episode leieren den Tom an de Philippe déi eemoleg Prinzessin kennen, seng Héichten an seng Déiften, seng zuelräich Projeten, seng Astellung zum Liewen an och säin super léiwen Bebe. Ganz oppen schwätzt hat iwwer seng Vergaangenheet beim Militär, de Grand-Duc, dei schwéiersten Zäit a sengem Liewen an doriwwer an firwat en sech als Fra ëmmer extra gutt muss beweisen an enger Gesellschaft, an der 3 Universitéitsdiplomer manner wichteg sinn, wei däin Privatliewen.

An dëser Episode hunn de Philippe an den Tom d‘Konkurrenz um Podcaststull setzen. Konkurrenz? Dei dréi eenegen sech drop, dass et éischter e mateneen ass, fir lëtzebuergesch Kultur ze pushen. Zesumme schwätzen si iwwer Rassismus, de Xavier Bettel an wat hien mam Cëss sengen Nëss ze dinn huet, de Berghain an doriwwer, wat fir si Lëtzebuerg ass. Si probéieren och ze klären, als wat si sech als Podcaster gesinn, Journalisten oder Entertainer - oder awer Idealisten? Schalt an, wann dei dräi d’Korken knalle loossen!

Et ass häerzzerbriechend... Den Zuercher Bal 2021 däerf net stattfannen. Mir hunn eis mat den Organisateuren am Grupetto getraff, fir sie ze froen, wéi et hinnen dowéinst geet, an wat dat fir den Studenteveräin an d'Zukunft vum Bal bedeit...

De Philippe an den Tom sinn nees do, an mat kengem anere Gaascht wei dem Bazooka Brooze, quasi e full circle moment! Vill huet sech geännert bei Gëlle Fro, awer och beim Brooze, zum Beispill säin Ëmgang mat Drogen. An dëser Episode geet et em d‘Legaliseieren vu Cannabis, dorems wat Amerika mat Lëtzebuerg ze dinn huet, de Brooze kritt e klengen 1x1 vum Tom, wat Kommunikatioun ugeet - an villäicht klappt et dann och gläich tëscht dem Brooze an Eldo Radio. Zesummen schwätzen si iwwer dem Brooze seng nei Lidder, seng Struggles, iwwert den Napoleonkomplex an vill méi wichteg - ob déi dréi sech nächst Joer iwwer Metaverse treffen an wéini dem Brooze säin Tiktok-Danz kennt.

Modelen oder Danzen? Dat ass eng schwéier Fro fir d'Claire. Amfong wollt hat Dänzerin ginn – dunn koum Corona, dofir bléiht awer lo seng Karriäre als Commercial Model op. An dëser Episode erkläert d'Claire Theisen eis den Ënnerscheed tëscht engem Commercial Model an engem Instagram Model an weist, wéi sech de Modelbusiness duerch Social Media verännert huet. An enger franséischer Agence gouf hat als Curvy Model ënner Vertrag geholl – do stellt sech d'Fro, op déi albekannt 'Modelmaßen' nach eng Roll spillen, an wat seet dat iwwerhaapt aus, e Curvy Model ze sinn? Ausserdeem zielt hat de Jongen, wéi hat mat Photoshop an onseriéisen Ufroen ëmgeet, äntwert awer och op 10 Froen, déi's du dech sécher net géifs trauen engem Model ze stëllen!

Be safe, drink with a nurse! Dat hunn de Philippe an den Tom sech och geduecht, wei se d'Anne-Marie Hanff – Präsidentin vun der ANIL – bei sech an de Gruppetto invitéiert hunn. An dëser Episode stellen déi dréi eis de Beruff vun dem/der Infirmièr(e) fir,– mee wisou grad dëse Beruff? Jidderee kennt de Klischee, nëmme Frae ginn Infirmière, et ass eng ondankbar Aarbecht, an Weekender schaffen? Klengt net attraktiv! Mee d'Anne-Marie beliicht de Beruff an dëser Episode vun enger anerer, méi schéiner Säit. Sou schwätzen si doriwwer, wat déi wichteg Saachen am Liewen sinn, wat esou wäertvoll un der Fleege ass a firwat et heiansdo grad op der Palliativstatioun am schéinsten ass. D'HeldInnen an der Corona-Kris? Dass dat net ganz esou stëmmt, doriwwer schwätzen se och, mee och wat sech am Beruff an un sengem Image ännere muss.

Kim Heart, Zoe Muse, Kimberly Muse? Dat ass déi grouss Fro, déi muss gekläert ginn! Sech selbststänneg maachen, war schonn ëmmer den Dram vum Kimberly, an huet domat schonn eppes gemeinsam mam Philippe an mam Tom. Ugefaangen huet hat mat Schmuck, ass dunn awer op Kleeder gewiesselt. Seng Visioun mat Zoe Muse war et, eng nohalteg Kleedermark ze erschaffen, déi méiglechst minimalistesch ass. An dëser Episode zielt hat, wei hat zur Moud komm ass, wei Success Story him gehollef huet, an firwat hat well ophalen mat senger Kleedermark. Am Gruppetto zielt hat de Jongen, dass et heiansdo wichteg ass, sech net un sengen Visiounen festzebäissen an och heiansdo Alternativen ze gesinn, mee och wei eng Tipps hat jonken Leit well mat ginn, déi sech och wëllen selbststänneg maachen. Dass hat huet missen op den haarde Wee feststellen, dass en immens muss oppassen, wat en op Social Media post, ass nach eppes, wat et mat de Jongen gemeinsam huet. Mee aus senge Feeler kann e jo bekanntlech léieren!

Heiansdo ass d'Liewen bëssen gerëffelt! Dat fënnt op alle Fall mol den Isaiah Wilson – Dänzer, Choreo- an Videograph. Als Kand huet den Isaiah sech fir Danzen entscheet, an domadder géint de Basket – géint den Trend vu senger Famill. Sou erkläert hien dem Tom an dem Philippe am Podcast, dass hien ni opgehalen huet mat danzen, an dass doran schlussendlech den Ënnerscheed léit. Am Gruppetto zielt hien de Jongen, wéi hien sech vun Jugementer léisst, iwwert seng vergaangen an zukünfteg Projeten, iwwert säin Studium an e verréit op säin Gewënn bei 'Wann s de eppes kanns' wierklech de Kick-off vu senger Danz-Karriäre war – wou en, ganz bäileefeg gesot, géint dem Philippe säi Cousin gewonnen huet. Mam Isaiah hunn déi zwee Hosts e Personnage fonnt, den Kënschtler duerch an duerch ass, an och wann hien hei zu Lëtzebuerg nach ganz um Ufank vu senger Karriäre steet, héiert der sécher net vir d'Läscht vun em!

"Nicole du bass wei eng Fläsch Rosport Spruddel." – Wat et sech domadder op sech huet, gi der an dëser Episode vu Gëlle Fro gewuer. Mam Nicool sëtzt déi éischt lëtzebuergesch Rapperin um Podcaststull am Grupetto. Mat de Jongen schwätzt hat doriwwer, wéi hat sech als Fra an der Lëtzebuerger Rapindustrie afüügt, dass hat déi grouss Chance huet vill Concerten kënnen ze spillen an wéi sech heiansdo grad dowéinst den 'Impostor Syndrome' ageschlach huet. Nicool freet sech no 8 Méint rëm kënnen op der Bün ze stoen, erkläert awer och wéi säin Wee op d'Bün ausgesinn huet, an wéi hat sein kreativen Circle opgebaut huet. An engem lockeren Gespréich schwätzen déi dräi iwwert Feminismus, iwwert Playback, de Läbbel an iwwert Zukunft vun der lëtzebuerger Sprooch. Zu gudder Läscht bleift nëmmen nach ze beäntweren, op de Philippe oder d'Nicool d'Rapszen besser kënnen – et bleift spannend.

Wat gëtt et Besseres fir zwee Podcasthosts, wéi e Podcast mat engem Podcasthost? Dofir hunn den Tom an de Philippe mam Yaya Schuhmacher des Woch eng Hallschent vum 'Paus Podcast' invitéiert. Fir dass awer déi besser Hallschent vum Yaya net vergiess gëtt, ruffen déi zwee och dem Jill un,– an schonn ass eng Kooperatioun tëscht deenen zwee Podcasts gebongt. An dëser Episode vu Gëlle Fro schwätzt de Yaya, den Art Director an Grafiker beim Tageblatt ass, iwwert seng Erfarung mat Mobbing, Homophobie an The Voice. Och zielt hien, wéi hien blöden Commentairen an sengem Alldag Konter gëtt, dass Lëtzebuerg nach laang net sou oppen ass, wéi en sech dat wënscht, an wéi hien mat senger Social Media Presenz aner jonk Léit inspiréiert, einfach sech selwer ze sinn an domadder Visibilitéit schafft,– d'Fear of judgement hält eis vill ze vill zréck, eis ze trauen an eis ze weisen. Donieft ginn mer och dem Yaya seng Meenung iwwert den Tom an de Philippe gewuer an natierlech och zu der GNTM-Final. An Yaya, wat häls de iwwerhaapt vum Xavier Bettel mat Drei-Tage-Bart?