Wéini ass d’Corona Pandemie endlech eriwwer? Wat kann een géint Verschwierungstheoretiker maachen? Ass d’Impfung geféierlech? Dat sinn Froen di den Philippe an Tom hirem Gaascht des Woch stellen. Dëse ass nämlech hiren eichen richtegen Dokter op Gelle Fro, an keen gerengeren wéi den prominentsten Virologe zu Lëtzebuerg: Den Dr. Gérard Schockmel. Dësen erzielt eis, dass et eigentlech eng vill méi bëlleg, an genau sou sécher Methode gëtt fir eis géint Corona ze impfen, mais well d’Pharma-Industrie des net patentéieren kann, an dowéinst net sou vill Suen maachen kann, gëtt se einfach falen gelooss. Donieft verzielt den Dr. Schockmel, dass Studien ganz heefeg manipuléiert ginn – vun Politik oder/an Lobby’en vun groussen Industrien, wie beispillsweis der Pëtrol Industrie, an erkläert wisou an wéi dat gemaach gëtt. D’Episode ass eng Stonn voller spannender Gedankenustéiss, déi keen verpassen soll, deen sech fir eis Gesellschaft, Gesondheet oder Zukunft interesséiert. An en plus kann den Gewënner vun dëser „Gelle Fro“ mat enger +1 eemol op de Gelle Fro Podcast kommen, eng Episode live nokucken an hannert d’Kulissen gesinn.

Haut als Gaascht op der Gelle Fro hunn den Philippe an den Tom den Joé Dennenwald. Déi eng kennen en als Joé Mores aus Capitani, déi aner als Pit Pol Witzeg vun Duck Féiss – egal vun wou een en kennt eppes ass kloer: Den Joé verkierpert lëtzebuergeschen Entertainment.

Dës Woch ass den Alain Welter, de Moler vu Koler, am Gruppetto zu Besuch. Am Podcast mëscht hien Reklamm fir säin néit Buch, wat en duerch Crowd-Funding konnt realiséieren. Den Alain huet zu Hollerech ugefaangen ze sprayen an ass mëttlerweil zum Mural Artist an Illustrator ginn. T'Mëschung aus Graffiti an klassescher Typographie mëscht de Kënschtler eenzegaarteg an seng Konschtwierker kréien doduerch och hiren 'Erëmerkennungswäert', egal ob zu Koler, Freiburg, Hamburg oder am Cap Verd. Bekannt ginn ass en duerch säin Bachelorprojekt "Make Koler Kooler", wat em erméiglecht huet, ënnert anerem déi fënnef Killtierm zu Déifferdeng ze besprayen. Am Podcast zielt hien, wéi et zu dem faarwege Projet komm ass an wéi eng Hürden hien misst iwwerwannen. An dëser Episode dréit den Alain eng Kéier de Spiis em, an stëllt dem Tom an dem Philippe Froen – déi, ouni lo ze vill ze verroden, ëmmer méi spicy ginn. Awer och eis Jongen hunn sech rëm e puer Spiller ausgeduecht – wien dat bescht Mooltalent vun deenen dräi huet an op Elefanten amfong sprangen kënnen, dat gi der an der aktueller Episode vu 'Gëlle Fro' gewuer.

An dëser Episode hunn den Tom an de Philippe de Jeff Schreiner an den Gruppetto invitéiert, – hien ass awer net eleng komm. Mam Barti an enger léiwer Schlaang am Schlepptau schwätzen déi dräi iwwert dem Jeff säin Studium a Werdegang zum Déierendokter. Den Reptilien-Liibhaber huet am Moment e Bestand vun 30 exoteschen Déieren doheem an huet sech quasi en 'Terrariumzëmmer mat Bett' erschaf. Op dem wuel exoteschsten Set dat Gëlle Fro bis elo hat, zielt hien vu senge Reesen, wéi eng Déieren hien schonn behandelt huet an dass Schimpansen guer net esou léif sinn, wéi en mengt! Den Tom wär net den Tom, wann en sech net e Spill iwwerluecht hätt – wien den onbesigbaren Gladiator am Déierenräich ass, dat gi der an dëser Episode gewuer. Villäicht den Happy Hippo? Mee och méi serieux Téin ginn ugeschloe. De Jeff zielt, dass Zoo net gläich Zoo ass, firwat en en Zirkus mat Déieren net soll ënnerstëtzen an dass Sea World South Afrika probéiert säin Ruff ze verbesseren. De Jeff, den och an verschiddenen Schluechthaiser konnt eraluussen, zielt dass et do alles anescht wéi human zougeet an dass e bewossten Fleeschkonsum de besseren Wee wär. Fir awer rëm op eng méi locker Stëmmung ze kommen, péckt de Jeff och seng Kinnegspython aus. Wärend den Tom seng Faszinatioun zum Déier entdeckt, ass den Philippe éischter skeptesch an taascht sech léiwer un de Barti erun. Wien och eng Kéier wëll mam Jeff senger Schlaang spillen, brauch nëmmen richteg op seng 'Gëlle Fro' ze äntweren!

An dëser Episode vu Gëlle Fro hunn de Philippe an den Tom d'Marie vu Mokuchsdag bei sech an de Gruppetto invitéiert. Mat Mokuchsdag huet d'Marie eng Plattform gegrënnt, op der en sech kann op lëtzebuergesch iwwert psychesch Gesondheetsproblemer informéieren an austauschen. Mat enger mentaler Krankheet fillt en sech oft eleng an iwwerwältegt – genau dem well hat entgéint wierken an den Diskurs iwwert mental Krankheeten an eiser Gesellschaft normaliséieren an den Tabu briechen. Hat selwer hat eng Depressioun an eng Iessstéierung, lo wëll et doriwwer schwätzen zesummen mat aneren Leit, deenen et esou geet wéi him. Wei wichteg et ass sech selwer zu enger Prioritéit ze maachen, betount d'Marie an kritiséiert och, dass mir als Gesellschaft ze vill Wäert dorop leeën wat anerer denken. Sinn mer net all nëmmen Afen, eng kleng Ameis op dëser Äert, – heiansdo duerf en sech einfach net ze serieux huelen an einfach maachen, sech trauen. An engem interessanten an éierleche Gespréich schwätzen déi dräi iwwer hier perséinlech Erfarungen, doriwwer wéi den Tom an den Philippe mat Kritik ëmginn an wat si fir hier mental Gesondheet maachen. Fir wei eng dräi Saachen si dankbar sinn, gi der an dëser Episode gewuer, – an mir kënnen all dankbar sinn, fir dat wat d'Marie mëscht. An och hei sief nach eng Kéier gesot: siicht iech Hëllef, schwätzt mat ären Frënn, mat ärer Famill oder engem Psycholog! Méi Infoen fann der ënnert https://www.slp.lu/ oder op Mokuchsdag op Instagram.

Dess Woch um Podcast: den Flavio Ginotte mat deem fousten Equipement wat den Philippe an Tom bis elo um Set haten. Den 5-fachen Landesmeeschter erkläert wisou Fechten eng Randsportart ass, mais och wisou et sou eng spannend Sportaart ass. No den Basics vum Fechten an wéi d‘Sportart funktionéiert, zielt den Flavio wéi hien et als beschten am Land fäerdeg bréngt sech ëmmer nees selwer ze motivéieren an weiderzemaachen. Dass hien Top 70 op der Weltranglëscht ass, geet dem Flavio nach laang net duer – hien viséiert méi un, fir ëmmer an der Motivatioun ze bleiwen. Mais gläichzäiteg muss hien gestoen, dass dat een frësst ëmmer 200 % ze ginn. An wien versprécht dir dass de deng Ziler areechs? Mais hien well dohin kommen, wou nach ni een war. Wisou soll hien net deen sinn deen eppes onméigleches areecht? Mat där Mentalitéit huet hien ënner anerem scho géint den Olympiameeschter gewonnen. Den Flavio gëtt engem mat op den Wee, dass et och als klengen Lëtzebuerger, méiglech ass alles ze areechen wat een sech virhëlt.

Debbie Kirsch steet fir Women Empowerment an Sustainable Fashion an stellt an dëser Episode seng Kleedermark Devï vir. Mat der Intentioun nohalteg Projeten ze plangen an ze ënnerstëtzen ass hat 2018 an Indien gereest fir mat Saheli Women zesummenzeschaffen. Saheli Women gëtt indesche Fraen, déi rejetéiert goufen aus hirer Societéit oder an enger niddreger Kast gebuer goufen, d'Méiglechkeet ze schafen. Debbie huet mat hinnen zesummen seng eege Kleedermark gegrënnt, déi op Sustainability baséiert an de Fraen d'Chance gëtt d'Kleedungsstécker och matzedesignen. Dem Debbie seng deeglech Motivatioun ass et ze wëssen, dass hat mat senger Brand op eng Aart a Weis déi indesch Kultur opbrëscht an de Fraen d'Méiglechkeet gëtt, an enger patriarchalescher Gesellschaft opzebléien. Déi dréi schwätzen awer net nëmmen iwwert dem Debbie säin Pop-Up Store (den iwwregens 6 Méint ophuet) mee och iwwer female entrepreneurship, fast fashion, den Afloss vu Sociale Media op eist Konsumverhaalen an villes méi! Debbie betount, wéi wichteg et ass, bewosst ze konsomméieren, am Moment ze liewen an sech op essentiell Saachen am Liewen zreckzegesënnen an och dass Räichtum net ëmmer de Montant um Kontestand bedeit. An dëser Episode ginn mer och e bëssen méi vum Tom a vum Philippe gewuer an hier Gedanken zu der Schnelllierwegkeet vun eiser Gesellschaft. Wéi oft en an enger Episode 'gäil' soen kann, stellt den Tom haut ënner Beweis – villäicht huet jo ee matgezielt.

Dës Woch hunn de Philippe an den Tom de lëtzebuerger James Charles bei sech op Besuch. Den Luca de Michele ass leidenschaftleche Make-up-Artist an huet och seng eege Make-up-Linn. Wéi et dozou komm ass, an wéi hien et bis op Berliner Fashion Week gepackt huet, zielt hien deenen zwee an dëser Episode. Als Mann ass hien an senger Jugend ni mat Make-up an Verbindung komm, réischt bei senger Ausbildung zum Coiffeur, gouf hien an dat kaalt Waasser gehäit an huet seng éischt Pinselstrëcher missen maachen. An engem interessanten an lëschtege Gespréich erzielt de Luca, wéi d'Ausbildung zu MUA ausgesäit, firwat hien géint Déierentester ass, dass hien sech selwer net schminke kann an wéi en Impakt t'Coronakriis op säin Business huet. Hien verréit awer och déi gréisste Make-up Feeler an Trends an mir mierken, den Tom kennt sech aus! An btw, Philippe, wat ass iwwerhaapt en Chignon? Well de Philippe jo scho fir den RTL geschminkt ginn ass, duerf haut dem Tom säin Gesiicht duerhalen an kann direkt dem Luca seng Skills austesten. Lëtzebuerger James Charles? Wuel eischter Nr. 1 Make-up Artist hei zu Lëtzebuerg – an dat ass dach vill méi wäert.

No zwou Wochen Paus, starten den Philippe an den Tom mam Turnup Tun an déi néi Season. An dëser Episode steet net nëmmen den Tun selwer am Fokus mee och aner lëtzebuerger Rapper, ënner aneren den Bazooka Brooze. Do huet wuel en an e Beiennascht gepickt - No hirer Zesummenaarbecht huet den Brooze den Tun lenks léien gelooss, obwuel en zesummen méi erreechen kéint. Nodeems den Tun den neisten Tea gespilled huet, kënnen mer eis hoffentlech op en Disstrack freeën. Mee net nëmmen Beef steet am Fokus vun dëser Episode, och dem Tun säin Prozess vun FCK LXB, iwwer Meenungsfräiheet zu Lëtzebuerg an doriwwer, wéi och hei am Land Clickbaiting vun deenen groussen Senderen bedriwwen gëtt - wien hätt domadden gerechent, dass den Tun sech iwwert Journalismus ausléisst!? Well den Tun natierlech den Guru ass, wat Eldoradio an lëtzebuerger Musik ugeet, gouf natierlech och iwwert den Problem geschwat. Dass och mir hei Talenter hunn, déi dem Ausland an näischt nostinn, dat ass selbsterklärend, dofir sollen och eis Kënschtler um Radio lafen - wat lues a lues och geschitt. Lëtzebuerger Musek  mëscht keen Halt un de Grenzen mee kann och international goen. An hunn mir dat richteg héieren - dem Tun säin Papp ass an der Grand-Duchesse hier DM's geslided?!

Et ass esou wäit: Den zweeten Deel mam Skobe ass do!