Mam Carlos Salomon hunn den Philippe an Tom den éischten Stand-Up Comedian um Podcast. Dësen erkläert hinnen wei en zum Stand-Up komm ass, wien seng Inspiratiounen sinn an wei hien eegen Shows organiséiert. Des Weideren erzielt hien den Jongen wat Stand-Up Comedy him bäibruecht huet - z.B soll een generell d'Liewen méi mat Selbsthumor liewen, well dëst extrem "empowering" ass. Vue dass den Carlos sech mat Witzer auskennt, hunn den Philippe an Tom him dunn allen 2 een Witz erzielt fir rauszefannen wien méi witzeg ass. Méi serieux ass et dunn ginn wou déi 3 driwwer geschwat hunn, ob et Grenzen an der Comedy ginn, an wat een op d'Schëpp huelen däerf an wat net.

Hunn den Tom an den Philippe an dëser Episod endlech d'Léisung fir den Schoulsystem zu Lëtzebuerg fonnt? Den Eric Nosbuch erzielt hinnen wei hien am Lycée Ermesinde, déi éischt Beréierung mam DJ'en hat. Aus enger schoulescher Aktivitéit ass eng Leidenschaft ginn, déi den DJ Nosi eng Kéier wëll zum Beruff maachen. Mat sengem éischten Lidd 'Schëdden' an sengen Optrëtter am M, huet hien den éischten Schrëtt an dës Richtung gemaach. An engem interessanten Gespréich, schwätzen déi dréi iwwert den Beruff vum DJ an doriwwer firwat lëtzebuerger Lidder sollen um Radio gespillt sollen ginn. Mee och méi serieux Téin ginn an dëser Episode ugeschloe. Virun knapp engem Joer krut den Eric seng Kriibsdiagnose. Seng Mentalitéit an säin Wëllen fir säin Liewen ze kämpfen, hunn him schlussendlech gehollef, géint de Kriibs ze gewannen. Mat sengen emotionalen an inspiréierenden Wierder packt hien et, eis aktuell Situatioun an Perspektiv ze sëtzen. Gesondheet ass alles, an mat senger nei gewonnener Gesondheet, huet den Eric erkannt, wat him wierklech wichteg ass am Liewen.

"Baue wie ein Architekt, trainiere wie ein Champion, kleide und verhalte dich wie ein Gentleman." Sou dem Pascal Zimmer seng Wieder, déi wuel bei den bäschtgekleedsten Gaascht, den déi zwee Jongen vun 'Gëlle Fro' bei sech am Gruppetto setzen hunn, passen, wéi d'Fauscht op d'Aen. Säit iwwer 30 Joer ass den Pascal Entrepreneur an huet domadder seng Passioun zum Beruff gemaach. No senger éischter klenger Indépendance bei engem Opel-Händler, ass hien am Bau-Secteur gelant, huet eegen Kleedergeschäfter domat hält et nach net op.

Den Tom an de Philippe, déi selwer um Entrepreneuriat interesséiert sinn, spëtzen d'Oueren, wann de Pascal dovun zielt, wéi eng Eegenschaften en brauch fir sech Selbstänneg ze maachen, wéi en Personal astellt a wéi eng Feeler en vermeiden soll. Maachen Suen wierklech glécklech oder sinn se nëmmen Mëttel zum Zweck an sinn Famill an Business mateneen ze handelen? An engem interessanten Gespréich, stëllt de Pascal eng Welt fir, déi Lëtzebuerg nach gréisstendeels friem ass. Dass en net soll fäerten an net ëmmer soll den sécheren Wee goen, dat kënnen mer all aus dëser Episode mathuelen.

Wéi kann en an engem räichen Land wéi Lëtzebuerg Aarmut bekämpfen? Dat ass net nëmmen dem Alexandra Oxacelay seng 'Gëlle Fro' mee och eng, déi den Philippe an den Tom sech gestallt hunn. D'Stëmm vun der Strooss gouf am Joer 1996 gegrënnt, 1998 huet d'Alexandra ugefaangen do ze schaffen, fir d'éischt als Journalistin, fir d'Zeitung erauszebréngen, dann als Directrice – an ass säit dem bliwwen. Mat Leidenschaft an groussem Häerz sëtzt hat sech fir d'Sans Abrisen hei zu Lëtzebuerg an, eng Thematik fir déi hat brennt, an déi hat dem Tom an dem Philippe wëll méi no bréngen. De Wee op d'Strooss ass e kuerzen. Wéi vill Réckschléi kann en Mënsch verdroen, bis en op der Strooss lant? Firwat geet en fräiwëlleg an den Prisong schlofen? Wéi fënnt en de Wee zeréck d'Gesellschaft an an d'Aarbechtswelt? Wat kann en als Bierger maachen fir ze hëllefen oder als Entreprise? All dës Froen an nach vill méi, probéiert d'Alexandra an engem interessanten Gespréich ze beäntweren an probéiert mat e puer Virurteeler géint Obdachloser ze briechen. Wat muss geännert ginn an eiser Gesellschaft, dass muss iwwert de Problem geschwat ginn, dat betount hat an dëser Episode. Jiddereen kann eppes bäidroen fir ze hëllefen, an wann et nëmmen ass, engem Obdachlosen en Laachen ze schenken, amplaz Ewech ze kucken.

Ween rappt am schnellsten am Land? Dat hunn den Philippe an den Tom sech och gefrot an den Maz an den Gruppetto invitéiert an en direkt mol seng Rap-Skills ënner Beweis stellen gelooss. Nodeems hien Godzilla Challenge gemeeschtert huet, schwätzen déi dräi iwwert déi lëtzebuerger Musekszeen an generell iwwert d'Rapindustrie. Well hien gelangweilt ass vum Mainstream Rap - dësen ass him ze monoton an vermëttelt keng Emotiounen - well hien sech dovun ofhiewen an säin eegenen Stil etabléieren. Seng Leidenschaft zum Metall well hien an Zukunft mam Rap verbannen - rappen wéi den Eminem an screamen wei en Metalhead, dat kombinéiert de Maz an senger Musek. Hien erkläert dem Tom an dem Philippe, dass screamen net nëmmen Gebrëlls ass, mee dass virun allem Emotiounen hannendrun stiechen. Dass net jiddereen screamen kann, muss de Philippe sech finalement agestoen. Mee vill méi wichteg - wéi gutt kennt de Maz seng eegen Lyrics an wat soen dës aus?!

Mat 10 Joer krut den Philippe Ernzer seng éischt Wiederstatioun vun sengen Elteren geschenkt, doraus ass Météo Boulaide ginn - an domadder wuel déi genausten Wiederprognosen fir Lëtzebuerg entstaanen. D'Wieder ass dem Philippe seng gréissten Leidenschaft an den stereotyppen Smalltalk iwwert Wieder, gehéiert wuel zu sengem Alldag. Säin Duerchbroch hat hien den 6. Juli 2014, wei hien als eenzegen virun engem schlëmmen Donnerwieder iwwer Ettelbréck gewarnt huet. Dëst koum - an domadder och ëmmer méi Likes an Follower op Facebook, sou dass de Philippe deelweis méi Likes hat, wei den Xavier Bettel. Firwat seng Prognosen méi genau sinn, wei déi vun den ëffentlechen Servicer an firwat och "eng Tornado" zu Lëtzebuerg rëm méiglech ass, doriwwer schwätzt hien mam Philippe an mam Tom, déi an dëser Episode en Mikro deelen mussen. Dass net jiddereen engem kann den Erfolleg gënnen, huet de Philippe zemools an der Schoul gemierkt. Vill Proffen hunn him Steng an de Wee geluecht, seng Passioun klenggeried an hien net serieux geholl. Iwwert seng negativ Erfarungen an der Schoul, seng Visiounen fir säin Business "Ernzer Media", iwwert den Klimawandel an villes méi, gëtt an dëser Episode vun Gëlle Fro geschwat. Mee déi aller wichtegst Fro stellt sech natierlech och, wéini schléift den Philippe iwwerhaapt?!

Dëse Samschden hunn den Philippe an den Tom den Jeremy Palluce, den och nach ënnert sengem Kënschtlernumm 'Skobe' bekannt ass, an den Gruppetto invitéiert. Wärend sengem Bachelorstudium an Freier Konscht huet hien sech dozou decidéiert seng eegen Kleedermark 'Palazzoparano' rausbréngen. An der Konscht an an der Moud huet den Skobe seng Passioun fonnt an ass rausgebrach aus der 'Comfort-Zone' Lëtzebuerg. An senger Konscht soll et net em Suen goen, och net em den Hype, mee se soll e Spigel vun him selwer sinn, vun senger Vergaangenheet, senger Famill, sengem Entourage mee och vun senger Zukunft. Awer och probéiert hien gesellschaftskritesch Projeten ze maachen, wéi säin Projet 'White Privileged Straight Man' oder säin Projet 'Nominative Individualism', mat dem hien duerch en wäissen T-Shirt d’Wichtegkeet vun Individualismus an enger uniforméierter Welt betount. Säin aktuellt Zil ass et, am Mudam ausstellen ze kënnen – op den Tom mat senger Virausso fir 2022 Recht behalen soll,- dat gesinn mer hoffentlech dann.

Cryptocurrency? Säit der Coronakris huet sech de Wäert vu Bitcoin vervéierfacht. Keng aner Anlag huet sech sou attraktiv entwéckelt wéi de Bitcoin an doduerch wiisst och den Interessi un der Digitalwärung. Mee lount et sech dran ze investéieren an wat ass iwwerhaapt e Bitcoin? De Scott Kirsch – selwer ernannten Trading Lord – erkläert dem Tom an dem Philippe, wéi t’Welt vu Cryptocurrencies ausgesäit, wéini hien déi éischte Kéier dovun héieren huet, wéi hien sech alles selwer bäibruecht huet, wat en iwwert Bitcoins wësse muss. An der néier Episode vu ‘Gëlle Fro’ zielt de Scott vu privaten a professionellen Réckschléi a gëtt wichteg Rotschléi fir d'Liewen mat op den Wee.

Ween sech un eng Low Carb Diät well halen, soll natierlech och op Béier verzichten – en Virsaz un den sech de Pierre Beck net halen wollt. Dofir huet hien säin eegene Béier kreéiert, den net nëmmen manner Zocker mee och manner Kalorien huet. Mat senger Fra huet hien t’Start Up ‚Fox Beer‘ gegrënnt, déi entretemps zu ‚Fox Drinks‘ ginn ass. An dëser Episode vu ‚Gëlle Fro‘ erzielt de Pierre, wéi seng Iddi zum fäerdege Produit ginn ass, wéi eng Hürden hien huet missen iwwerwannen an wéi et ass, mat sengem Partner eng Firma ze grënnen. Iwwert engem kale Béier ginn den Tom an de Philippe gewuer, wéi t’Pläng fir t’Zukunft vu 'Fox Drinks' ausgesinn, wéi et trotz Corona soll weider goen an, dass geschwënn den Release vun engem néien Produit usteet. Zu gudder Läscht gëllt nëmmen erauszefannen, wéi vill Zocker huet eigentlech Low Carb Béier vu Fox Beer?

An dëser Folge vu 'Gëlle Fro' hunn de Philippe an den Tom den Chaild invitéiert. An engem lockere Gespréich erzielt hien deenen zwee Hosts, wei aus dem 'Adrian' den Chaild ginn ass, iwwert seng Musek an de Business hannendrun. Wéi gutt hien seng eege Lyrics kennt, stellt hien och ënner Beweis, natierlech net ouni en Ständche vu sengem néie Bebe 'Raindrops' ze ginn. No dësem Sneakpeak vum Chaild sengem gesanglechen Talent, fuerderen den Philippe an den Tom hien raus, Tiktok 'Snowman-Challenge' ze probéieren. Wéi dat ausgeet, héiert der an der aktueller Episod. De Wee zu 'Chaild' war keen einfachen an verbonne mat sengem perséinleche Comingout, den him gehollef huet sech an senger Musek ze verwierklechen.