God is een Wese, onderskeie in drie Persone en Hy is ons Vader, Skepper en Heiligmaker.

God praat met ons deur Sy Seun Jesus Christus, wat groter is as die profete en die engele!

Selfs in die heiden se paleis, sit die Here op die troon. Ons sien hoe die soewereine God regeer oor die ydelheid van ‘n koning en die dwaasheid van sy raadgeweres.

Daar is, veral te midde van dwaalleer in die kerk of kerkverband, gewoonlik geliefdes wat begin twyfel en verward raak. Hoe moet ons optree teenoor hulle? Hoe benader ons mense wat twyfel? Die Here wys ons (1) drie benaderings m.b.t. die wat twyfel en (2) gee ook sekerheid dat Hy ons staande hou.

Hoe moet ons maak, wanneer ons dwaalleer in die gemeente bemerk? Of as ons agterkom daar is valse leraars, bv. in die kerkverband? Judas lê vir ons die plan van aksie uit. Te midde van valse leraars moet ons (1) die woorde van die apostels onthou en (2) onsself in die liefde van God bewaar.

Nadat Judas vir ons die kenmerkende gedrag en eienskappe van die valse leraars gewys het, gaan hy nou name noem. Hy gaan die maskers van hierdie godsdiens-akteurs afhaal! Die (1) ware identiteit en (2) skade van die valse leraars word vir ons ontbloot.

Die insluipers is dromers. Judas gaan verder en gee vir ons kenmerkende karaktereienskappe van valse leraars. Hulle besoedel, verag en laster op grond van hulle eie sg. insigte, visioene en "konneksies" met die geesteswêreld. Ons kyk (1) eers na die feit dat die valse profete droom en dan (2) na die lastering van hierdie dromers.

Judas noem die kenmerkende gedrag van die valse Christen leiers in sy tyd. Hulle het al veranderend en verloënend die kerk binnegewurm. Hoe relevant is dit nie ook vir ons kerke in SA nie! Leraars wat met subtiele agenda's allerlei veranderinge voorstaan, soos o.a. sodomie. Met hulle gedrag verloën hulle die Here. Met hulle ongegronde gesag mislei hulle die mense. Hulle oordeel is reeds vasgeteken.

Die siel van 'n mens moet kleef aan iets. Soms maak die Here Homself "skaars", soos water in 'n woestyn, sodat ons kan sien waaraan ons siele werklik kleef. Van nature kleef ons siele aan die stof, maar die siele van sommiges word Bonatuurlik verkleef aan Christus. Hiervan sing Dawid. Hy verlang, vertrou en verwag die Here, want sy siel is verkleef aan die Here. Die Here versterk ook die verkleefde siel.

Judas skryf, die gemeente moet "stry vir die geloof". Stry vir die geloof beteken stry vir dogma. Stry vir die oorgelewerde, apostoliese leerstellings. Wat gebeur wanneer iemand nie stry vir die geloof nie? Gewoonlik een of al drie van die volgende: a) hulle vergeet wie God is, b) hulle vergeet wie hulle is & c) hulle is 'n teiken vir dwaalleer en misleiding