Daar is heelwat van ons wat wonder oor verassing en begrafnis. Wat sê die Bybel hieroor? Ons kyk vandag na die Here se Woord om te sien dat gelowiges selfs na hulle dood 'n laaste belydenis van hulle geloof aflê. So - wat is jou laaste belydenis? Veras, of begrawe?

Gebed en vertroue is, so weet ons, deel van ons geloofslewe. Maar net so 'n belangrike deel van ons lewe as gelowiges is om terug te kyk. Regverdiges lewe deur die geloof, wanneer hulle terugkyk in God se openbaring in - nie net om sin te maak van die hede nie, maar om ook vooruit te kyk na die toekoms

Ons benodig ‘n objektiewe maatstaf waaraan ons onsself kan meet. Want: Jer. 17:9| “Bedrieglik is die hart bo alle dinge, ja, verdorwe is dit; wie kan dit ken?”

Maar: 1 Joh. 1:5| “God is lig en geen duisternis is in Hom nie.”

En: DL ¾:16”| Die wedergeboorte maak ons nie passief nie. Die Gees sit nie ons wil “af” nie, maar maak dit juis lewend en vry om vir God te lewe!

In Jesus se gesprek met Nikodemus, leer ons dat die wedergeboorte 'n absolute moet is vir ieder en elk. Dit is die enigste weg in God se koninkryk in. Dit is al hoe 'n mens God sal sien. Ons kyk ook vanuit ons teks, na die manier hoe die wedergeboorte gebeur. Weet jy hoe 'n mens wedergebore word?

'n Leerstelling wat vandag, soos deur die eeue maar weer in die spervuur is, is die leer oor die doop en by name die kinderdoop. 

Waarom doop ons (kinders)?

(1) Jesus Christus het die doop ingestel (2) as 'n sigbare verbondsteken van sy beloftes, (3) om ons geloof te bevestig en versterk.

Die nuus is vol slegte gebeurtenisse. Suid-Afrikaners is hopeloos, modeloos, moeg gesukkel. Ons voel dit self. Ons hoor dit in ons gesprekke in die kerk se voorportaal, op die skoolterrein en langs die braaivleisvuur. Die uitdaging vir ons as gelowiges, is om moeilike omstandighede steeds gelowig aan te durf. En die probleem is nou, dat ons in hierdie omstandighede geneig is om te mor. Ons murmureer.

Uit die reaksie van die demone vind ons berusting in die feit, dat Christus Koning is ook oor die duiwels. Uit die reaksie van die stadsmense sien ons hoe ons nie op Sy Koningskap moet reageer nie.

Die groot storm en stilte op die see van Galilea, wanneer Jesus en sy dissipels na Gadara vaar, wek by ons die vraag: "wie is Hy?". Die (1) storm ontbloot die mensehart en (2) die stilte na die storm openbaar wie Jesus is.

Daar is twee maniere hoe Jesus nie gevolg kan word nie.

(1) Wanneer ons Hom impulsief volg, sonder om die koste te oorweeg &

(2) Wanneer ons uitstel om Hom te volg, omdat ons ander dinge hoër prioriteit maak

Jesus Christus genees die skoonmoeder van Petrus - sonder dat sy uitreik, vra of by hom pleit. By haar vind ons op die oog af geen "bewyse" vir geloof in Hom nie. Mattheus vertel verder, dat Jesus ook daardie aand almal wat demonies besete en siek was genees het. Ons sien vandag dat Jesus nie net (1) die koors van Petrus se skoonmoeder genees nie, maar ook (2) ons "koors". Dit is die Blye Boodskap, dat Jesus op Hom neem wat ons nie kan dra nie en vir ons gee wat ons nie kan bewerk nie.