En paucs dis cumenzan ils gieus olimpics da stad a Paris. Sper las regurdientschas da grondas prestaziuns da sport dals ultims gieus restan er adina puspè melodias, saja quai chanzuns da pop u er ina massa fanfaras u marschs. 

L'instrumentala ha guardà enavos en l'archiv e chattà ina massa melodias da gieus olimpics dal passà.

Nus tadlain hits sco «One Moment in Time», «Hand in Hand» ubain «Barcelona», ma era marschs sco «Olimpica Marcia Sinfonica», «Olympiade» e natiralmain na mancan era betg intginas enconuschentas fanfaras sco «Olympic Fanfare & Theme », «Olympus Fanfare» ed er «Olympic Fanfare».