Gestir hesaferð:

Hanus Kjølbro

Justinus Ejdesgaard

Magni Mohr

Niels Jákup Thomsen

Marna Jacobsen

Fía Lindenskov

Í fýra ár var Martin Restorff at kalla ímyndin av Hotel Hilton.

- Eg arbeiddi altíð, og eg elskaði tað. Og av tí sama var eg so at siga ongantíð heima. Í tey fýra árini, eg var stjóri á Hilton, koyrdi eg børnini í skúla eina ferð. Og ongantíð kundi eg fara við teimum til ymiskt frítíðarvirksemi og ítróttakappingar.

Orðini eigur Martin Restorff, sum í fjør valdi at siga seg úr starvi sum stjóri á Hotel Hilton Garden Inn. Hann vil brúka meira tíð saman við konuni og børnunum og annars bara kunna taka sær av løttum.

Gestir hesaferð:

Hanus Kjølbro

Martin Restorff

Rønn Eliassen

Kristina Gry Berg

Steypafinalurnar í hondbólti, dreymatýðing, føðingardagur hjá Føroya Ríðingarfelagi og fríggjadagskjak um føroyska málið og kríggi í Ukraina, nú eitt ár er liðið, síðani Russland gjørdi innrás í Ukraina.

Gestir í sendingini eru Hans Jón Thomsen, stjóri í HSF, Ári Rouch, samskipari í HSF, Mia Smith, sum ger poddvarp um dreymatýðing, Brandur í Dali og Hans Wilhelm Lutzen frá Føroya Ríðingarfelag.

Í fríggjadagspanelinum eru Siri Súsonnudóttir Hansen, Bjarni Arge og Bjørn Hentze Bech.

Hondbóltssamband Føroya hevur úr at gera í sambandi við hondbóltssteypafinalurnar. Í kvøld, morgin og sunnudagin verða finalur í øllum aldursbólkum leiktar.

Fyrireikingarnar ganga væl, og vit eru spent til vikuskiftið, sigur Hans Jón Thomsen, stjóri í Hondbóltssambandinum.

Hjá kvinnum er steypafinalan millum somu lið, sum í fjør, H71 og Kyndil. Dysturin hjá kvinnunum verður kl. 16.30 leygardagin.

Í dag er tað eitt á síðani, at Russland leyp á Ukraina. Kríggið heldur enn fram, men fyllir tað líka nógv hjá okkum í Føroyum í dag, sum tað gjørdi 24. februar í 2022? Tað er fyrsta evni í dag.

Næsta evni er føroyska málið og ensk orð. Týskvøldið í Degi og Viku, var tosað um, at ung brúka ov nógv ensk orð sínámillum. Summi halda, at hetta er ein trupulleiki fyri tað føroyska málið. Tey trý siga, at tað er ikki so neiligt, sum tað ljóðar, at ung duga væl enskt í dag.

Mia H. Smith, sum er listafólk og starvast sum grafikari, er vertur í poddvarpsrøðini.

Fyrsti partur er úti, og annar partur er longu lagdur til rættis.

Í poddvarpinum tosa tey um dreymar, royna at týða teir og finna eina djúpri meining.

Hon og tøkningurin Karl Andrias Stórá leggja sendingina til rættis.

Í fyrsta parti práta tey um ein dreym, sum Mia hevði, har sangurin "Nakkapirran" hevði ein stóran leiklut.

Ein kann hoyra poddvarpsrøðina "Dreymasavnið" á Spotify og Youtube.

25. februar í 1943 var Føroya Ríðingarfelag sett á stovn. Felagið varð stovnað í Tórshøll í Niels Finsens gøtu í Havn. Stovnarar vóru Aksel Hansen, Leivur Trónd Hansen og Jens Pauli av Reyni.

Teir tríggir kallaðu til stovnandi aðalfund í bløðunum 20. februar í 1943. Í innkallingini søgdu teir, at ætlanin var at stovna felag, ið skuldi hava til endamáls at fremja ríðingina, viðlíkahalda ríðigøtur og fyrireika kappríðingar. Havnarfólk eins og fólk av bygd vóru vælkomin í felagið.

Ruth Thomsen er ein teirra, ið skipar fyri tiltaki, sum Føroya Blindafelag bjóðar síggjandi fríggjakvøldið og leygarkvøldið. Hon hevur mist sjónina og heldur tað vera týdningarmikið at geva síggjandi ein møguleika at merkja, hvussu tað er at liva í bølamyrkri.

- Tey sleppa inn í okkara verð eina løtu og fáa eina góða aha-uppliving. Tú kanst kunna teg so nógv, sum tú vilt, men tað gevur ikki tað sama, sum tað ger, um tú roynir tað, sigur Ruth.

Beint fyri árslok skifti Vár Erlingsdóttir Eidesgaard Føroyar og Havnar Smimjifelag út við USA og svimjiliðið hjá Florida International University (FIU).

Vár hevur fingið eitt sokallað stipendium ella 'scholarship' á Florida International University í Miami. Tað vil siga, at hon svimur fyri universitetið, og afturfyri fær hon skúlagongdina ókeypis.

Vár er í holt við at taka ein bachelorútbúgving í lívfrøði.

- Størsta broytingin er at tosa enska málið, sigur Vár, sum eisini skal venja seg við at ganga á einum universiteti við 60.000 lesandi.