Vit tosa við Jazzygold og frumspæla nýggja lag hennara, tosa við Brand Nolsøe Mortensen um javnstøðu, og so vitjar Finnur Koba ræðsluhúsið, sum letur upp føstulávintsmánadag.

Fríggjadagspanelið kjakast um, at Riley vann danska melodi grand prix, og at tað elvdi til kjak, um valentinsmessu og um, at søla av bensinbilum verður bannað í ES í 2035.

Í panelinum hesaferð eru Annika Kunoy Im, Jóngerð Guttesen og Rani Nolsøe.

Brandur Mortensen Nolsøe, samskipari í Javnstøðunevndini og Demokratia, hevur júst verið á norðurlendskari ráðstevnu um javnstøðu. Evnini eru mong, og tað ber til at hyggja eftir alskyns fyribrigdum við javnstøðubrillum.

Á ráðstevnuni tosaðu tey millum annað um, hvussu tað gongur við javnstøðu í Norðurlondum, sum altíð hava gingið á odda viðvíkjandi javnstøðu millum kynini, og hvørji afturstig eru.

Brandur nevnir harðskap, sum veksur kring allan heimin, millum annað eisini harðskapur, sum menn fremja móti kvinnum.

Í fríggjadagspanelinum hesa ferð eru Annika Kunoy Im, journalistur á Kvinnu, Jóngerð Martinsdóttir Nielsen, stjóri í Vesturvón og Rani Nolsøe, tónleikari og sjálvstøðugur vinnurekandi.

Tey vóru væl uppløgd, tá ið tey komu í útvarpsstovuna í morgun.

Gestir hesaferð:

Hanus Kjølbro

Bjarni Filholm

Rakul Lisberg

Rannvá í Løðu

Jákup Magnussen

Tólv starvsfólk í almannaverkinum hava seinastu árini fingið eina eftirútbúgving sum kynslívsvegleiðarar, og hesar útbúgvingar vera dúgliga brúktar á bústovnum og stovnum kring landið.

- Tað er týdningarmikið, at fólk kenna síni egnu mørk og mørkini hjá øðrum, og tað er gjøgnum dialog at hesi koma til sjóndar. Tað er ymiskt, hvussu tey eru fyri, og ymiskt, hvørji mørk fólk hava, og so tosa vit um tað, sigur Rakul Lisberg, sum er útbúgvin kynslívsvegleiðari.

Ein yvirskipaður kynslívspolitikkur er í almannaverkinum, men ætlanin er at fara víðari eisini.

Fyri mong er Plátubarrin ímyndin av einum góðum leygarkvøldi. Í dag eru liðin júst 10 ár síðani fyrsta barrin var send.

Upprunaliga var sendingin tríggjar tímar til longdar. Í dag er hon heilar seks tímar, men konseptið líkist sær sjálvum.

Jákup Magnussen leggur nógv fyri, tá ið hann ger Plátubarrina.

Sjálvur metir hann, at í minsta lagi 50 tímar verða brúktir til hvørja sending.

Ert tú dugnalig til hetta starv, kann tað vera, at tú í lærutíðini verður biðin um at umboða tín skúla til DM í skills. Hetta er ein kapping fyri lærlingar, sum eru farnir undir eina yrkissútbúgving, og ein teirra, sum kappaðist í Danmark í farnu viku, var Petra Ingebrigtsen, sum er í læru á hotel Brandan í Havn.

Sum móttøkufólk ert tú tann, sum viðskiftafólk fyrst koma til, um tey hava rís ella rós, spurningar ella viðmerkingar, og tá skalt tú vera til reiðar til eitt sindur av hvørjum.

Gestir:

Hanus Kjølbro

Petra Ingebrightsen

Ester Mikkelsen

Bergtóra Høgnadóttir

Gestir:

Ditte Mathilda Joensen

Tróndur Herason Olsen

Gestir hesaferð:

Hanus Kjølbro

Sirið Stenberg

Ivan Niclasen

Johann Mortensen