Prát, innsløg og tónleikur.

Prát og tónleikur.

Talið av klamydia og gonoré tilburðum veksur árliga, sigur Marin í Dali, lækni, sum hevur stovnað Kyn. Tí varpa tey eisini ljós á kynssjúkur í ár og framleiða ein føroyskan film um kynssjúkur.

Tað kann hugsast, at ung ikki er nóg røsk at nýta fyribyrging móti kynssjúkum, tá ið talið er vaksandi.

Fleiri ung hava eisini eitt nú klamydia uttan at vita av tí, sigur Marin í Dali.

Harafturat ger Kyn eina kanning á netinum, sum snýr seg um kynssjúkur og fyribyrging. Kanningin verður almannakunngjørd á almennum tiltaki í Perluni hóskvøldið 9. februar.

Í panelinum hesa ferð eru Elisa Vang, Eiler Fagraklett og Ingi Poulsen.

Tey skriva:

- Hvør er tín hetja? Er har ein ávís føroysk ella útlendsk kvinna, livandi ella deyð, ið hevur givið tær íblástur ella hevur verið tín fyrimynd í gerandisdegnum, arbeiðslívinum, ella sum hevur ávirkað teg hugsjónarliga, listarliga ella menniskjaliga?

Nú ber til hjá øllum, at skriva eitt sokallað hetjubræv, til eina gentu/kvinnu, sum hevur verið tín fyrimynd.

Urd Johannesen og Oyvør Jacobsen úr Runavíkar kommunu, vilja varpa ljós á tær kvinnurnar, sum á onkran hátt hava gjørt mun hjá fólki.

Vátlendi tykjast fyri summi at vera ógagnlig og oyðin øki við fyrsta eygnabrá, men veruleikin er tann, at hóast mýrilendi, sum eru eitt slag av vátlendi, fevna um 3% av samlaða lendinum á jørðini, goyma tey í sær næstan 30% av heimsins kolevni.

Hetta er tvær ferðir so nógv sum heimsins skógir. Hetta merkir, at kolevnisútlát frá ídnaði, ferðslu og øðrum menniskjaligum ídnaði verður upptikið av vátlendum og goymt í lendinum, í staðin fyri at vera verandi í lofthavinum og á tann hátt hita jørðina.

Óvanliga nógv regn hevur verið í Nýsælandi seinastu dagarnar, og fleiri fólk eru deyð í sambandi við áarføri.

Býurin, Auckland, hevur í nakrar dagar verið lýstur í undantaksstøðu.

- Fríggjadagin í farnu viku regnaði tað oman fyri 200 millimetrar upp á seks tímar, og eg havi ongantíð upplivað nakað líknandi, sigur Janhild Olsen, sum í fleiri ár hevur búð í býnum, Auckland.

Tíbetur eru hon og familjan sloppin rættiliga væl.

Gestir hesaferð:

Andrias Klein Gregoriussen

Kolbrún í Haraldsstovu

Janhild Olsen

Diana K. Kongsbak

Johnny í Grótinum, búskaparfrøðingur, greiðir frá, hví rentan aftur hækkar í dag. Hann greiðir eisini frá, at rentan fer at hækka eitt sindur afturat í februar, og so verða møguliga fleiri rentuhækkingar afturat seinni í ár.

Orsøkin er, at rentan er eitt gott amboð at tálma eftirspurninginum og inflatiónini. Tó verður roknað við, at inflatiónin verður verandi í ár og næsta ár, samstundis sum at prísstøðið verður verandi, sum tað er, og altso ikki fer at minka, sigur Johnny í Grótinum.

Prát, tónleikur og innsløg.