Gestir í sendingini:

Andrias Klein Gregoriussen

Oddvør Poulsen

Súsanna Nordendal

Rannvá Helenudóttir

Fríði í Joe and Shit Boys

Sí video

Fríði Djurhuus, Jónsvein Mikkelsen, Sigmund Zachariassen og Ólavur á Skipagøtu eru Joe and the shitboys. Teir eru júst nú á konsertferð í Kanada.

Fríði Djurhuus gleðist um møguleikan, sum teir hava fingið, og sigur, at tað er sera øðrvísi og stuttligt at vera í Kanada og spæla konsertir.

Teir hava havt fleiri konsertir ymsa staðni í Kanada, og morgunsendingin fekk orðið á Fríða, meðan hann var á flogvøllinum í Calgary á veg til Winnipeg.

Fyrsti poddurin hjá Beranum kom út um vikuskiftið, og hann snýr seg um at hava álvarsliga sjúku tætt upp at og so at missa.

Lív Højsted Horsdal, sálarfrøðingur í Beranum, er vertur. Hon tosar við Sólvu Hjaltalin Olsen, sum hevur mist pápa sín.

Oddvør Poulsen, leiðari í Beranum greiðir frá, at tey fegin vilja tosa meiri opið um sorg og røkka út til fleiri, sum hava mist ein kæran, ella standa einum nær, sum hevur mist ein kæran.

Lív Højsted Horsdal er von at hava einstaklinga- og bólkasamrøður í Beranum, so hetta var ein øðrvísi uppgáva, greiðir hon frá.

Eftir fáum vikum hava føroyska, Annie Ariel Lassen, og unnusti hennara, Julian, endurbygt eina gamla smáttu, sum er í einum svenskum skógi.

Tey settu sær fyri at gera smáttuna klára upp á bara 32 dagar at taka ímóti gestum. Hetta var tí, at familjan kom at halda summarfrí í smáttuni.

Tað var kanska í so optimistiskt, viðgongur Annie, men tað eydnaðist. Kenslan at taka ímóti gestunum var ómetaliga góð, sigur hon.

sí video.

Ov høgt kolesterol.

Tað er nakað, sum nógvir føroyingar hava. Hjá summum er orsøkin lívsstílur, meðan hjá øðrum snýr tað seg um arv.

Men nú er ein granskingarverkætlan liðug, har endamálið hevur verið at lýsa og meta um støðuna við kolesteroli í blóðnum í Føroyum og harafturat at kanna møguligar orsøkir til og títtleikan av ættar-hyperkolesterolemi í Føroyum - altso arvaligum ov høgum kolestroli.

Tað er Sanna á Borg, lækni á Landssjúkrahúsinum, sum hevur gjørt ph.d. ritgerð um evnið, og fríggjadagin vardi Sanna á Borg ritgerðina um arvaligt høgt kolestrol.

Gestir:

Andrias Klein Gregoriussen

Sanna á Borg

Annie Ariel Lassen

Evnini hesaferð eru venjingar hjá politinum í høvuðsstaðnum, at skurðviðgera bringuna burtur, tá ið mann er tvørkyndur, um at vera professionelt bikini fitness ítróttarfólk og venja hart í Las Vegas.

Síðani kjakast fríggjadagspanelið um útbyggingina hjá Varðanum á Tvøroyri, um at hava okkurt søtt á arbeiðsplássinum og um eina strangari fýrverkslóg. 

Gestir í sendingini eru Rúni Vesturklett, Leo Lávík, Elisabet Vang, Maud Vang Hansen, Kristina Gry Berg og Signar í Homrum.

Fyri nøkrum mánaðum síðani fekk Elisabet Vang tittulin sum professionellur atletur, sum merkir, at hon kappast í professionellu deildini innan fyri bikini fitness.

Fyri stuttum skifti hon eisini venjara og bleiv partur av Team Elite Physique. Nú er hon í Las Vegas og leggur dent á menning og at byggja vøddarnar hjá sær so nógv upp sum møguligt í átta vikur.