Tíggju ár eru farin, síðan Blái Krossur fór undir at arbeiða við børnum og ungum, sum eru vaksin upp í heimi, har rúsað foreldur eru partur av gerandisdegnum.

Fyrsta tilboðið æt 'Øll hava rætt til góð barnaár', og hetta er við tíðini broytt til 'Títt Rúm'. Eisini er tilboðið víðkað frá at vera til børn og ung til at umfata ymisk tilboð til vaksin, sum eru vaksin upp í heimum við rúsaðum foreldrum.

Jóngerð Nielsen var hon, sum fyri tíggju árum síðan greiddi børnum frá, at har var ein møguleiki at sleppa at tosa um støðuna, tey vóru í.

Reiley er millum tey átta, sum skulu kappast um at umboða Danmark til Eurovision í ár.

MGP verður í Keypmannahavn 11. februar, og Reiley verður í Danmark og fyrireikar seg til ta framførsluna komandi vikurnar.

Ófrívilligt barnloysi hjá monnum er eitt evni, sum sera lítið verður tosað um. Sum heild er evnið tabu, og tað upplivist eins hjá kvinnum og monnum, sum eru ófrívilliga barnleys, men tað er verri hjá monnum at tosa um tað, sigur Petur Háberg.

Hann hevur skrivað serritgerð í samfelagsvísindum um ófrívilligt barnloysi hjá monnum, og hon hevur heitið ?You lose the story about yourself? - a glimpse inside the lives of involuntary childless men in the Faroe Islands.

Gestir í sendingini eru Rani Petersen, Reiley, sum skal við í danska Melodi Grand Prix, Petur Háberg, sum hevur skrivað serritgerð um ófrívilligt barnloysi hjá monnum og Anna Hudelpohl og Angelika Hansen, sum hava givið fløgu út.

Í fríggjadagspanelinum hesaferð vóru Heidi Lava Elgeirsdóttir, Dánjal Samuelsen og Ólavur Jóannesarson Hansen.

Dánjal Samuelsen, Heidi Lava Elgarsdóttir og Ólavur Jóannesarson Hansen vóru í panelinum í morgun.

Ljóðførini á fløguni eru violin og akkordeon. Anna spælir akkordeon og Angelika violin.

Fløgan hevur fimtan klassisk løg, sum teimum báðum dámar sera væl. Millum annað løg eftir Wolfgang Amadeus Mozart og Edward Elgar, sum tær gera sínar egnu útgávur av.

Í hesum ljóðbrotinum ber til at hoyra tveir sangir, sum eru á fløguni. 

Tað fyrsta lagið eitur "Liebesgruß", og tað seinna eitur "Solveigs sang".

- Alkohol fyllir nógv í Føroyum, men eg haldi, at tey allar flestu duga at drekka.

Soleiðis sigur John Andersen, sum ongantíð hevur drukkið.

- Tá eg kom í handan aldurin, fóru fleiri vinfólk at drekka, men av onkrari orsøk, so vóru eg og ein vinmaður ikki ordiliga har, og hvørgin okkara hevði eina trongd til at drekka, sigur John Andersen. Hann hevur tó roynt at smakka ymiskt við alkoholi í, men tað sigur honum einki, og tí drekkur hann ikki yvirhøvur.

Soleiðis er eisini við Mirjam Pætursdóttir, tí hóast hon fer í veitslur og í býin, so er tað altíð sum edrú.

Bjarni á Steig, stjóri í Fólkaheilsustýrinum, ásannar, at alkoholnýtslan er munandi broytt.

Hann vísir á, at fyrr var ikki óvanligt at fáa sær ein lítlan á arbeiðsplássinum ein fríggjamorgun. Hetta er óhugsandi í dag.

Tilmælini um okkara leiðir eru, at vaksin eldri enn 18 ár drekka eftir 10-4 regluni.

Tað vil siga, at mælt verður bæði monnum og kvinnum til ikki at drekka fleiri enn 10 alkoholeindir um vikuna og ikki fleiri enn 4 eindir sama dag.

Gestir hesaferð:

Andrias Klein Gregoriussen

Bjarni á Steig

Mirjam Pætursdóttir

John Andersen

Ingi Viðberg

Durita Vidtfeldt

Bjørk Akselsen

Áhugabólkurin Lutaíbúðir skipar fyri kunnandi fundi um lutaíbúðabygging í Føroyum.

Í hesum føri fyrst og fremst í miðstaðarøkinum.

Bólkurin vísir á, at lógargrundarlagið fyri tílíkari bygging er nærum 12 ár, men enn er lítið komið burturúr.

Á kunnandi fundinum á Finsen í Havn í kvøld klokkan sjey, verður greitt frá, hvussu ætlanin er at byggja, hvørjar fíggjarligar avbjóðingar eru, og hvussu skipanin er skrúvað saman løgfrøðiliga. 

Morgunsendingin skiftir orð við Hans Jacob Hermansen, Elina Hentze og Súsonnu Olsen um lutaíbúðir.