Búskaparliga vóru Føroyar alt annað enn væl fyri, tá Marita Petersen tók við sum løgmaður eftir Atla Dam.

Bankarnir vóru um at fara av knóranum, og vinnulívið á sjógvi og landi var um at fara sama veg.

Marita Petersen legði tó dent á, at tíðin var komin at hyggja frameftir heldur enn at leita eftir gomlum feilum.

Kreppan merkti nógv stutta skeiðið, sum Marita Petersen sat í løgmansembætinum.

- Eg havi als ikki fatað tað enn.

Orðini eigur 22 ára gamli Einar Thorsteinsson úr Vági, sum fríggjakvøldið vann 1,1 millión í Gekkinum.

Gekkaupphæddin seinasta fríggjakvøld var 3,2 milliónir. Einar Thorsteinsson valdi at býta upphæddina út í teir tríggjar leyparnar, soleiðis at hann fekk 1,1 millión í hvønn leypin.

- Eg valdi at býta upphæddina í trý, tí so er møguleikin at vinna tað størri, sigur Einar Thorsteinsson, sum hetta kvøldið var saman við unnustuni og mammu síni, tá hann vann.

Tað er rættiliga vanligt, tá skúlaflokkar og ítróttarlið skulu uttanlands, at tey upp á ymsar mátar savna pengar til ferðina. Eitt nú savna tey fløskur, hava tombola, selja fisk ella okkurt heilt annað.

Og júst okkurt heilt annað, tað ger Vermund Vestergaard, nú tá pengar skulu fáast til vega í sambandi við at hondbóltsliðið hjá Eydnudeildini skal til Lykkeliga-cup í Danmark í summar.

Vermund Vestergaard skipar fyri stuðulstiltaki, har hann ætlar sær at rógva 1000.000 metrar á rógviamskinu.

Gestir í sendingini eru Einar Thorsteinsson, Andrias Klein Gregoriussen, Vermund Vestergaard, Gunn Hernes og Durita Sigmundsdóttir Djurhuus

Vit spurdu lurtarar okkara hvussu tey hoyrdu teir tónar, vit spældu fyri teimum í morgun, og meðan summi peikaðu upp og onnur peikaðu niður, so vóru eisini tey, ið peikaðu báðar vegir. Men hvør hevur rætt?

Heðin Ziska Davidsen, tónleikari, greiðir frá, at øll hava rætt, tí talan var her um sonevndar Shepard tones. Hoyr her

Visit Faroe Islands er farið undir at orða nýggja ætlan fyri ferðavinnuna í Føroyum fram ímóti 2030. Og øll, sum hava eina meining um føroysku ferðavinnuna, eru vælkomin at bera hana fram.

Okkara mál er, at hetta er ein ætlan, sum er so væl kjølfest í ynskjunum hjá føroyska fólkinum sum til ber, og at so nógv sum møguligt kunnu hava eina ávirkan á, hvussu ferðavinnan mennist í Føroyum, sigur Guðrið Højgaard, stjóri a Visit Faroe Islands.

Gestir í sendingini eru Andrias Klein Gregoriussen, Heðin Ziska Davidsen og Guðrið Højgaard

Tey sum manna fríggjadagspanelið hesuferð eru: Jóngerð Martinsdóttir Nielsen, Bjørn Bech Hentze og Sølvá Jansdóttir Joensen

Vit spyrja námsfrøðingin, Vígdi Skorheim, hvussu mann sum foreldur skal handfara slíkar støður, tá ið barnið ikki tímir í vøggustovu, í barnagarði ella í skúla

.

Tú kennur kanska sangarinnuna Jasmin Mote, sum tey seinastu fimm árini hevur gjørt tónleik saman við tónleikabólkinum Jasmin.

Týsdagin bleiv tað almannakunngjørt, at hesin bólkurin ei longur fer at spæla saman. 

Jasmin fer at sova, men Jasmin Mote fer ikki at sova tungt, tí hon fer at broyta tónleikstíl og navn.

Navnið verður Jazzygold, tónleikastílurin verður R&B, og sum hon sjálv sigur, so verður hetta nakað spildurnýtt.

 

Mynd: Aleksandra Milanovic