Gestir hesaferð:

Hanus Kjølbro

Lovisa Glerfoss

Jógvan Steintún

Gestir:

Fríggjadagspanelið kjakast hvønn fríggjamorgun í Góðan morgun, Føroyar um trý aktuell evni.

Tey trý, Rani Nolsøe, Siri Súsonnudóttir Hansen og Sveinur Tróndarson, tosaðu í morgun um at seta sær nýggjárslyftir, um at fáa at vita, at mann skal liva sunt, og um dýri biðidagur skal varðveitast

Jákup Joensen Eskildsen vitjaði okkum í morgun og prátaði um hetta spælið.

"Dungeons and Dragons", er eitt skapandi spæl, har tað eru ymiskar reglur fyri, hvussu ein spælir. 

Í spælinum verður ein ávís søga søgd, og tey, sum spæla við, hava ein leiklut, og so ber eisini til at berjast móti óndum skrímslum og drekum.

Tað vísir seg, at í Føroyum er hetta eitt væl dámt spæl, sum mong savnast um og spæla.

Gestir:

Andreas Sigurstein, Hanne Marit Mordal Iversen, Hans Petur í Brekkunum, Rebekka Niclasdóttir, Elsa Berg og Kolbrún í Haraldstovu

Hundaeigarar vita, at nýggjárið kann vera ein avbjóðing fyri djórini.

Brestirnir kunnu gera, at hundarnir blíva bangnir, og summir kunnu finna upp á at fara til stroks, fáa teir møguleikan.

Tað var júst tað, sum hendi nýggjársaftan hjá Rebekku Niclasdóttir og familjuni. Border Collie-hundurin, Max, fór til stroks.

Nýggjársaftan brúktu tey til at leita eftir hundinum, men uttan eydnu.

Ein eftirlýsing var løgd út á facebookbólkin: Djór mist/funnið.

Har reageraðu fólk alt fyri eitt, og ein stór leiting var sett í verk.

- Flestu fólk, sum hava tað gott og sum eru ung, tola væl at fáa virussjúku so sum beinkrím ella RSV virus, men summi eru, sum ikki tola at gerast sjúk, og hesi mugu ikki verða smittað, so um tú hevur fepur, so ver heima, sigur Shahin Gaini.

Har er ikki so nógv at gera, tá tú ert vorðin sjúk/ur, enn at brynja teg við toli og ansa eftir at fáa nóg mikið av vætu at drekka, tí fepur, vødda- ella liðapína, háls- og høvuðpína eru eyðkennini hjá beinkrími.

Nógv hugsa helst um at vera fysiskt virkin, tá tey hugsa um ráðini frá Fólkaheilsuráðnum, sum nú á nýggjárinum gjørdist partur av Fólkaheilsustýrinum.

Men millum ráðini eru eisini hugskot til at seta sær mál, at lesa eitt sindur og kanska at spæla eitt spæl ella tvey saman við øðrum.

- Virkin januar er partur av okkara ABC fyri sálarliga heilsu, sum vit hava fingist við í nøkur ár eftir hondini, sigur Monika Mohr, samskipari.

- Tað er ikki fyrr enn nú, at eg merki skelkin.

Orðini eigur Ingi Poulsen úr Vági, sum var óheppin gamlaárskvøld, tá ið eitt kanónslag brast í hondini á honum.

- At byrja við sá eg næstan einki, so tað var ikki, fyrr enn eg var komin inn, at eg spakuliga byrjaði at síggja hondina. Hóast tað var ógvusligt, so var eg glaður um, at eg hevði allar fingrarnar, sigur Ingi Poulsen.

Eisini hoyrnin fekk skaða.

Gestir hesaferð:

Ingi Poulsen

Olvheðin Jacobsen

Rógvi

Elin Maria Olsen

Jóhann Mortensen